Reinicializar a pesquisa
Peru 2023
  • Yvonne Bont
  • Markus Bont

Peru 2023

Uma 19aventura de um dia na Yvonne & Markus Leia mais
SeguirResumoCalendárioCompartilharCompartilharLista de metas
Os mais novos primeiro
  • Inicio da viagem
    16 de outubro de 2023
  • Peru 2023
    Uf de Flug am Warte...

    CheckIn completed

    16 de outubro de 2023, Suíça ⋅ ☀️ 13 °C

    So schnäll simmer no nie dur d'Security choo... Es guets Omen 🤗

    Ver tradução
  • Peru 2023
    no chli verchrugelet...

    Lima Aakunft

    17 de outubro de 2023, Peru ⋅ ⛅ 22 °C

    Isch scho cool i de Business Class, mir händ füren Uufpriis de 11.5 Stunde-Flug upgradet.
    Und Lüüt. Es hät sich glohnt! 😜🤩No nie simmer Business gfloge, drum hämmer das Gfühl, mit uusgstreckte Bei chönne z'pfuuse sehr gnosse.😴🥱😍
    Mir händ beidi über 7 Stund gschlafe und sind recht erholt in Lima aachoo.
    Jetzt simmer am Flughafe abgholt worde und händ bereits am Morge am sächsi chönne is Zimmer.
    Ab go dusche und denn chli Lima uf eigeti Fuscht entdeckä.    Leia mais

    Ver tradução
  • Peru 2023
    Typisch für Lima: wunderschöni Zeichnige

    Miraflores, Lima

    17 de outubro de 2023, Peru ⋅ ⛅ 22 °C

    So e spannendi Stadt. 🤩
    Es läbt und pulsiert und isch trotzdem recht suuber und faszinierend. Me wird immer mal wieder vo Bättler oder Strassehändler aagsproche uf de Strass, aber wenn me nüüt reagiert lönd di meischte eim in Rueh.
    Mir sind chli im Stadtteil Miraflores umegwanderet und händ ois eifach chli triiebe laah. Hüt Abig gömmer no schön go ässe und sicher früeh is Bett. 🥱😴
    Morn gits e Privattour dur Lima, mir sind scho mega gspannt! 🤗    Leia mais

    Ver tradução
  • Peru 2023
    So vill Lüt sind eifach friedlich am fiire...Bluemeteppich für d'Jesusprozessioneifach so. zmitzt ide Stadt inne...

    Stadtbesichtigung Lima

    18 de outubro de 2023, Peru ⋅ ☁️ 23 °C

    Hüt Morge simmer am nüüni im Hotel abgholt worde für e Stadtbesichtigung. Zäme miteme andere Päärli simmer vo oisere Reiseleiteri, de Beatrix und em Pedro, oisem Chauffeur umegfahre worde. Nachem Bsuech vo de Katakombe i de Basilica San Francisco (kei Fotis erlaubt) simmer in e Jesus-Prozession innechoo. Es hät unglaublich vill Lüüt ghaa, wo uf die Prozession gwarted händ. Die mega friedlichi Atmosphäre mit Gsang und Füürwerk isch ois recht iigfahre und isch sehr faszinierend gsii. Zum Abschluss simmer no is Larco Museum gange, wo oisi Reiseleiteri recht vill vode Gschicht vo Peru verzellt hät (quint Essenz: Inkas sind di Böse gsii!). Nei, sie häts guet gmacht, es isch eifach am Schluss chli lang gange.
    Jetzt sammled mir ois schnäll, denn gömmer no uf eigeni Fuscht go e Archeologischi Site go aagüxle. Am Abig gömmer mit de Diana und em Holger (em dütsche Päärli) go Znacht ässe...

    Nachtrag: mir sind etz tatsächlich no bim Mateo Salado gsii. Das isch e Pyramide us Lehmklötzli. Die händ sicher lang Lehmklötzli gformt ghaa 🙈
    Es hät sich aber sehr glohnt....

