Jasper

Üse Tag in Jasper hed ganz gmüetlich gstarted, all hend chli usgschlafe, gläse, find pinguin gschriebe usw. De erich ond d larissa hend de am 11i ume gfunde sie gönd mal go luege obs bim campingigang kaffi gäb, heig det schiins so foodtracks. Sowiit esches aber gar nie cho well ufem wäg vöre esches dur es chliises tannewäldli gange, d larissa hed no gseid 'ou, hoffentlich heds da kei bäre' de antworted de erich 'doch, det, e grizzly'. Ja...sie send denn schnell weder zrug bim camper gsi 😅🤭
Am nami semmer de all zäme mitm sky tram (aso eifach me luftseilbähnli) ufe whistlers mountain. Det obe esches vo de temperatur här sehr agnähm gsi. Mer send de öpe 20 minute zum gipfel ufegwanderet, hend chli d ussicht gnosse ond die chüehl luft, de hemmer no es kaffi gno ond send weder abe. Nachme churze posti ond tank stopp im dörfli semmer zrug ufe camping ond händ üs zom znacht fajitas gmacht 🤤
Peace out
Flat EricRead more