Wildlife und es Bädli bime Wasserfall

Dr hütig Tag het sehr früeh gstartet u mir hei oh mega viel gseh. Schad chani nume 10 Biuder ufelade, i hät nämlech seeeeehr viu meh.

Aber vo vore... Am Morge simer nach Los Chiles gfahre u dert uf nes rund 2-stündigs Bootstürli. Am Rand vo dem Fluss isch Biodiversität riesig u mir hei vom Boot us mega viel Vögel, Affe u süsch Reptilie chönne beobachte. Üse Guide, dr Marvin, u oh dr Kapitän vom Schiff hei es mega guets Oug u üs aui Tier zeigt wosi hei gseh. Mir hei zudem längeri Zit de Kapuzineräffli zuegluegt, was mega spannend isch gsi.
Nach dere Tour hets es guets zMittag gäh u ner simer witergfahre uf La Fortuna.
Hie hani miteme Teil vor Gruppe dr La Fortuna Wasserfall bsuecht. Dert chame oh ga bädle u ds isch e super Erfrüschig gsi. Womer wider si zrugg gloffe u ner si iz Hotel gfahre, hets gad afa rägne u gwittere wi nüt. Mir hei auso gad Glück gha.
Iz gömer de no ga zNacht esse u ner öpe früeh ga liege nach dem länge Tag.Read more