    Im Aaschluss hämmer ois mit de Diana und em Holger zum Nachtässe troffe. Wow. So fein hämmer gässe und de Abig isch würkli lässig gsii.
    Morn gahts ganz früeh uf de Flughafe Richtig Arequipa, mir sind gspannt, wie mir die Höhedifferenz verträged (2300 m)... Scho mal es erschts aaklimatisiere...
    Und natürlich nähmed mir oisi noiä dütsche Fründe au mit (oder sie ois...)!    Leia mais

    Ver tradução
  • Peru 2023

    Abschied vo Lima, Flug nach Arequipa

    19 de outubro de 2023, Peru ⋅ ☀️ 21 °C

    Hüt hämmer früeh müesse uufstah, will mir bereits am siebni vo oisere Gluggere-Reiseleiteri Beatrix abgholt worde sind.

    Beatrix isch so härzig, sie hät ois vier scho während de Autofahrt genau gseit, was mir alles mache müend und dasses so "little machines" am Flughafe hät, wo mir chönd ganz allei iichecke. Aber mir sölled ois kei Sorge mache, sie bliibt bi ois, bis alles klapped hät und mir oisi Koffere händ chönne uufgäh. 

    Sie hät ihre Job guet gmacht und mir oise au. Zum Abschied hät sie gseit, dass sie ihri Meinig über Düütschi und Schwiizer gänderet hegi, will mir so lieb und uufmerksam gsii sind. Sie hät denn au gwunke, bis sie ois nüme gseh hät 😊👋

    Nächschti Station: Arequipa!    Leia mais

    Ver tradução
  • Peru 2023

    Arequipa 🤩

    19 de outubro de 2023, Peru ⋅ ⛅ 23 °C

    So e scharmanti Stadt uf 2400 Meter obe. Di ganzi Atmosphäre isch eifach chillt, schön und sehr suuber. Imene authentische Patio hämmer es Lokals Bier 🍻 und Causa Limeña (öppis Härdöpfeligs) ghaa.

    Jetzt gahts uf e Stadtrundfahrt. Leider hämmer nume ein Tag daa...

    Die Stadt isch ächt superschön. Mir händ no es paar Chile gseh, aber am interessantischte isch definitiv "Monasterio Santa Catalyna", es Kloster zmitzt ide Stadt. Und zwar so uufbaut wie e Stadt im Kloster. Wunder, wunder, wunderschön! Zum Glück hät ois de Holger chli zwunge, zum das go aaluege. Mir andere wäred nämli parat für es Aperöli gsii und händ welle di letschti Station vode Stadtfüehrig skippe. Aaaaber: mir händs de ganzi Abig no müesse ghöre vom Holger (und wahrschinlich au no de Rescht vode Reis), dass mir das nume ihm z'verdankä händ!
    Am Abig simmer i dere schöne Stadt no umegspatziert und händ fein Znacht gässe.
    Definitiv e faszinierendi Stadt. Morn morge gahts wiiter is Colca Tal. Chli lang Bus fahre (4 Stund), aber es isch en bequeme Bus... händs gseit!    Leia mais

    Ver tradução
  • Peru 2023
    Riesigi Ebene uf über 4500m Höchi
    Coca-Blätter212Hot Springsromantisches Hotel

    Mirador de los Andos und Chivay

    20 de outubro de 2023, Peru ⋅ ☁️ 7 °C

    Hüt hät de Wecker früeh glüütet, vor allem au, will mir geschter mit de Diana und em Holger underwäx gsii sind. Aperöööle, ässe, Absackerle und eifach e gueti Zyt haa. Isch luschtig, bis de Wecker lüütet ⏰

    Guet, es isch nöd so schlimm gsii, mir händ ja immerno chli Jetleg 🥱😁.
    Jedefalls simmer am achti losgfahre und sind 170 Kilometer über de fantastischi, knapp 5000 Meter über Meer glegeni Pass "Mirador de los Andos" mit einige Pause gfahre.
    Natürlich händ Fotistopps mit härzige Alpakas und Lamas nöd därfe fähle 😊
    Oisi Reiseleiteri hät ois erklärt, wie mer d'Cocablätter kaue sölled, die hälfed, mit dene Höhene besser umzgah. Ich han scho chli meh müesse schnuufe uf 5000 Meter obe, mir händ etz aber no es paar Tag Zyt, zum ois aaklimatisiere bevors uf d'Wanderig gaht 😝
    Oises Hotel isch mega härzig und suuber.
    Jetzt gömmer no i d'Hot Springs go bädele....
    Das isch ächt entspannend gsii 😊
    Hüt tüemer im Hotel ässe - das isch scho chli abgläge, aber macht en schöne Iidruck.    Leia mais

