Reset search
Fabian SkowronskiFabian Skowronski
SatelliteEdit route
traveled in 9 countries Read more
  • TravelerWältreis
    Day 167

    Mount Rinjani

    June 17, 2023 in Indonesia ⋅ ☀️ 29 °C

    Dänn hemmer eus uf es 2-tägigs Abentüür begäh. E Wanderig z mache wommer ufem Wäg es Zält ufschlönd und dete schlaafed.
    De Plan isch folgendermasse gsi: mer sind aneme Morge vom Homestay in Tetabatu abghollt worde und zum Bärg anegfahre worde.
    Zum Homestay isch no z säge, dass mer vode Vandini und ihrem Papi meeega verwöhnt worde sind. Passionsfrücht im Übermass bechoo, s Ässe wos gmacht händ (Nudelsuppe, Gmüescurry, Poulet usw.) isch de absoluti hammer gsi, aber vor allem au d Gspräch wommer mit ihne hend chönne füere. Sie hend eus ei Mal meh zeiged wie simpel s Glück chan sii, aber au wie unerreichbar gwüssi Sache für sie sind. Über ihri Schuelziit, ihri potentielle Ehemänner und über ihres Homestay-Business het eus d Vandini ganz glücklich verzellt. Gflirtet het sie au ganz toll 😂
    4 mönet später hani denn aber leider uf Insta bide Vandini gseh, dass ihri Familie en Unfall gha het und ihre Papi (nur öppe 50i) verstorbe isch.

    Zrug zude Wanderig: mir sind z 3te gstartet: de Trent, d Hele et moi. D Marina het kei Bock gha und isch in Kuta, Lombok bliebe. Ziemli schnäll hemmer aber chäggt, dass es no e anderi Gruppe mit Holländer het, wo genau die gliich Route gmacht hend wie mir. Also hemmer eus eigentli zämmegschlosse.
    Praktisch aber gliichziitig truurig isch gsi, dass mer nöd nur en Guidw gha hwnd, sondern pro Gruppe au 2 Porters wo all Chuchiutensilie, eusi Zälter und s Ässe ufegno händ. Die Porters hend kei richtigi Schueh gha, eine isch sogar mit FlipFlops gloffe. Anschiinend wills so eifacher isch. Gässe hemmer würklich würklich rächt guet, sie hend 3 Mal pro Tag warm für eus kochet und s het zahlriichi geili Snacks und Schoggistängel geh. D Luftfüechtigkeit het eus aber schnäll zum schwitze bracht, dänn ischs wieder chalt worde im Schatte und denn wieder sehr sehr heiss. So de ganz Tag bis mer churz vor Sunneuntergang ahghalte händ zum eusi Zälter fürd Nacht ufstelle. Wo denn d Sunne undergange isch, hets schnäll abküelt. Zum Glück hämmer Jagge debii gha und es isch es füür gmacht worde. De Nachteil isch aber gsi dass mir denn nöd nur nach Schweiss sondern au no nach Rauch gschmöckt hend. Euses Zält isch grad am Füür gsi, also hets eus die ganz Nacht Rauch ineblase 😂
    Am 4i am Morge simmer denn gweckt worde zum de letschti Teil uf de Gipfel z laufe und dete obe denn de Sunneufgang z bestuune. Näbed euse 2 gfüerte Gruppe hetts denn au no ganz viel anderi Gruppe und Jugendlichi gha wo uf eigeni Fust duruuf gloffe sind.
    Mega schön ischs gsi sone 360° Sicht und halt ebe de Sunneufgang.
    Wommer denn wieder abe zu de Zälter sind hend dete scho d Bananepancakes und de Kafi zum Zmorge uf eus gwartet.

    S abem Bärg stiige isch denn düütlich schnäller gange wie de Wääg duruuf am Vortag und d Gepäck vo de Porters isch au echli liechter gsi. Eusi Bei sind defür ziemli müed gsi und mir sind würkli happy gsi wommer denn voneme Pick-Up uf de Strass abghollt worde sind und zrug is Homestay bracht worde sind 🙂    Read more

    See translation
  • TravelerWältreis
    2
    11
    Day 163

    Lombok (Kuta)

