Toronto Islands

Mir si hüt mit em nä feinä Z‘morgä im Hostel gstartet. Da ds Wätter wiedr sehr chaut & bedeckt isch gsii, hi mir üsi wiiteri Reis nach Vancouver gnauer afa planä & vorbereitä.
Am Mittag siimer när mit em nä Grüppeli, inkl. Reisefüherer, vom Hostel mit dr U-Bahn & z‘Fuess zur Fähre, wo üs uf Toronto Islands bracht het. Dert si mir quer über diä ganz Insel glofä & hi dr wunderschön Usblick uf Toronto gnossä. Dases üs nid längwilig isch wordä, si mir no dür näs Labyrinth glofä & hi nach lengerem de dr richtig Uswäg gfungä gha.😄Mir si äs cool‘s Grüppeli gsii & äs si aui i üsem Auter gsi. Trotz em Rägä & em chautä Wind isches ä mega coolä Usflug gsii. Nach dr Füehrig siimer wiedr zrugg ufs Festland. Dert si mir ids PitaBit fein ga ässä & üs ga ufwermä.

Da mir morn Morgä ganz früech uf Vancouver flügä, si mir när zrugg ids Hostel ga packä & hi dert dr Abä gmüetlech lah usklingä.Read more