Reise nach Maui 🌺

Vo hüt gits nid so viu ds verzeue. ☺️ Mir si am Morge a Carlsmith Beach ds Hilo gange u hei ghoffet, nomau paar Schildkröte ds gseh. 🐢 Es isch du leider aber keni dert gsi. Drum simer witer Richtig Flughafe Kona gfahre. Mir hei ds Outo no müesse tanke u da heimer es Problem bim Zahle gha. 💶 Sone nätte Typ het üs de sini Kreditkarte zur Verfüegig gsteut und hätt üs sogar dr haub Tank zahlt. Das isch üs aber nid rächt gsi u mir hei ihm natürlech dr Betrag bar zahlt. 😇 Ner simer witer a Flughafe. Dert het wider mau ds nächste Problem gwartet. 🤷🏼‍♀️ Wüu üse Direktflug uf Maui gstriche isch worde, heimer über Honolulu müesse ga chehre. Leider het üses Reisebüro d Flüg nur bis Honolulu umbuechet u dr Aschluss uf Maui äue vergässe. 🙄 Die nätti Dame am Schalter het de aber das für üs chönne regle u mir si de guet ds Maui acho. ✈️ Mir si grad ga ds Mietouto hole u da heimer e rise Schlitte becho - e Jeep Wrangler. Üs isches fasch chli unagnähm, mit dem ds fahre aber da gwahne mir üs de öppe schono dra. 😅Read more