    June 13, 2023 in Indonesia ⋅ ⛅ 27 °C

    Nach ere turbulänte Fahrt ineme Van ohni Klima, aber au ohni Türe, simmer denn in Kuta ahcho, wommer euses Homestay buecht hend. En mega neue Töff für fascht kei Gäld hemmer denn täglich verlängeret, sogar wommer nümme dete pennt hend. De Johnatan do Ubut isch au dete gsi. Drum hemmer denn viel Sache (Znacht usw.) z 4te gmacht. Usgangstechnisch isch nöd so viel los gsi und de ersti schöni Strand isch e gueti halb Stund mitem Töff entfernt gsi. Ah dem Strand hetts eu eher chliinneri Wälle gha wo sich geignet hend zum ahfange surfe.
    En Match gege ihheimischi um 6 Franke hend denn d Europäer gunne. Wommer aber gseit hend, dass sie d 6.- chönnd bhalte, hends cheibe freud gha 🙂
    En Taag vor mim Geburtstag hani am Strand wege Flüg uf Hongkong ahgluegt und d Hele eher lächerliicherwiis gfregt ob sie nöd en Discount het bide HongKong airlines. So ischs denn cho, dass ich als Geburigschänk ihre Travelbuddy für es Jahr worde bin 😂
    Ah mim Geburtstag hani denn vode Girls e wunderschöni Chrone überchoo woni denn de ganz Abig han chönne träge 🙂
    De Johny het sich näbem Bachatero au als DJ probiert.
    Ich bin no ei mal go Paraglide was au easy schön gsi isch.
    Nach einige Täg sind d Hele, de Trent us Australie und ich uf e 2-tägigi Rinjani-Wanderig mit Übernachtig ineme Zält ufem Bärg und Mahlziite irgendwo ufem Wäg 🙂 für 5 Persone hemmer ein Reisefüerer gha und Porters wo sowohl Zält wie au s ganze Ässe und Chuchiutensilie ufetreit händ, und das zum Teil sogar mit Flip Flops.. de Ahblick vo dem isch scho nöd ganz schön gsi, aber s isch natürli en bessere Job für sie als ime Schwefelwerk z schaffe... Gschlafe hemmer am Taag vor und nach de Wanderig im Homestay vode Vandidi und ihrem Vater. Kocht hends immer frisch für eus und nach längere, sehr ahgnähme Unterhaltige hani sogar frei derfe Passionsfrücht für min Eigekonsum go pflücke. Will die vo dusse aber usgseh hend wie grossi Olive, chönnder eu vorstelle wie viel ich gässe han.
    So nomal zrug zude Wanderig: Znacht gha ufem "Zältplatz" ums füür ume, gschlafe ufem Bärg "ums Füür ume", am 4i am Morge ufgstande, komplett verraucht und stinkend hemmer denn de letscht Teil vode Gipfelwanderig gmacht, wommer denn au vor Sunneufgang ahchoo sind.    Read more

    See translation
  • TravelerWältreis
    111
    Day 162

    Flores (Bootstour)

    June 12, 2023 in Indonesia ⋅ ⛅ 28 °C

    Nach wiitere Sunneufgangswanderige mit extrem spannemde und au diskrete Gspräch, gmüetliche Strändäbig mit Musik und Latinotänz, relativ guetem Ässe, Schnorchle, Läbe in Badhose ohni richtiger Duschi, eigehändigem spüele vode Toilette und einige Aktivitäte, hemmer denn nach 3 Täg in Lombok am Osthafe ahgleit. S beste isch natürli gsi dass die meiste vom Boot au in Lombok bliebe sind und mer denn gmeinsam het chönne Sache mache. Die meiste sind uf Lombok Kuta, so did I.

    Abschlüssend willi no es paar Wort säge:
    - d crew isch super, duet eim aber chli leid will sie täglich irgendwo uf irgendeme bänkli schlafed, und nöd würkli viel. Momoo, momoo, momooo!!
    - d Hele isch die absolut lüüütischti Görbslerin woni jemals känneglernt han!
    - Ich bin e Bootsnutte willi sowohl mit de Englender, mit de Latinos aber au mit de Schwiizerinne abhänge
    - es git seeeehr soziali Mänsche wo überhaupt kei lust zum socialise hend..
    - d latinos sind überall uf de Wält und vor allem in Kombination sehr offe, luut, froh und stimmigsmachend    Read more

    See translation
  • TravelerWältreis
    1125
    Day 160

    Flores (Bootstour)

    June 10, 2023 in Indonesia ⋅ ☁️ 26 °C

    Irgendwenn hemmer denn irgendwo im Wasser ahghalte und hend dete "pennt" (de einzig wo pennt het isch de Uruguayer gsi 😂) zum am 5i am Morge de Sunneufgang uf en Bärg go bestuune. Wiemmer uf de Bilder gseht isch nid nur die 35 Nase us eusem Boot det ufe sondern nomal öppe 50 Boot. Det hend d umeblödereie mit de 2 Schwiizerinne so richtig gstartet.
    Unterhaltigstheme: chani würkli nöd sege, ussert ihr findet use welli Skala vo 1-7 d Konsistänz vo öppis bestimmtem beschriibt.    Read more

