Biketour Griffith Creek Trailhead

Mir si hüt Morgä rächt früech uf & hi üs ds Fuess ufä Wäg gmacht richtig Stadt. Mir hi bir Mietstation Wandering Wheels mega schönä & gäbigi Mountainbike gmietet. Da ds Wätter hüt Rächt fründlech isch gsii, hii mir d‘Bikes 4 Std. gmietet gha. Wo mir ds passende Bike hii gha & auii istellig passt hii, siimer wiedr bi üsem Campingplatz verbii gfahrä & ufä Highway abbogä. Üses hütigä Ziu isch dr Griffith Creek Trailhead Park gsii. Dr Wäg dert härä isch rächt stotzig gsii & mir hii scho z‘erscht mau warm gha.😅
Mir si när i däm Trailpark mehreri eifacheri Routene gfahrä, da mir beidi zerscht mau so si ga bike. 🙈
Äs isch sehr ahspruchsvou & sträng gsii, abr äs het üs unheimlech viu Spass gmacht. Diä Trails sii dür schmali, teilwiis mit Stiinä & Würzlä bedeckti, Wägli gangä. Mau isches obsi gangä & när wiedr niizig. Mir hi no ä churzä Snackstopp bim Beaver Lake gmacht & hii üs när wiedr langsam ufä Wäg zrugg nach Revelstoke gmacht, da mir Rächt uspoweret si gsii.
Mir heii üser Bike erfougriich chönä zrugg gä & u hii würklech mega Spass gha.
Da mir no kes Z‘mittag hii gha, hii mir üs när ir Stadt äs Resti gsuecht & si im The Big Bend Coffee glandet. Nachdäm mir üsä Hunger gstiiut hii gha, siimer wiedr zrugg zum Campingplatz glofä & hii dert dr Nami gmüetlech mit läsä lah usklingä. Da mir rächt müed si gsii vo därä Biketour, si mir de gli mau ga duschä & hi afa chochä. U gniessä dr letscht Abä ufem schönä Campingplatz ds Revelstoke.Baca lagi