Dolce far niente

Bi Tagesabruch simmer zunere herrliche Ussicht und Grüsch-Kulisse erwacht: vu eusem Wulche-weiche Bett gsemmer direkt uf euse Mini-Infinity-Pool, de schwarz Strand und die tosend Branding am Riff. De ganz Tag hemmer mehrheitlich i dr Villa verbracht, entweder dusse uf de Liegene am lese, sünnele, bädele und denn wos chli windiger worde isch, hemmer eus zumene guete Film zrugg is Bett verzoge, denn nu Room Service... herrlich! So laht es sich guet en Tag zwei vertwiile.
Zum de doch nu was zmache, simmer am Namittag nu inen Yoga Session - die best für de Sämy bisher! Mit vilne verschiedene Üebige het eus de Lehrer in allne erdenkliche Positione zum Verrenke und Dehne bracht, so simmer nachher gern zrugg ind Villa ines heisses Schuumbad :)*Les mer