    See translation
  • TravelerWältreis
    11
    Day 159

    Flores (Bootstour)

    June 9, 2023 in Indonesia ⋅ 🌩️ 25 °C

    Es wiiters highlight vo minnere Reis isch definitif die 3 Tagestour ab Flores Islands gsi. Defür hani am Vortag müesse de Flüger vo Bali uf Labun Bajo gno. Per Zuefall sind d Melina und ihre Fründ genau im gliiche Flüger ghocked wie ich, will au sie sone Bootstour gmacht hend. Denn hemmer also de ganz Taag mitenand verbracht, sind nachli go ässe und go chille uf ere Terasse. Unerwarteterwiis no würkli easy schön gsi, "or"?😂
    D getränk hemmer sälber müesse mitneh, 3 Malziite/Tag und Wasser hets ufem Boot geh. So simmer also am Abig no in Supermärt, hend ziemli tüürs Bintang-Bier kauft (isch scho e Muslimischi Insle gsi) und hend das zum Reisebüro vom Bootsunternehme bracht.
    Am negste Morge bini denn natürli wieder mit eme Bolt Töff zum Träffpunkt gfahre und vo det denn zum Boot woni zersch gmeint han es seged alles chli komischi lüüt druf. Das hani denkt will vom Unternehme 2 Schiff gstartet sind und eigentli alli Junge ufs andere hend chönne. Schnell ischmer ufgfalle, dass viel Latinos umenand sind, wasi natürli top gfunde han, aber au die sind mehrheitlich elter gsi. De Rucksack mitem Schwiizerchrüüz hani au schnell gsichtet, aber er isch vo sonnere Spasstina treit worde.
    D Idee vo dem Boot isch gsi, dasmer östlich uf Flores startet und nach mehrere Stopps uf vielne Insle schliesslich in Lombok ahchömmed.
    Das boot het scho Kabine gha, wemmer die 4 Quadratmeter näbem Motorruum (sehr heiss und sehr luuuuut) eso will nänne. Wemmer de Priis aber nöd uf 2 Persone het chönne ufteile, het sich aber s maträtzli ufem Deck zämme mit 24 Lüüt meh glohnt. Ja genau, 50cm breits und öppe 3cm dicks Mättli. Vom luut schnarchende, oder eher grunzende/schreiende Uruguayer treumi hüt no!
    Aber s chunnt besser, s einte Päärli us Malaga (Raquel und Alex) hend uf dem Deck gad ihri Flitterwuche verbracht 😂
    Bim erste Stop (het so usgseh dasmer denn alli gruppewiis vom grosse Boot mit eme chliine Böötli für öppe 8 Persone as ufer gfahre worde sind). Zuefälligerwiis bini uf dem chliine Böötli gad gägenüber vo dere Spasstina und ihrere Kollegin ghocked und han mi durch die gmeinsam Sprach schnell id Unterhaltig inegschnurred 🙂 woni denn doch no schnell zrug zum Boot han müesse (richtigi Schueh vergesse, oupss) und sie nach minnere Rückkehr no immer uf mich am warte gsi sind, hani denkt die müends sii!! Weiteres vo ihne folgt.
    Ja wer isch sus no so ufem Boot gsi: Miss Colombia, miss pinkie us Ecuador, dä argentinischi Ramiro wo sich d Unterschrift vom argentinische Nationaltrainer ufs Wädli tättowiere lah het, 2 komischin Spannierinne die arme Engländer wo für eimal mit ihrere Sprach in Unterzahl gsi isch, die 2 franzosechinde wo aber gliich alt gsi sind we ich.., de leo us Argentinie wo anschiinend millionär isch (nöd nur in pesos), es Pärli (Slowak wo niemmer richtig schlau worde isch mit sinnere französische fründin) und no es elters pensionierts ehepärli us FR wo meh reist als ich.
    De ersti halt ich uf de Insle gsi wos Komodo Dragons git, es mega starchs, giftigs und gfährlichs Tier. Uf dere Insle hetts en Hügel geh mit meeega schöne Ussichte und eme erste Gspräch mitem Alex.
    Wiiter hemmer ah soneme indigene Dörfli ghalte wo no sehr unerkundet und unbebaue gsi isch..    Read more

    See translation

Join us:

FindPenguins for iOSFindPenguins for Android

  • 2024© FindPenguins
  • Home
  • About us
  • Blog
  • Group Tracking
  • Press
  • Terms
  • Privacy Policy & Cookies
  • Support
  • Legal notice
  • English