zrügg nach Vancouver

Mir hi hüt Morgä churz im Hostel z‘morgä gässä & si när am haubi 10i ufä Bus Richtig Fähre Terminal gfahre. Da mir sehr früech am Terminal si gsi, hi mir dussä no chli gläsä & mit dr Familie telefoniert. Üsi Fähre isch pünktlech gfahrä. Mir si när mit em Bus & U-Bahn wiedr id Stadt Vancouver zrugg gfahrä. Hiä isches wiedr chli chüehler aus uf dr Insle. Mir hii üs hüt dr Luxus vom nä grossä Hotelzimmer gönnt.😁
Mir hi no gwöschet & dr Luxus vo däm Hotel (BestWestern)gnossä. Während däm üsi Wösch am trochnä isch, hii mir no äs Kaffi am Meer gno & hi dr nächscht Tag no chli planet & organisiert. Morn isches ändlech so wiit & u mir dörfä dr Camper entgägä näh & 4 Wuchä lang dür d‘Wildnis cruise. Mir fröiiä üs riesig & si mega gspannt uf usä Camper. 😁Read more