Sunnäpuur ☀️

Hüt hi mir siit langem mau chli chönä usschlafä & hi gmüetlech im Camper brunchet.
Mir hei üs när ufä Wäg gmacht zum Canyon Creek Trail, dä isch ca. 20 Minutä z‘Fuess vom Campingplatz us erreichbar. Da mir für Lake Louise ke Campingplatz mit Stromahschluss gfungä hii ( mir si uf Stromahschluss ahgwiisä, das in Lake Louise ir Nacht wiit unger Null Grad wot, ds mir immer chöntä heiizä..🥶), hii mir no hurti ä Haut im Office iigleiit & üsä Ufenthaut um zwo Nacht verlengeret. (statt am Mittwuch abreisä, wärdä mir bis am Fritigmorgä blibä)
D’Frou im Office isch mega fründlech gsi & het üs ds ohni Problem chönä ahbietä.
När isch de ändlech üsi Wanderig los gangä. Mir gniessä bi staublauem Himmu & Sunnäschyn dr Wäg zum Trail. Dr Start vom Trail isch zimlech stotzig gsii, mir si froh gsii hets äs Seili gha, wo mir üs hei chönä häbä. Dr Trail isch när Rächt flach & ahgnähm dürä Waud wiiters gangä. Äs het hiä & da wiedr mau ä Steu gä, wo mäh het chönä ga über usä luegä. D‘Ussicht ufä Canyon Creek isch wunderschön gsii & mir si fasch nümä zum stuunä usä choo.🤩
Mir si öpä 2h ungerwägs gsii & si när de langsam wiedr zrugg zum Camping glofä. Ungerwägs hii mir ds euterä Ehepaar wo o uf üsem Camping isch, ah troffä & si hii üs no interessanti Sachä verzeut. Äs si zwü mega liebi & luschtigi Lüt, si wohne uf Vancouver Island & gniessä hiä ihri Feriä.
Zrugg bim Camper hii mir no üses Picknic gässä, chli dr Camper putzt & dr Früschwassertank ufgfüllt. Dr räschtä vom Nami & Abä hii mir bi üsem Camper verbracht & hi ds schönä & warmä Wätter no gnossä.😎☀️En savoir plus