    Ver tradução
  • Peru 2023
    mitem Holger und de Diana <3Condor am flüüügegrad erfahre, dasses länger gaht, bis mir wiiterfahre chönd...Wunderschöns Puno

    Colca Tal und Puno

    21 de outubro de 2023, Peru ⋅ ☁️ 20 °C

    Hüt hämmer würkli früeh uuf müesse. Oise Bus isch scho am 6.30 vorem Hotel gstande. D'Stimmig isch chli gedrückt gsii, wills grägnet hät. Uf de Uusfluug is Colca Tal hämmer ois sehr gfroit, will d'Landschaft wunderschön isch und bi warme Temperature gseht mer di berüehmte Condor flüüge. Aber ebe, bi Räge isches unwahrschinli, dass mir Vögel flüüge gsehnd.
    Und denn simmer belohnt worde!

    De Rege hät alli Farbe vo dem Tal richtiggehend uuflüüchte lah. Atemberaubend!
    Denn simmer sogar no mit flüügende Condors belohnt worde 😍 Majestätisch sind sie durs Tal gfloge.
    Jetzt gahts zumene early Lunch und denn fahred mir 5 Stund zum Titicacasee.

    Us dene 5 Stund sind denn 10 Stund worde, will di einzig Verbindigsstrass zwüsched Colca und Puno wägeme Unfall komplett gsperrt gsii isch. Znacht am halbi elfi simmer denn i dere schöne Stadt aachoo. Oises Zimmer liit genau am Hauptplatz vor de Chile. D'Zimmer sind zwar würkli chlii, mir händ kei Chance, oisi Koffere uufzmache. Aber d'Laag isch so lässig, dass d'Grössi vom Zimmer nöd es Problem darstellt.
    Nachere churze Nacht (mir sind denn no go Znacht ässe) gahts morn denn an Titicacasee.    Leia mais

    Ver tradução
  • Peru 2023
    Bambusinslenatürlich hät au e chliini Vorfüehrig nöd därfe fähle

    Titicacasee

    22 de outubro de 2023, Peru ⋅ ☀️ 14 °C

    Au hüt simmer früeh abgholt worde. Am viertelvor siebni isch oise noii Guide ois i oisem härzige Boutiquehotel go abhole choo. Hüt gömmer uf d'floating Islands URUS ufem Titicacasee.
    De See isch knapp 16x(!!!!) grösser wie de Bodesee und isch de höchschtglegeni schiffbari See vode Welt. Uf 3810 Meter üM isch d'Luft mängisch immerno chli dünn für ois.
    Me weiss, dass die Bewohner fascht nume no für de Tourismus läbed und de zahlende Chunde ihri Kultur zeiged. Me isch immer chli gspalte, ob das etz e gueti Sach isch oder nöd. Tatsach isch jedoch, dass sie sich öppis händ müesse ifalle lah, zum überläbe. Drum mached au mir bi dem touristische Uusfluug mit.
    Aber es isch würkli interessant z'gseh, wie die Insle uufbaut sind und wie die Bewohner hüt no deet läbed (au wenn nume für Tourischte).

    Nachher isches wiiter gange uf Taquile, e superschöni Insle ufem Titicacasee. Für mich en rächte Dämpfer, will ich fascht nöd han chönne laufe. De Puls isch jewiils uf über 140 und bim Laufe isch mers regelässig schwarz vor Auge worde. Nöd di beschti Voruussetzig für oise Inka Trail.
    Ade Bilder aah isches e würklich schöni Insle gsii 🙈🤩    Leia mais

