Winterwonderland im Glacier NP

Es isch Zit zum witerfahre: mir hei Revelstoke hüt am Morge Ufwiederluege gseit, hei üs mit Esse ideckt u si am Trans-Canada Highway 1 richtig Glacier gfahre.

Im Glacier Nationalpark acho heimer e Wanderig wöue mache im Illecillewaet Valley (nei, mir wüsse oh nid wimes usspricht).
Was mer nid gstudiert hei isch, das es hie no bitz Schnee het. Mir si mau los tschaupet zum luege wi wit mer chöme, hei no es Päärli troffe u di hei gmeint es göng guet uf dere Höchi. Die Wanderige womer zersch hätte wöue mache heimer la sii. Eini isch gsperrt gsi u die anderi wär recht steil u mit Schnee fägt ds nid. Drum simer gmüetlech am Wäg entlang gloffe öpe 30 min ei Wäg. Ab und zue simer bis zude Chnöi igsunke. Bire Waldliechtig heimer öpis zMittag gässe u ner isches ume retour gange.

När simer no witer gfahre bis uf Golden, si dert no ines Kafi ga icherä u ner ufe Camping. Hie hets so cooli Tierli namens Gophers womer ewigs hei beobachtet. Mir hei hüt oh no e Zitzone überschritte u iz nume no 8h unterschied zur Schwiz. Drum isch üse Tag hüt e Stund chürzer... i würd aber sege, mir hei trotzdem zBeste drus gmacht.Baca lagi