Some Days in San Fran

Vil gids gseh und z' mache in San Fran (zitiert nach Ziggy Alberts - Australian Singer, woni as Konzert bi).

Zude Top Highlights hed sicher d' Golden Gate Bridge ghört.
Mit em Velo sowie ufgrund vonere Planänderig, hani sie au z Fuess erkundet. Würkli es schöns Stück Stahl.

Vomene coole Ussichtspunkt hani d Stadt vo obe chönne betrachte. Am leste Tag simmer au numal ane Ussichtspunkt, det hed aber s Wetter nid so mitgspielt. Defür hemmer richtig schöni Hüser gseh🤩

Busfahre tued mer gmäss emene Local in San Fran ohni Ticket, "es kontrolliert eh kenne" - hed sich au as wahr usegstellt. Glaub d Amis lebed nach em Motto: schön gids Regle but I don't give a shit. Hani au gmerkt woni vorbildlich ufem Veloweg gfahre bi und d Locals dur all mögliche Fahrverbot gfahre sind - ich ha mich de schliesslich de Locals afa apasse - I mean..., right?😅

Es witers Hightlight isch de Ziggy gsi. Was füre Zuefall das er am gliche Tag wie ich in San Fran gsi isch - Zuefall ich denke nicht. War nice und elei anes Konzert au!

Zum Backpacke döf natürli en Pubcrawl au nid fehle. Eifach immer cool, Backpackers vo überall vode Welt - aso eig vode UK - kennezlerne.😄 Und wer weiss vlt lauft mer sich ja irgendwo wieder übere Weg. D Welt isch ja bekanntlich chli.

Ja ich wür sege es isch e guete Start gsi is Travelerlebe! Und ich freu mich dasi am Afang vo minere Reis bi und nu so vil schöni Ort döf entdecke. Stay tuned 😎🇺🇸Read more