    Ver tradução
  • Peru 2023
    Vulkan im Hindergrund
    e nassi SachCusco

    Langi Fahrt vo Puno nach Cusco

    23 de outubro de 2023, Peru ⋅ ☁️ 20 °C

    Also, früeh uufstah chömmer. 😴🥱😴😜 Au hüt simmer sehr früeh im Hotel abgholt worde. Bereits am halbi siebni simmer uf de Busbahnhof braacht worde. Deet simmer zum Glück nöd vo oisne dütsche Fründe trännt worde und händ sogar d'Plätz im grosse Bus näbedenand. Was eigentlich kei Rolle spillt, will nume 10 Lüüt im grosse Bus fahred. 😝
    390 Kilometer, 5 interessanti Stops und öppe 10 Stund Reisezyt ligged vor ois.
    Aber es hät scho mal ungwöhnlich aagfange mit enere Stadt wo imene Gebiet isch, wos vill Räge git. Aber will alles so flach isch, isch die Stadt während dene Monet fascht immer überschwemmt... 💦
    S'Reise im grosse Bus isch also sehr aagnähm und mir händ immer mal wieder en Stopp . Au s'Mittagässe isch fein gsii, me chunnt amigs Buffetverpflegig über. So chame au immer mal wieder öppis nois probiere. Alpaka hämmer scho ghaa, Meersäuli (glaubs) nöd. 🙈

    D'Armuet isch sehr präsent und au d'Bedingige, wie Landwirtschaft betriebe wird unglaublich uufwändig. Zwar sind au ide Berge immer Terasse aagleit worde, will de Bode sehr fruchtbar isch. Die Trasse sind scho Jahrhunderti alt, es wird aber alles vo Hand bewirtschaftet. Alli Nutztier sind entweder a churze Strick aabunde oder ade Bei so gfesslet, dass sie chuum laufe chönd. Au streunendi Hünd häts i dem Gebiet sehr vill.
    Leider häts auf extrem vill Abfall überall. Bis jetzt hani vo Peru's Plastik-Verbot nonig vill gmärkt.

    Praktisch keis Huus gseht fertig baut uus, alli werded laufend erwiiteret. Raqchi, e archeologischi Site zwüsched Cusco und Puno hät ois eimal meh zeiged, wie iidrücklich d'Inka-Bauwiis gsii isch...    Leia mais

    Ver tradução
  • Peru 2023
    Guy - Meersäuli
    2Pisco sour

    Cusco

    23 de outubro de 2023, Peru ⋅ ☁️ 19 °C

    Geschter Abig hänmer no s'Briefing für oise Inkatrail ghaa.
    4 Täg Wandere uf de Spure vode Inkas. Mir froied ois mega! Es git denn no chli meh Details...

    Denn simmer mit "de Dütsche ♥️" imene lässige Restaurant go Znacht ässe. Superschön aagrichted und im Verhältnis au günschtig gsii. Sie sind spezialisiert uf regionali Produkt und es hät sich glohnt. D'Manne händ Meersäuli gässe, aber es isch nöd so de Hit gsii (troche). Aber miis Ceviche isch mega fein gsii.

    Hüt Morgä hämmer zur freiä Verfüegig ghaa, und mir händs bruucht. Für ei mal nöd di erschte sondern di letschte bim Zmorgä 😴😉

    Nachher simmer no chli go Cusco aaluege, am eis simmer für d'Stadtfüehrig abgholt worde. Obwohl d'Kathedrale imposant und sehr gross isch, hämmer vill z'vill Zyt deet verbraacht. Denn simmer no ine Monestry gange und au deet hämmer vill müesse lose. Nachher simmer go drüü archeologischi Sites go aaluege. Mir händ etz scho es paar so Sites gseh, aber jedi einzelni isch iidrücklich. Was die Inkas da baut händ isch eifach unglaublich!

    Mir händ ois etz entschiede, dass mir de Uusfluug is Sacred Valley morn nöd mached, damit mir ois no chli erhole chönd, bevor s'ganz grossi Abentüüür aafangt.

    Funfact: mir händ hüt usegfunde, warum extrem vill Hüüser nöd fertig baut sind: sobald es Huus es Dach hät, müend Stüüre zahlt wärde. Extrem, wie vill Hüüser eifach ohni Dach sind 😜    Leia mais

  • Peru 2023
    Yvonne kommt😁De letschti Pisco sour in Cusco (mit de zwei Dütsche)

    Cusco, Vorbereitige laufed!

