Gester und hüt hani mier zwoi Resttäg gegönnt. Sponti hed mer vorgester Abig d Jessica (d Schwiizerin woni am mim erste Biketag kenneglernt ha) mitteilt, das sie mit em Shuttel uf Rotarua gad, da d Strecki nid so nice isch mit em Velo. Da mer beid am ähnliche Ort gsi sind, hemmer de zemme e Veloshuttel chönne teile. Was ganz nice gsi isch biz mit em Auto umecruise. Üsi Fahrerin hani scho kennt, sie hani uf mim erste Campingplatz kenneglernt, wie chli au d Welt isch. E chline Stop hemmer ufem Weg binere Real Fruit Ice Creme Farm gmacht. S beste Bromberiiglace ever!😋😋😋
D Sue, d Shuttelfahrerin hed mi de grad am Freecampingspot usglade, woni mich mit de Manon verabredet ha. Sie hed e Camper und ich ha de Luxus imene Auto mit Kuchi sehr gnosse.
Hüt simmer biz umedüst und hend üs die wunderschön, nach Ei stinkendi Gägend agluegt.Read more