Strandtag in Maui 🏖️🐚

Hüt am Morge heimer früech dr Wecker gsteut, dasmer pünktlech am 07:00 d Tickets füre Sunneufgang ufem Vulkan Haleakala chöi bueche. 😃 Leider si die Tickets innert 20 Sekunde wäg gsi u bi üs hets nid klappet. 🙈 Jä nu, de simer haut nomau e Nuck ga näh u ner wider a Strand ga jogge. 🙌🏻
Ds hüttige Programm isch gsi, aui Stränd ir Nöchi abklappere. 😅 Agfange heimer mitem Makena Beach. 🌊 Das isch wider sehr e länge und schöne Sandstrand gsi. Witer simer zum La Perouse Bay. 🏝️ Dä isch bekannt, dass d Spinner Dolphins dert schlafe und ruhie. 🐬 Leider si die zu dere Zyt no nid müed gsi u mir hei keni gseh. 🙈 Ner simer witer zum Maluaka Beach. ☀️ Dä het üs ou sehr pässlet u mir heis dert gnosse. 😇 Ufem Heiwäg simer no ga ichoufe und ner heimer daheime wider e Sprung i Whirlpool gmacht. 🛟 Für ds Znacht simer is Food Truck Village in Kihei gange. 🚛 Das isch es mega gmüetlechs u härzigs Dörfli gsi u mir heinis dert öppis feins ds Znacht kouft u d Atmosphäre mit Livemusik gnosse. 🎶Read more