    25 de outubro de 2023, Peru ⋅ ☁️ 18 °C

    Wo mir ois hüt am Morge nomal händ chönne im Bett drähe, simmer beidi froh gsii, dass mir de hütig Uusflug nöd mached. Schad isch eifach, dass mir so en Tag weniger mitem Holger und de Diana reise chönd. Morn gömmer trennti Wäg :-(

    Bim Briefing für de Inka Trail hämmer ghört, dass mir e chliini Gruppe sii werded. Nume grad drüü Touris mitem Rony, osem Guide und 5 Porters und em Choch...
    Mir sind zude Christus Statue vo Cusco ufegloffe und händ ois so scho mal chli uufgwärmt für morn 😜
    Als Belohnig hämmer ois grad no massiere laah. Jetzt simmer ready für die 46 Kilometer ide nächschte 4 Täg 💪

    Morn gahts am Morge am 4.20 los, de erschti Tag isch no moderat mit 10 Kilometer und öppe 640 Höhemeter. Ab übermorn gilts denn ernscht 🫣. Aber ich bin sicher, wenn ich de erschti Tag vom schnuufe her packe, denn schaffi au de Rescht 💪

    Etz warted mir no uf die zwei noiä Fründe us Fulda, damit mir es letschts Nachtässe zäme ässe chönd.    Leia mais

    Ver tradução
  • Peru 2023
    Vorbereitige laufedvoll motiviert!Ceviche

    Inka Trail Tag 1 Cusco KM82-Ayapata camp

    26 de outubro de 2023, Peru ⋅ ☁️ 16 °C

    Jetzt gahts los...
    Hüt hämmer folgendi Etappe vor ois:

    Tag 1
    11 km / 6-7 Stunde
    Start uf 2709 mt, Camp uf 3350 mt
    Korrektur: 13.7 km / 8.25 Std

    Also, Fazit: we made it! (Aso vor allem iich, am Markus hät ja niemert zwiiflet! Ich bin zimli sicher, dass dihei Wette laufed, ob ichs packe 😜). Ich han gwüsst, wenn ich di erschti Etappe packe, denn schaffis. 💪

    Aber hüt isch en mega schöne Tag gsii, mir sind a mehrere Inka Sites verbiichoo und au d'Natur isch wunderschön 🤩
    Mir händ sogar en Kolibri gseh! Wägeme Brand vo letscht Wuche isch en Teil vom Trail gsperrt gsii und mir händ en chliine Umweg gmacht. Zum Zmittag simmer fein bechocht worde und au zum Znacht häts ganz vill typischi peruanischi Spezialitäte gäh. Ufem Wäg sind ois immer wieder Esel und Muultier begegnet.

    De Markus isch voll im Saft und no vor oisne "Porter" im Camp gsii. Porter träged oises Gepäck, Zelt, Ässe und alles, wos ufem Trail bruucht, mit. Mir laufed nume mit oisem Tagesrucksack. Jede Porter treit 25 kg Gepäck!
    Morn werded mir am 5fi mit Coca Tee gweckt , damit mir am sächsi loslaufe chönd 😴🫣😊
    Es wird en Monschtertag: 4 Stund steil ufe, 2 Stund steil abe. Zmittagässe.
    2 Stund steil ufe, 2 Stund steil abe...    Leia mais

    Ver tradução
  • Peru 2023
    tüüüüf Luft hole...We made it!Belohnig zum ZmittagWohlverdiente Lunch mit oisere ganze Crew

    Inka Trail Tag 2 Ayapata-Chaquicocha

    27 de outubro de 2023, Peru ⋅ ☁️ 9 °C

    15 km / 9-10 Stunde
    Start uf 3340 mt, Pass uf 4215 mt, Abstieg uf 3600 mt, Pass uf 3900 mt, Camp uf 3650 mt

    ....und ich hans überläbt!
    Ich han gmerkt, dass Wandere uf über 3000 mt Höchi ein Vorteil hät: me muess sich so fescht ufs Schnuufe konzentriere, dass Wädli, Oberschenkel oder Chnnüü gar keis Problem sind 🙈

