Nimm Panoramastrass

Es isch ume Zit gsi zum witerzieh. Mkr si am Morge losgfahre mitem Endziel Banff.

Unterwegs heimer zersch no bi de Spiral Tunnels ghaute. Die Isebahntunnel heisi i Fels inebout i Form vo Spirale. Ds isch sicherer u Chostesparender für Züg füre Berg zdüruf. Chunnts nech bekannt vor? Ja, si hei sech vor Schwiz la inspiriere. Leider isch gad ke Zug cho, wome ds Schouspiel hätt chönne beobachte, aber ds Gschichtleche isch sehr spannend gsi.

När isches witer nach Lake Louise. Dert simer nomau i Souvenirshop, da mir gester öpis vergesse hei z poste. Vo dert us heimer zume Ussichtspunkt wöue. Für das heimer e Näbestrass müesse näh u die isch meeeega Sehenswert gsi. Mir hei sogar verpasst bi dem Ussichtspunkt usezha. Dür ds simer zwar e chli länger ungerwegs gsi, aber es het sech sehr glohnt dr Highway zverlah.

In Banff acho simer afa mau ga zMittag esse u ner no ids Cave & Basin National Historic Site. Banff isch dr erst Nationalpark vo Kanada gsi. Agfange het aus hie, wo drü Herre e heissi Quelle hei entdeckt. Si hei früecher bi dere Quelle no badet, hüt isches es Museum. Me cha aber die Höhli ga aluege u erfahrt oh huufe über Gschicht. I has sehr intressant gfunde meh drüber zläse.

När simer de zum Camping, womer afa mau e Moment hei müesse astah für ine. Im Verglich zude vorherige Campings hets hie mega viu Lüt u mir di froh heimer reserviert. ZNacht hets Pizza gäh u iz simer beidi scho im Bett.Baca lagi