Reset search
Hawaii 2023Hawaii 2023
SatelliteEdit route

Hawaii 2023

November 2023 - December 2033
Wir tauschen das regnerische und triste Wetter in der Schweiz gegen Sonnenschein auf dem Inselstaat der USA, und das für den ganzen November! 💦🌺🏝️☀️ Read more
Currently traveling
  • 27footprints
  • 2countries
  • 179days
  • 158photos
  • 8videos
  • 27.7kkilometers
  • 26.4kkilometers
Follow Calendar Share Bucket list
Date ascending
  • TravelerHawaii 2023
    Day 2

    ready for take-off ✈️🌺

    November 6, 2023 in Switzerland ⋅ ⛅ 9 °C

    Ds online check in het nid wöue klappe drum simer hüt morge am 04:10 am Flughafe gsi. ✈️ Di nätti Dame am Schauter het üs de grad aui Boarding Passes gä bis uf Kona. 🙌🏻 Erliechteret simer dür d Sicherheitskontrolle u o dert het aues klappet u nüt het pipset ☺️ Iz warte mer ufe Flüger richtig erste Zwüschestopp Paris 🇫🇷Read more

    See translation
  • TravelerHawaii 2023
    Day 2

    Stairless (statt sleepless) in Seattle 🪜

    November 6, 2023 in the United States ⋅ 🌧 11 °C

    Mit 1h Verspätig simer ds Paris ändlech abgfloge. ⏰ Ungerwägs heimer nume gad 3 min ufghout 😅
    Wome de ändlech het chönne ufstah, heisi gmerkt dass es Problem mit dr Stäge besteit u mir hei wider müesse abhocke. 💺 Aus hätte mer nid scho gnue Verspätig heisi dä Vogu o no müesse umparkiere u mir hei de nomau 3/4 stund dörfe warte. ✈️
    Dr Aschluss uf Kona isch auso ohni Morand/Grimm abghobe. 🛫 Bir Immigration heisi sage und schreibe 3 Schauter offe gha. 🦥 Entsprächend grantig simer zur Delta a Schauter u hei üs scho e Zämeschiss uf änglisch usdänkt. Dä heimer de aber gar nid brucht wüu si üs direkt uf üse gwünscht Flug mitere andere Airline umbuechet hei 🙌🏻 Iz warte mer zum dritte mau uf ds Boarding u fröie üs, üsem Ziel ändlech necher ds cho 🌺🤩    Read more

    See translation
  • TravelerHawaii 2023
    12
    Day 3

    erste Tag in Kona 🌞

    November 7, 2023 in the United States ⋅ ☁️ 24 °C

    Nach 29h Reisezyt simer ds Kona acho. 🙌🏻 Mir hei üses Mietouto i Empfang gno u si zu üsem Hostel gfahre 🚘 Dert heimer üs zersch mau e erfrüschendi Duschi gönnt. Ner heimer gmerkt, dasmer mega Hunger hei u si de am 12i ir Nacht no e Lade ga ufsueche. 🛒 Mir hei üs mitem nötigste ideckt u si zrüg ga ässe und de ändlech ga schlafe 😴 Am nächste Morge simer gmüetlech ga zmörgele u hei üsi Wuche da uf Big Island planet. De simer dr richtig Ichouf ga mache u ner ane schöne Strand ga schnorchle 🤿 Dr Julä isch mit au dene farbige Fische im Paradies gsi 🐠 De simer no witer a Withe Magic Sand Beach u hei dert dr Sunneuntergang gnosse 🌅 Vo dem Strand simer hei gloffe und hei feine (und türe) Haloumi mit Teigware kochet 🍝Read more

  • TravelerHawaii 2023
    Day 4

    Strandtag 🏖️

    November 8, 2023 in the United States ⋅ 🌙 24 °C

    Dr hütig Tag het sportlech gstartet. Mir si nachere erfouglose Delfinsuechi am Kona Pier zrüg zum Hostel jogget. 🐬🏃‍♀️🏃 Ner heimer üsi Schnorchel packt u si zum Hapuna Beach gfahre. 🏝️ Es het üs dert mega gfaue u ds Wasser isch super agnähm gsi. 🙌🏻 Nach chli sünnele simer de witer zum Waialea Beach. Dert heimer no chönne schnorchle. 🤿 Mir hei wider paar schöni Fische gseh. 🐡 Für d Heifahrt hei mir gad d Golden Hour verwütscht u dr Sunneuntergang die ganzi Fahrt lang gseh. 🌅 Fürs Znacht simer is Stedtli. Mir hei e haub Stund ufe Bus gwartet und är isch immer noni cho. 🚌 Dr ÖV fahrt hie chli irgendwie. Wo üs d Geduld isch usgange heimer üse Schlitte gstartet u si so uf Kona gange. Dert heimer es super Mexikanischs Resti gfunde. 🇲🇽 Mir si definitiv satt worde u hei das feine Ässe bime chline Shopping-Türli verdout. 🌮🛍️Read more