    Ganz ehrlich, villicht hilft au min voorbügende Medikamentecocktail us Schmerztablette, Magnesium und Glänktablette.
    Es isch würkli mega, wie vill Zyt eim glaa wird uf dem Trail, wie me siis Tempo laufe chan. All paar Höhemeter schnell aahalte, dureschnuufe (reschpektiv wieder zu Luft choo) und denn wiiter laufe hilft scho.
    Churz vorem Pass (4215 mt!!!) hani s'Gfühl ghaa, ich chan di letschte paar Meter i eim Schnurz durezieh ohni nomal aahalte. Das isch denn chli i d'Hose. Han fascht kei Luft überchoo und han aagfange Hyperventiliere. Bim iischnuufe häts nume no pfiffe 😵‍💫 De Rony, oise Guide hät denn grad d'Suurstoffläsche uuspackt, die hani aber nöd bruucht, will ich dank em guete Zuerede vom Markus und em Guide allei wieder abechoo bin. Jede Wanderer wird unter Applaus ufem Gipfel begrüesst, das isch mega schön.

    De Abstieg zum Lunchcamp isch zwar steil aber guet gange.
    Nachem Zmittag, wo wieder superschöön aagrichtet gsii isch, hämmer nomal en Pass gmacht. Dä isch au zimli happig gsii, will fascht alles Stägetritt sind. Ufe 300 Höhemeter und abe au fascht nomal sovill...
    Mitem Wätter hämmer Glück ghaa, es hät teilwiis d'Sunne gschiene und mängisch händ ois Nebelschwade vode Cloudy Mountains iigholt.
    Womer under Applaus vo oisne Porter im schöne Camp aachoo sind, simmer nachem Znacht scho glii mal is Bett.    Leia mais

    Ver tradução
  • Peru 2023
    Porter sind chli schäller underwäx als miir 🙈isch eher sälte, dass so vill Lüüt ufs Mal underwäx sindhänd ois d'Luune nöd lah verdärbeTuurte für ois

    Inka Trail Tag 3 Chaquicocha-Wiñaywayana

    28 de outubro de 2023, Peru ⋅ ☁️ 15 °C

    10 km / 5-6 Stunde
    Start uf 3650 mt, Camp uf 2170 mt

    Phuuuu.... Es hät grägnet. Und zwar mega fescht. Scho ide Nacht häts immer mal wieder gschüttet und de Morgä hät nöd bessers Wätter braacht. Am achti simmer im strömende Rege losgloffe, aber es isch defüür mystisch gsii, dur de nebligi und regnendi Wald und de ganz Abstieg (ich schwöre, würkli fascht uusschliesslich de ganzi Abstieg!!!) hät us Stägetritt bestande.
    Sobald mer mal dure nass gsii isch, hät mers au chöne gnüsse.

    Trotz de erschwärende Umständ simmer am zwei im letschte Camp aachoo. Ufem Weg zum Camp hämmer no e Site mit 98 Terassene gseh. D'Inkas händ die zmitzt am Berg freigleit, damit sie Landwirtschaft chönd betriebe. Am spätere Nami gömmer no Wiñaywayana go aaluege.

    Ich gange etz mal go Internet sueche, vorher hani churz mal ghaa...

    Leider nüüt gsii, hans Internet nüme gfunde 😝 Janu. Etz chömed ihr denn di volli Ladig an Machu Picchu Tagebuech mitemand über...

    Defüür hämmer die besagti Site no besichtiged. Ächt unglaublich, was die Inkas zmitzt im Dschungel baut händ!

    Hüt hämmer no de Abschluss, will oisi Porter nöd mit uf de Machu Picchu chömed. Die händ echt en geniale Job gmacht, richtigs Teamwork 🤗
    Zum Abschied hät oise Choch e Turte für ois zauberet. Nachem Znacht simmer sofort is Bett, morn morge werded mir mit Cocatee am drüü gweckt, will mir früeh los laufed...

