Japan | FindPenguins

Newest first

Trip start
June 3, 2024
Japan
Ready?
June 3, 2024 in Switzerland ⋅ ☁️ 14 °C
Nachem Rekord-Turbopacke hani hoffentlich alles packt für miis Abentüür "Japan" 🤩
Also villicht fascht no chli meh als ursprünglich plaanet 😜
Am eis flüügi los, nach Tokyo gahts 13 Stund. Ich froi mich mega, de Dave denn entli mal wieder z'gseh. Er isch scho sit endi Februar in Tokyo füren Sprachuufenthalt.Read more
See translation
TravelerVill Spass. Gnüss es.
6/3/24ReplyTranslate
schöni Ferie 😊 [Denise]
6/3/24ReplyTranslate
TravelerHoffe du hesch d Büsi nid ipackt! Gueti Reis!
6/3/24ReplyTranslate
8 more comments
5 likes
Japan
Lebendigs Tokyo
June 4, 2024 in Japan ⋅ ⛅ 23 °C
Nach dem truurige Wetter dihei, bin ich mitem Bus vom Flughafe bide Shibuya Chrüützig bi milde Temperature und Sunneschii aachoo. Und mit miim Jetlag grad chli überfordert vo dere unglaublich pulsierende Stadt. Die ville chliine Bars und Restaurants gsehnd alli spannend uus, trotzdem bini sehr unschlüssig gsii. Scho es paar Meter näbed em Zentrum isches ruhig und nach einigem Sueche hani e Bar gfunde, womer dusse ässe chan.
Kulinarisch häts scho mal superguet aagfange. Lemonchicken und es japanisches Weizebier 🤪
Hüt abig gsehni denn entli de Dave mal wieder 🤩Read more
See translation
Mir wünsched dir ganz schöni, erläbnissrichi Täg zäme mit em David und freued eus uf dini Bricht. [Es Grüessli vo dihei]
6/4/24ReplyTranslate
6 likes
Japan
Sushi und gueti Gsellschaft
June 4, 2024 in Japan ⋅ ⛅ 20 °C
Nacheme chliine Powernap hani hüt de Dave sit endi Februar entli mal wieder gseh. ❤️ Schön, dasses ihm in Tokyo so guet gaht. Mir händ ois so vill z'verzelle ghaa und er hät mir scho es paas interessanti Ort rund um Shibuya zeigt. Er hät imene Sushi Restaurant reserviert und mir händs ois so richtig guet gaah laah.
Denn hämmer no oisi Plän für di kommende Täg besproche und jetzt gangi entli go pfuuse...
Morn gömmer zum Mt. Fuji und am Abig bini bim Dave sinnere Hostmom zum ässe iiglade 🤩Read more
See translation
5 likes
Japan
1
Fuji-San 富士山
June 5, 2024 in Japan ⋅ ☀️ 20 °C
Hüt morge händ de Dave und ich ois am Bahnhof Shonjuku troffe. Trotz Ticket,häts kein Sitzplatz verfüegbar ghaa. Drum hänmer de rund zweistündigi Trip stehend im Gang verbracht (SBB laht grüesse 🤪). Da alles aber sehr suuber isch, simmer oft am Bode ghöcklet.
Di erschti Station isch de Arakurayama Sengen Park gsii. Scho bim Uustiige vom Zug häts sehr vill Touris ghaa. Aber unglaublicherwiis simmer chli absiits gloffe (=Umwäg) und sind deet nöd eim andere Tourischt begägnet. Wunderbar freie Blick uf de Fuji-San und schöni Natur, en perfekte Mix 🤩
Für de Weg zrugg hämmer es Busticket mit reserviertem Sitzplatz bueched. Jetzt sinmer ufem Wäg zrugg nach Tokyo, hüt Abig gömmer zerscht go Billard spille und denn zum Dave siinere Hostmom go Znacht ässe 🤗Read more
See translation
TravelerDa hast du mir was vor, trotz 16 Japanbesuche war ich noch nicht beim Fujisan…! 😀
6/5/24ReplyTranslate
TravelerBin zimli gflasht! Perfekti Bedingige mit super Wätter 😎
6/5/24ReplyTranslate
Traveler Wow, was für ein Bild 😍
6/5/24ReplyTranslate
5 likes
Japan
Meji Jingu - en Shrine zmitzt ide Stadt
June 6, 2024 in Japan ⋅ ☁️ 26 °C
Ich muess no schnäll chli uushole. Geschter Abig bini bide Masae, em Dave siinere "Japanese Grandmother" wie si sich bezeichnet, zum ässe iiglade gsii. En unglaublich liebevolle Empfang vo dere 78-jährige grossartige Frau mit Umarmig und Verneigig und allem, wo dezue ghört
Die quirligi Masae isch so Fan vom David, "ihrem" Gentlemen und würden glaubs grad bhalte.
