S‘schöne Trujillo

Nach dere turbulente Nacht hemmer bis am 9ni pennt. Uf eusere Dachterrasse hemmer denn üse Zmorge schnabuliert. Leider hemmer das Hostel nur für 1 Nachr buecht gha und für eh 2ti hends kei Platz meh gha. Drum hemmer no rasch ines anders Hostel, wo aber nir 400m entfernt gsi isch, züglet. Das Hostel isch nid würklich es Hostel, sondern es älters Päärli wo no paar Zimmer frei gha hett und die so duet vermiete. Dementsprechend recht familiär. Sie hend eus na paar empfehlige gäh und zeiged wo de Bus fahrt. Mir sind den mit em Bus zumene Fischerdörfli Huanacho gfahre. Es isch schön gsi wiedermal s‘Meer z‘gseh, aber Küste isch ez nid sooo schön gsi. Es hett na en schöne Steeg gha, aber für de het mer natürlich müesse zahle… Eh Kaffipause hemmer eus aber nid lah neh. Geg de früehni Namittag simmer uf de Bus zrugg, sind aber ide Mitti usgstiige, will mer na die archäologischi Stadt Chan Chan hend welle ahluege. Das isch die grössti präkolumbianischi Stadt gsi vom Chimu-Riich ganz us Lehm baue. Doch mittlerwiile bestaht sie nurno us paar Hüüfe und 1-2 tatsächlich erkennbare Tempel. Zrugg ihde Stadt Trujillo hemmer wieder chli Esse kauft und hend eus uf‘d suechi nach dem Ramen Resti gmacht womer gester gseh gha hend. D‘Rezensione sind eher schlecht gsi, aber mir hend gfunde mir mached üses eigene Bild. Hettemer nid sölle, will während mir no uf üse Ramen gwartet hend, hend die am Tisch nebedra ihres Sushi nid würklich gnosse (so hend ihri Gsichter usgseh zumindest). De Ramen isch au eher chalt gsi und au nüt mega speziells… Churz drufabe simmer ih üses Hostel zrigg und hend die nögst Busfahrt und Hostel buecht, bevor mir is Bett sind go pfuuse.Baca selengkapnya