Spontani Reunion

Soooo schöööööön! Endlech hani hüt d Maylea ume mau gseh 🥳 (churzi Randinfo: d Maylea isch e Kollegin vor Michelle u wohnt siteme Jahr z Kanada, i ha si auso iz es Jahr lang nid gseh)

Ds Träffe isch sehr spontan entstande, wiu eigentlech wärs mitti Mai in Whistler plant gsi. Aber da Maylea u Ethan oh gad uf Vancouver Island si, het sechs iz gad spontan ergäh. Mir si zäme ufe Christophers Rock gloffe bi Youbou. Ds isch ä Empfählig gsi vo üsere Vermieterin. Dr Ufstig isch steil gsi, aber nid mega lang gange u mir si mit ere wahnsinns Ussicht ufe Lake Cowichan belohnt worde. Es isch zimlech warm gsi gester im Verglich zu de vordere Täg.
Nachem Abstieg simer no zäme ga esse, hei viel plöiderlet u ner jewils wider witerzoge. Aber mir gseh üs öpe de nomau in Whistler.

D Sandra u i si witer gfahre uf Nanaimo, ga ichoufe und e Tour füre nächst Tag ga bueche.Read more