Früehligsgfüehl in Vancouver

Am Samschti heimer sehr ä länge Tag gha. Mir si am Morge am 3 uf für a Flughafe u uf Vancouver gfloge. Weg dr Zitverschiebig isch de oh dert ersch Morge gsi u da mir beidi zimlech hei hunger gha nach dr Landig simer gad nomau ga zMörgele. Nachdem mer de üses Gepäck afa bim Hostel hei abglade, simer losgloffe u hei afa Stadt erkunde. Vancouver isch viu grüener aus Toronto, aus isch am blüeihe u es isch oh gad chli wärmer. Bi üsem Spaziergange simer de uf Granville Island glandet, wos huufe Shops, Kafis u Märit het. Der heimer de es zVieri gha u heis eifach uf üs la würke. Dr erst Idruck isch scho mau super vo dere tolle Stadt.

Füre Sunntig heimer de Velos gmietet u si mit dene i Stanley Park. Unterwegs heimer picknicket u regumässig pöiselet zum d Ussichte gniesse. Vancouver isch sehr Velo u Fuessgänger:inne fründlech, was mega gäbig isch. Dr Tag het üs de glich chli gschluuchet u drum simer nachem zNacht de oh früeh iz Bett. Czytaj więcej