  • TravelerHawaii 2023
    1
    Day 5

    Kafi-Tour ☕️🏝️

    November 9, 2023 in the United States ⋅ ⛅ 20 °C

    Hüt heimer e Tour uf dr Greenwell Kaffeefarm gmacht. ☕️ Dr Guide het üs aues über d Kaffebohne verzeut üs über d Farm gfüehrt. Mir wüsse ize, wases aues brucht und wie viu Arbeit eigentlech hinger eim Tassli Kafi steckt. 💪🏻 Am Ändi vor Tour heimer aui Sortene chönne probiere. Natürlech trinkt me dert dr Kafi schwarz u nid no mit Milch verhunzet. 🙈 Das isch nid ganz üse Gschmack gsi aber mir hei trotzdem e Unterschied vo de verschidene Arome gspürt. 😅 När simer de nomau a Magic White Sand Beach, wüus üs dert vorgester so gfaue het. 🏝️ Dert hets ou es Beachfäud gha u mir hei ghoffet, dasmer de mit öpperem no es Matchli chöi spiele. 🏐 Zersch simer aber ga bade u hei ner chli gsünnelet. 😎 Ner si de tatsächlech es paar Dudes ga bäuele u mir hei mit dene es Matchli chönne spiele. 🙌🏻 Ufem Heiwäg heimer de wider dr Sunneuntergang gnosse. 🌅Read more

    See translation
  • TravelerHawaii 2023
    Day 6

    Green Sand Beach & Black Sand Beach 💚🖤

    November 10, 2023 in the United States ⋅ ⛅ 24 °C

    Hüt am Morge simer früech uf und a südlechst Punkt vor Insle gfahre. 🧭 Dert simer ar Küste nah zum Green Sand Beach gloffe. 🥾 E heissi u vor auem windegi Gschicht isch das gsi. 💨 A dem Strand acho heimer de glich chli ab dene Farbe gstunet 💚 (aber sooo krass grüen ischer eigentlech nid gsi 🙈😅). Ds zrüggloufe het üs no heisser dünkt u mir hei e Gang zuegleit dasmer schneuer wider bim Outo si. 😅 Vo dert simer de witer zum Black Sand Beach gfahre. 🖤 Dert heimer ändlech es paar Schildkröte gseh. 🐢 D Corinne isch im Paradies gsi! Es isch mega idrücklech gsi, die so nöch chönne ds bestune u ou dä speziell schwarz Strand het üs sehr gfaue. 🥰 Viu Föteli später simer de zu üsem Tagesziel Hilo gfahre. Dert heimer im nöie Hostel ichegget u üs zersch mau ufene gründlechi Duschi gfröit. 🚿🧼 Mir si nähmlech uf dere Wanderig mega dräckig worde. 🙈Read more

    See translation
  • TravelerHawaii 2023
    11
    Day 7

    Mauna Kea 4205 müm. 🌋

    November 11, 2023 in the United States ⋅ 🌙 6 °C

    Hüt Morge heimer wider chli lenger gschlafe u de gmüetlech Zmorge gässe. 😴 Ner heimer üs schlau gmacht, wie mir ufe höchst Berg vo Hawaii chöme. 🤓 Wo aues klar isch gsi, simer e Rundi ga jogge. 🏃‍♀️ Mir hei e schöni Route düre japanisch Garte gfunde. Mit dere Luftfüechtigkeit isches aber mega sträng gsi u mir hei üs wider einisch meh ufene Duschi gfröit. 🚿 Ner heimer no chli chillet u plötzlech heinis zwöi vom Hostel aquatscht obsi mit üs dörfte mitcho. ☺️ Natürlech heimer die zwöi junge Dame mitgno und hei üs ds viert ufe Wäg zum 4‘000er gmacht. 🚙 E stotzegi Sach isch das gsi. Im Visitor Info uf 2‘000müm heimer zum Akklimatisiere mind. 30min müesse warte. De isches witer gange - immer no stotzig u mega holprig wüus e unbefestigti Strass isch gsi. 🪨 On top isches de mega schön gsi u mir hei dr Sunneuntergang chönne gniesse 🌞 Wie ufeme andere Planet isches dert gsi. Bim abe ga heimer de nomau im Visitor Info ghautet u dr Stärnehimu agluegt. ✨ So viu Stärne heimer no nie gseh. U sogar no e Stärnschnuppe heimer gseh 😍💫Read more

