Geburi in Nusa Lembongan

Ich hät echt nid denkt dasi mi Geburi ufere Insle zwüsche Bali und Lombok wird verbringe. Aber schön ischs gsi!
Früeh am Morge bini mit de Taylor enere Kanadierin is Yoga, e sehr spirituelli Klass gsi, wills au e sehr spezielle Tag isch 😉 Nei es isch Vollmond gsi und en sehr guete Tag zum Sache z manifestiere. Schienbar.🧘🏼‍♀️

Nach dem erlüchtende Moment simmer fein go z Mittagesse. As Geburichueche heds en feine Lavacake geh.

Da s Wetter am Nami nüm so mitgspilt hed, heds halt anstatt emene Chille am Strand en Massage geh.

Wies de Zuefall so hed welle und ufgrund vom Vollmond heds en Vollmondparty inere Strandbar geh. Gmäss em Hostelhost giz gnau zwoi Mal im Monet en Partyevent uf dere Insle. Was füre Zuefall 💫
Mer hend mit em Staff vom Hostel gfired und tanzed und sind zum Endi vom Abig nu e Schwum im Meer go neh.

So started mer doch gern ines nüs Lebensjahr 🤩Read more