Wiiter in Süde - Pisco

Hüt Morge bini recht früeh ufgwacht. Die vorig Ziit im Bett hani gnutzt um mir chli es bessers Bild vom Süde vo Peru z‘mache. Mit Erfolg, will ez hend mir wieder chli eh Ruute vor Auge. Mir sind denn wieder is gliiche Kaffi go Zmorge esse wie am Tag zuvor wills halt eifach geil gsi isch. Mir hend na ei Mission in Lima gha, bevor mer den uf de Bus sind: Ich han es paar neui Hose bruucht. Nach gfühlt 20 verschiedene Hose woni ahprobiert han, hani sogar es Paar gfunde🥳 geg die 1 hemmer eus den uf de Weg as Busterminal gmacht. Mit PerúBus simmer den richtig Pisco gfahre. Nach 4h simmer auscho ahcho. S‘Städli Pisco isch ez nüt mega speziells. Wieder eher chlii und mer merkt, dass d‘Lüt nüme so ah Touriste gwöhnt sind. Mir werded wieder meh dumm ahglueged und ahquahscht. Drum simmer au glii ines Resti (La Gloria) gsesse und hend Pasta mit extrem viel Sauce gesse. Aber isch eich na fein gsi. Wie jede Abig simmer relativ früeh zrugg ih euses Hostel (Tambo Colorado) go ligge:)Baca selengkapnya