Kepler Track

min erst mehrtägig Solohike🤩

Um in Nüseeland chönne so Wandrige z mache bruchts vorab e Buechig ide Unterkünft. Da nid all so sponti sind wie ich sind die natürli scho usbueched gsi. D Campingplätz sind aber nu frii gsi und so bini mit Rucksack, Zelt und Schlafsack los.

Am erste Abig ufem Camping hani drü Pategonier kenneglernt und sie hend mer ihres Land eidütig schmackhaft gmacht. Eini vo dene drü isch mitemene Kiwi zemme und hed de best Spanisch-Kiwi Akzent ever 🤩

Gloffe bini jewils elei, so hani chönne i mim Tempo gah und so vili Pause chönne mache wie nötig.

De zwoit Tag isch eidütig de strängst gsi, mit es paar Kilo ufem Rügge, emene Plastiksack voll Riis (nid empfehlenswert😅) ischs grad biz stränger de Berg duruf. Aber es hed sich uf all Fäll glohnt für die wunderbari Ussicht.

60km - 3 Täg - unzähligi Sandflies - Muskelkater - Freud und Glücksmoment und das alles mit mine tolle Sandale 🩴Read more