    Guet Nacht 😴😊    Leia mais

    Ver tradução
  • Peru 2023
    Sun Gatesooo vill Lüüt warted uf de Bus!Reifewächsel uf de HauptstrassDAS hämmer ois verdient!

    Inka Trail Tag 4 Wiñaywayna-Machu Picchu

    29 de outubro de 2023, Peru ⋅ ☁️ 20 °C

    6 km / 2-3 Stunde
    Start uf 2700 mt, Machu Picchu uf 2400 mt

    Am drüü simmer gweckt worde und mir händ alles müesse zämepacke. Denn simmer zum 5 Minute entfernte Checkpoint gloffe, wo mir 1.5 Stund warte müend, bis mir loslegge chönd 😵‍💫

    Leider häts während em Warte aagfange regne. Womer denn nachem foifi entli loosgloffe sind simmer innert churzer Zyt pflotschnass gsii 💦💦💦
    De Durchgang durs Sun-Gate hät sim Name kei Ehr gmacht. 😭

    Aber womer dunne im Machu Picchu aachoo sind, häts uufghört regne und d'Sunne isch dur d'Wulche broche.
    Jetzt simmer also doch no belohnt worde!

    Womer mitem Bus händ welle zum Bahnhof abe fahre, hämmer e riesigi Warteschlange vor ois ghä.

    Nacheme eeeeewig lange Tag sitzed mir etz im Zug zrugg uf Cusco.
    Will de Zug nöd wiitergfahre isch, hämmer underwäx müesse umstiege. Mir händ ois denn entschiede, direkt es Taxi is Hotel z'näh, statt no zweimal umstiege mitem Bus. Leider hät s'Taxi en Platte iigfange. Es isch ois also nöd langwiilig worde!

    Mir händ morn nomal en Tag in Cusco und froied ois, no chli meh vo dere wunderschöne Stadt z'gseh. Am Zischtig werded mir scho am foifi im Hotel abgholt für de Flug via Lima nach Madrid. Deet bliibed mir denn no zwei Täg, bevor oisi Ferie ganz fertig sind, aber ganz sicher für immer i oisem ♥️ bliibed.

    Es Land, wo sich lohnt zum go bereise.    Leia mais

    Ver tradução
  • Peru 2023

    Letschte Tag in Cusco ♥️

    30 de outubro de 2023, Peru ⋅ ☁️ 23 °C

    De hütigi Tag isch ganz under Erholig gstande :
    Uusschlaafe 💤
    Zmörgele🥐
    Spatziere im schöne Cusco🚶
    Käfele☕
    Lüüt beobachte und Schueh butze laah👟
    Massiere💆
    Ässe🥪🍔

    Ver tradução
  • Peru 2023

    Adios Peru

    31 de outubro de 2023, Espanha ⋅ ⛅ 9 °C

    Das isches jetzt gsii. Mir säged Peru Adios.
    14 sehr iidrücklichi Täg sind das gsii. Aber es hät sich glohnt.
    Kulinarisch hämmer immer sehr guet gässe und au d'Gaschtfründschaft wird gross gschriebe. Mir händ ois immer sehr sicher gfühlt.
    De Tourorganisator "Pure Peru" isch extrem professionell und mit ihrem WhatsApp Kundedienscht sind sie 24/7 erreichbar und händ immer innerhalb vo 1-2 Minute Antwort gäh.
    Schön, dass ihr oisi Reis mitverfolgt händ 😊
    Mir chönd das Land, die Reis jedem empfehle. Es git zwüscheddure scho chli langi Busfahrte, aber i some grosse Land laht sich das nöd vermiide. Bsunders schön isches, dass mir en Grossteil vo dere Reis mit oisne noiä Fründe händ därfe erläbe. Phuu... Stelled oi mal vor, wie doof das gsii wäri, wenn das Idiote gsii wäred. 🤣 Aber ich han s'Gfühl, mir händ mit de Diana und em Holger würkli Mensche därfe kennelerne, wo au in Zuekunft i oisem Läbe sii werded ♥️
    Dankä für's mitverfolge! Mir sind no bis am Friitig in Madrid, denn gahts heiwärts 🤗    Leia mais

    Ver tradução
    Final da viagem
    3 de novembro de 2023