Kiwi Culture

In Nüseeland ticket d Lüt andersch! Nachemene Monet i dem Land chani das eidütig bezüge.
Egal öb bim Pie esse irgendwo im nirgendwo, bim Kaffetrinke am Farmersmarket, bim Packe vom Velo - d'Kiwis liebeds z'plaudere. Debi isch mer ufgfalle, dass ihri Frage wo si stelled wie z.B. wo ich hifahre, wo ich gstarted ha, vo wo ich chume oder öb ich elei unterwegs bi, es sind Frage wo si würkli interessiered. Klar es handelt sich bim Pie esse etc. um Smaltalk aber um informative und beidsitig interessiertem. Das macht das ganze mega natürlich und me freut sich über d Gspräch, au wemmer mängisch au eifach wett in "Rueh" chille.😅 Ich finds super, es nimmt eim das Gfühl vom elei si und zudem lernt mer mega vil. Hüt zum Bispil hani meh über d Chuehindustrie glernt - in NZ ischs nid üblich e Kue für s Melche und fürs Schlachte z bruche, es isch entweder oder. Vomene andere Kiwi hani paar Tipps bezüglich Laos und China becho...🤩

Was mich doch immer wieder erstunt sind die ungläubige Auge, wenni öpperem sege dasi de TA (mini Bikeroute) elei mache. Ich glaub, nei ich weiss es isch eifach de Fact dasi e Frau bi... Even though it is a woman's world!♀️👠💃🚶‍♀️🚴‍♀️👗Read more