Yoho Nationalpark

Üses hütigä Ziu isch dr Yoho National Park gsi. Mir hi zersch no ids Visitor Centre so ga näh National Park Pass müessä ga chufä, so chü mir i dä nächschtä zwo Wuchä i jede Nationalpark, wo mir wi ga ahluegä. Mir hii dert no wiiteri Sehenswürdigkeitä & Tipp‘s übercho, was mir aus chönti machä, ect.

Üsä erscht Stopp mit em Camper isch d‘Natural Bridge gsii, dert hi mir ä wunderschönä Wasserfau dörfä bestuunä.🤩 Da ds Wätter sehr ahgnähm isch gsii, sii mir dert no ä Momänt ghocket & hii dä Usblick gnossä.
När isch üsi Reis wiiter zum Emerald Lake gangä. Dä See isch o mega iidrücklech gsii. Mir hii dert üses Picknick gässä. Langsam isches früsch wordä & äs het chli afa zue tuue..Mir si när äs Stück am See entlang glofä. D‘Michelle isch när wiedr zrugg glofä zum Camper & isch dert no äs Kaffi ga haa & het säch chli chönä erholä. D‘Sandra het säch när allei uf diä Seerundwanderig gmacht. Äs isch ä sehr schöni & iidrücklechi Wanderig gsii. Äs isch so richtig zum gniessä & abschautä gsii. Wiä mäh so schön siit; chli d‘Seel lah bambelä laah..diä Stiiu vor Natur, diä verschiedne Farbenä…
Ungerwägs hani no äs paar Schwiizer troffä & hii hurti chli zämä plöiderlet. Da diä Wanderig teilwiis no dürä Schnee gangä isch, hani chli meh Zyt bruucht, abr äs het när gd so glängt wiedr rächtzitig zrugg z‘sii. D‘Michelle & ig hii drum ä Zyt abgmacht, wenn ds ig vor Wanderig zrugg bi & ab wenn si säch Sorgä muess machä..🙈
Nachdäm mir üs wiedr bim Camper troffä hii, siimer umä zrugg uf Golden gfahrä & hi üs zum Z‘nacht feini Fajitas gmacht.😁
Mir si när Rächt spät itz Bett & när het üs no äs Gwitter ir Nacht nid so guuet lah pfuusää..Read more