Wanderig Ammonite Falls

Hüt Morgä hi mir rächt früeh uscheckt & si i näs Kaffi guet ga z‘morgelä. Näb däm Kaffi hets ä mega härzigä Ladä gha u dert si mir chli ga umä schmöckerä. Mir hii dert no mit därä sympathische Verchüferin gredt & när siimer wiiter gfahre zu üsem Startpunkt, zu üsere chlinä Wanderig. Mir si dür wunderschönä Waud glofä & schlussändlech bim Wasserfau ah choo. D‘Ammonite Falls si wunderschön. Mir si när irgendwie über diä Stiinä glofä, ds mir ganz zum Wasserfau hi chönä. Äs het ömu kenner nassä Füess gä.😆
Mir hii ds ruschä vom Wasserfau no chli gnossä & bi därä schönä Kulissä no äs chlises Picknik gässä. Da mir am 5i ds Outo in Victoria wiedr hii müessä abgäh, sii mir de gli mau retour gfahrä.
Pünktlech hi mir ds Outo chönä abgäh & si när i üses Hostel. Äs het äs sehr sehr chlises Zimmer gha, abr mir si froh gsi, ds mir no ä Unterkunft hi gfungä, da si ah däm Wuchänänd mehreri Grossahläss hi gha.
Nach üsem längä Tag si mir no i näs chic‘s Restaurant fein ga z‘nacht ässä. D‘Michelle het ä Lasagne gah & d‘Sandra ä Pizza. Mir hi dert sehr fein gässä & si sehr fründlech bedient wordä. Diä zwo Damänä hinger dr Bar hii üs no zum nä Tiramisu & em nä Shaft Drink überredt. 🤪
Dä Drink isch ä typische kanadischä Cocktail. Är bestiit us Vodka, Kahlua, Baileys & chautä Kaffi. Dä Drink isch sehr fein gsii.
Uf üsem Baukon hii mir no d‘Abäsunnä gnossä & si när mau i üses Zimmer ga packä für üsi Abreis am nächschtä Morgä.Read more