entspannts Whale Watch ds Nanaimo

Hüt Morgä hii mir i üsem sehr chlinä Zimmer äs chlises Z‘morgä gässä & Sandwiches für üsä hütig Usflug kreiert.
Mit em Mietouto si mir när vo üserä Unterkunft, wo mir zwo Nächt bliibä, uf Nanaimo i Hafe gfahre & si üs im Office vom Vancouver Island Whale Watch ga ahmäudä. Mir hi üs sehr warm ahgliiht, da Tämperaturä ufem Wasser 5-10 Grad cheuter si aus ah Land. Vor Ort hii mir no ä warmä Ganzkörperahzug inkl. Sunnäbrüllä & Händschä überchoo. Nachdäm üses Grüppeli vo 10 Persone de usgrüschtet isch gsii, het üsi Tourfühererin üs über diä wichtigstä Pünkt informiert & hii när dörfä ids Boot iistiigä.
Mir si froh gsii isch diä Tour när is los gangä, da mir sehr warm hii ga i dänä Ahzüg, dss ufem Land knappi 20 Grad sii gsii.
U los isch diä Whale Watching Tour gangä.🐋🐳☀️ Mir si gueti vier Stund über ds Wasser prätteret & si froh gsi für diä Ahzüüg wo vorem Wind & em Wasser gschützt het. Bi stau blauem Himmu & Sunnäschiin hii mir immer wiedr chli ahghautä für Robbene ah z‘luegä wiä o Vögu. Leidr hi mir uf därä Tour kenner Wale odr Delfine gseh. Üsi Tourfüeherin het gsiit, ds si zu 98% immer Wale odr Delfine gseh..isch mega schad gsii, abr äs isch ä mega cooli Erfahrig gsii. Mir si richtig dür ds Wasser prätteret u teilwiiss isch ds Wasser sehr sehr unruhig gsii. Üs het di Bootstour mega entspannt düüecht, da mir üs sehr sicher hii gfüehlt & ds schouklä vo dä Wäuä fasch scho chli meditierend/beruhigend uf üs gwürckt het.
Nach däm mir wiedr festä Bodä ungä dä Füess gha hii, hiimer afa üser Sandwich ufem nä Bänkli im Hafe gnossä & hii diä Bootstour lah reveue passierä.

Da z‘Wätter so schön & warm isch gsii, siimer när zum Drip Coffee gfahre & hi dert am Strand no chli d‘Ussicht gnossä.

Am Abä sii mir när no zum Rocky Point 1 Park glofä & hii dert no chli gläsä & d‘Ussicht gnossä.
Bim zrugg lufä hii mir när no ä Haut im The Pipers Restaurant gmacht & sehr fein gässä.

Da mir beidi geng no verschnuderet sii & rächt müüed sii gsii, si mir när gli mau zrugg i üsi Unterkunft.Read more