    See translation
  • TravelerHawaii 2023
    Day 8

    Rainbow Falls 💦 & Volcanoes NP 🌋

    November 12, 2023 in the United States ⋅ ⛅ 19 °C

    Ufem hütige Programm si d Rainbow Falls und dr Volcanoes Nationalpark gstande. 📋 Zersch simer zum Rainbow Fall gange. 💦 Dä isch mega nöch vo üsem Hostel gsi und het schön usgseh. 👍🏻 Nach paar Föteli simer witer zum Volcanoes Nationalpark. 🌋 Dert heimer dr Kilauea Iki Trail gmacht (Danke Päscu u Delia füre Tipp 😊). Das isch no cool gsi wüume am Rand und sogar imne Krater vome Vulkan het chönne wandere. 🥾 Ner simer no dürne Lava Tube (es Tunnel, wo vor Lava gmacht isch worde) gloffe und hei üs später im Visitor Info no chli schlau über dä Park gmacht. 🤓 Ner simer no d Sulphur Banks ga aluege. Das si so Gas wo us dr Ärde chöme u ner chli Farbe am Bode zeichne. 🎨 Witer isches zu de Steam Vents gange. Dert isch Wasserdampf zum Bode use cho. ♨️ Zum Schluss simer zum Uekahuna Lookout gfahre womer dr Usblick ufe Kaluapele Vulkan hei gha. 📸Read more

    See translation
  • TravelerHawaii 2023
    1
    Day 9

    Reise nach Maui 🌺

    November 13, 2023 in the United States ⋅ ⛅ 23 °C

    Vo hüt gits nid so viu ds verzeue. ☺️ Mir si am Morge a Carlsmith Beach ds Hilo gange u hei ghoffet, nomau paar Schildkröte ds gseh. 🐢 Es isch du leider aber keni dert gsi. Drum simer witer Richtig Flughafe Kona gfahre. Mir hei ds Outo no müesse tanke u da heimer es Problem bim Zahle gha. 💶 Sone nätte Typ het üs de sini Kreditkarte zur Verfüegig gsteut und hätt üs sogar dr haub Tank zahlt. Das isch üs aber nid rächt gsi u mir hei ihm natürlech dr Betrag bar zahlt. 😇 Ner simer witer a Flughafe. Dert het wider mau ds nächste Problem gwartet. 🤷🏼‍♀️ Wüu üse Direktflug uf Maui gstriche isch worde, heimer über Honolulu müesse ga chehre. Leider het üses Reisebüro d Flüg nur bis Honolulu umbuechet u dr Aschluss uf Maui äue vergässe. 🙄 Die nätti Dame am Schalter het de aber das für üs chönne regle u mir si de guet ds Maui acho. ✈️ Mir si grad ga ds Mietouto hole u da heimer e rise Schlitte becho - e Jeep Wrangler. Üs isches fasch chli unagnähm, mit dem ds fahre aber da gwahne mir üs de öppe schono dra. 😅Read more

    See translation
  • TravelerHawaii 2023
    Day 10

    Shopping Tag ds Maui 🛍️

    November 14, 2023 in the United States ⋅ ☁️ 22 °C

    Dr hüttig Tag het mitere Jogging Rundi am Meer gstartet. 🏃‍♀️ Wüus so fest gwindet het, simer bim Ufeseckle recht langsamer gsi, aus ufem Rückwäg (da heimer Rüggewind gha). 😄 Dr nächst Programmpunkt isch Wösche gsi. 🧺 Mir hei e Wasch Salon ufgsuecht u hei dert d Wösch über ta. Derwile simer chli ga Souvenir shoppe ime richtig coole Lädeli Village. 🛍️ Ner heimer üs uf d Suechi nach Schnuer müesse mache fürne Wöschleine ds installiere. Dr Wöschständer isch viu ds chli gsi für üs. Schnuer kenne si aber in Hawaii äue nid. 🙈 Not macht erfinderisch und nach drüne Läde heimer de haut Schuehbändle kouft u die zämeknüppket. Wägem Wind heimer ner ke Strandtag chönne mache. 🌬️ Das wär sehr ungmüetlech gsi weme usem Wasser chunnt u gad paniert wird. Drum simer nomau zu dene Lädelis und hei üs mit viu Souvenirs ideckt. 🙌🏻 Ner simer zum Kaelia Pond Teich. Dä isch im Momänt wägeme Bakterium ganz pinkig. 🪸 (Danke Marlis füre Tipp 😘) Zum Schluss simer no is Hippie Dörfli Paia und hei dert i de Lädelis gad witer gmacht mit shoppe. 🥰Read more

    See translation
  • 2024© FindPenguins
  • Home
  • About us
  • Blog
  • Group Tracking
  • Press
  • Terms
  • Privacy Policy & Cookies
  • Support
  • Legal notice
  • English