Welcome to rainy season

Gester simer nacheme längere Reisetag in Quepos acho. Hüt simer de am Morge i Manuel Antonio Nationalpark. Ds isch dr beliebtist hie in Costa Rica u es dörfe pro Tag nume 1'000 Lüt ine. Mi het trotzdem dünkt ds längi. Übrigens weiss me nid genau wär dr Manuel Antonio isch, da ke Nachname bekannt isch. Aber früecher het schins eine i dem Wald gläbt, wo so Chrüter zememischet zum Lüt heile. D Lüt im Dorf hei de immer, we öper chrank isch gsi, gseit: "gang zum Manuel Antonio i Wald, dä hiuft der".

Üse Guide het üs düre Park gfüehrt u dank sim Fernglas heimer wider mega viel Vögel u oh Fuultier gseh. Es het nämlech oh hie sehr viel verschiedeni Tier u Arte wos nume hie git. Mir hei unteranderem Fuultier, Krebse, Affe, Leguane u verschiedeni Vögel gseh. E Teil vom Park heimer no säuber dörfe erkunde u mir si no über d Peninsula spaziert. Mir hei mega Glück gha und vo dert us sogar Wale gseh. Wis so isch ir Rägezit hets de gäge Mittag afe abelääre wi nüt. Es hät hie wunderschöni Stränd, aber z Wetter het nid gad zum Bade iglade u wos de immer stärker isch worde, simer ume zrugg i Ort gloffe u hei dert zMittag gässe. Nachem Mittag simer pflotschnass im Hotel acho u dr Nami heimer din verbracht, wiu es het de gwitteret wi nüt.
I hoffe mau mini Schueh möge de einigermasse tröchne.

Hüt abe gömer no zeme ga z Nacht esse. Da eini vor Gruppe gad hie bliebt, isches üses letschte Esse zeme.Lue lisää