Birthday treats

Hüt isch numal en herrlich entspannte Tag gsi! Zu dr Martina ihrem Geburi hemmer eus sZmorge is Zimmer la bringe... doch de Sämy het organisiert as da nid nur Pancakes und Müesli chunnt, sondern au en Schoggi-Chueche, 28 roti Rose und en luschtigi Truppe Agstellti wo zimli schräg happy birthday gsunge hend! DMartina isch zwar nu im Piji gsi, doch durch das isch au sie denn ganz wach worde :)
Am Mittag hemmer eus nu es Pärli-Treatment gönnt, en chraftvolli balinesischi Massage mit Fokus uf Reflexzone und Energie-Reinigung (mitere spezielle Handbewegig, ähnlich wie die Alu-Massier-Grät). Dick mit Münze-Aloe-Öl igribe simmer zrugg is Zimmer, herrlich ga sünnele, gniesse und Chueche ässe.
Was will mer meh? Mer hend immernu meh als drü Mönet zum reise, erlebe und gniesse! Cheers!*Read more