Abschied vo Lima, Flug nach Arequipa

Hüt hämmer früeh müesse uufstah, will mir bereits am siebni vo oisere Gluggere-Reiseleiteri Beatrix abgholt worde sind.

Beatrix isch so härzig, sie hät ois vier scho während de Autofahrt genau gseit, was mir alles mache müend und dasses so "little machines" am Flughafe hät, wo mir chönd ganz allei iichecke. Aber mir sölled ois kei Sorge mache, sie bliibt bi ois, bis alles klapped hät und mir oisi Koffere händ chönne uufgäh. 

Sie hät ihre Job guet gmacht und mir oise au. Zum Abschied hät sie gseit, dass sie ihri Meinig über Düütschi und Schwiizer gänderet hegi, will mir so lieb und uufmerksam gsii sind. Sie hät denn au gwunke, bis sie ois nüme gseh hät 😊👋

Nächschti Station: Arequipa!Läs mer