Busfahrt ahoi! - Arequipa

Nach dem mir de gestrig Abig eher schlecht als recht umebracht hend, hemmer geg die halbi 11 welle es Taxi bstelle, aber d‘Agenture hend keis meh gha ide nögste halb Stund. Also simmer use ufd Strass ide Hoffnig eis z‘finde. Es isch tatsächlich grad eis ahnegfahre, nur jsches leider so winzig gsi und de Biifahrer isch au scho bsetzt gsi mit de Frau. Da‘s kein Kofferruum gha het, hemmer üs beidi mit üsne fette Rücksäck uf de Hinterbank quetscht. Zum Glück simmer so müed gsi, dass mer die Sitution vorallem lustig gfunde hend. Üse Bus isch denn mit chli verspötig am halbi 12i abgfahre. Da mer bizli zspat dra gsi sind mir Busbillet chaufe isch Cruz del Sur (die Horrorlinie vo letzt mal) wieder die einzig Möglichkeit gsi. Natürlich isches wieder eh sauhitz gsi ih dem. Und zwar so heiss, dass woni mal zmitzt ide Nacht, eher im halbschlaf, mini Ohrestöpsel im Buchtäschli gsuecht han, vollgas ih mini ahgfangeni, offeni, gschmolzeni Schoggi glangt han. Da ich de Fensterplatz gha han, hani kei anderi Wahl gha, als denn halt s‘Papierli und mini Hand abzschlecke😂🤷🏻‍♀️ aber au det bini zum Glück zmüed gsi, zum die Sitution generell z‘verarbeite. Defür hemmer die ganzi Busfahrt immer wieder neui Schoggifläcke ah de Hose etc. entdeckt😂 Busfahrt isch au maximal lang gange. Sicher 2-3h länger als ahkündigt. Wahrschindlich au weg dem Zwüschestopp wo mer gmacht hend. Bimene eher reudige Restaurant wos überall mega viel Flüügene gha het und mer bim WC selber gspüelt het, ih dem mer en Chübel Wasser us de Tonne gnoh het und id Schüssle glehrt hett… Schlussendlich simmer denn am drüü in Arequipa ahcho und sind zu üsem Hostel Way Kap go iihhchegge. Mir hend ihmene 8er Dorm üsi Better bezoge und da sie im 2te Stock gsi sind hemmer sozege es Einzelzimmer. Im Städtli hemmer üs den en Iiskaffi gholt zum mal chli ufzwache. Nachere chliine Erkundigstuur chömmer feststelme, dass Arequip echt es süesses Städtli isch miit ganz viel feine vegetarische Restaurant. Da chömmemer defintiv nid z‘churz. Mir hend üs denn für Ramen entschiede im Espacio Lagom, da üs die scho vo anderne empfole wirde sind. Er isch echt extrem lecker gsi. Nacher hemmer no neumeds ufere Dachterrasse en Pisco mir Gingerale gnoh. De Abig hemmer den im Innehof vo eusem Hostel miteme Buech usklinge lah.Read more