Selamat tinggal Indonesia, terima kasih!

Hüt znacht hets gstürmt, gwindet und gschiffet - doch ab Mitti Morge isches wulchelos und heiss worde! Euse Flug uf Fidschi gaht erscht am Abig am 10ni... dank de Gastfründschaft im Komaneka hemmer gratis eusi Check-out Zit uf die 5i chenne schiebe :) So hemmer numal en wunderbare Tag in euser Luxusvilla derfe verbringe. Mer hend numal dPrivatsphäre am Pool gnosse, Sunne tankt und es letschts Mal super Zmittag gesse. De running Gag vu de letschte paar Täg isch au wieder zum Träge cho: "De Boulé Sämy derf nid zlang a dr Sunne blibe, suscht git Ayam Lalapan"... suscht wird usem wiisse Mänsch nu fried Chicken :)
Euse wunderbar Monet in Indonesie endet wiener agfange het: miteme Flughafe Transfer vum Mahendra und emene chalte Bintang :)
Danke Bali, Komodo & Flores für die super Zit, gastfründliche und neugierige Lüt, abwechsligsrich Natur under und ob Wasser und das fremde aber doch inspirierende Weltbild!*Read more