Sie hät soo vill z'verzelle ghaa und ich han mich sehr willkomme gfühlt. Nacheme feine Curry und no wiitere Leckereie bini denn nach öppe zwei Stund zrugg is BnB ggange.
Hüt Morge hani chli umeblääterlet und alles umpackt, will hüt abig gönd de Dave und ich mitem Sinkansen Schnällzug nach Hiroshima für drüü Täg. Hüt isch de Dave ide Schuel und ich bin uf eigeni Fuscht in Tokyo underwäx. Zerscht in Kagurazaka, en Stadtteil vo Shibunya wo villi traditionelli Läde hät. Denn bini zum Meji Jingu Shrein gange, das isch e Gedenkstätt zmitzt ide Stadt.
Respektvoll und fasziniert und ganz chliii fühlt mer sich da.
Vor allem die Wand wo de Lüüt d'Möglichkeit git, ihri Wünsch für Zuekunft uufzschriibe hät mich nega berüehrt. Di eigete Wünsch und Hoffnige chömed eim grad sehr trivial und egoistisch vor. Es ganzes Stuck zfroedener und demüetiger hani dr Shrein wieder verlash ❤️
Später triff ich mich denn mitem Dave für oisi Fahrt nach Hiroshima - ich bin unglaublich gspannt uf die Stadt wo sone unglaublichi Rolle ide Wältgschicht gspillt hät.Read more
See translation
3 likes
Japan
Hiroshima: Gänsehuut!
June 7, 2024 in Japan ⋅ ☀️ 23 °C
Wahnsinnig die Geschicht vo dere Stadt! De hütigi Tag isch ganz im Zeiche vode Atombombe gstande. Aagfange mitem Peace Memorial, emene Museum wo berüehrt. Daa z'stah, wondi allererschti Atombombe vode Anerikander abegange isch, gaht nöd spurlos a eim verbii.
S'Museum bringt eim nöd nume d'Gschicht nächer, sondern au d'Lüüt. Es git eim ganz vill Iiblick i Einzelschicksaal vo dene Mänsche, wo nöd nume de zweiti Weltchrieg, sondern au e Atombombe und d'Diskriminierig vode reschtliche japanische Bevölkerig händ müesse über sich ergah laah. Beiiidruckend, dass im hütige Hiroshima kei Groll meh z'existiere schiint. E wunderschöni Stadt mit vill Tüüfi.
En sehr en sentimentale Tag mit vill Zytzüüge.
Am Namittag simmer is Hiroshima Castle gange, das isch komplett zerstört worde bim Bombeaagriff. Nume es paar Bäum händ das überstande und stönd hüt no stolz daa. Alli wichtige Gebäude sind wiederuufbaut worde.
Am Abig simmer ines Restaurant, wo mer zwüsched all you can eat und/oder all you can drink chönne wähle. Mir händ nöd soooo fescht Hunger ghaa 🤪🫣😎
Morn verzell ich oi denn, wie guet oisi Entscheidig gsii isch 🙈🙉🙊
Oises Hotel isch zmitzt im Zentrum, es sehr es chliises Zimmer mit eme Onsen Bad, was mir au hüt abig uusnützed. E Tradition in Japan, wo ich mich durchuus draa gwöhne chönnti 🤩Read more
See translation
TravelerIg kenne nume Onsen Eier. Wie geit de ds Bad?
6/7/24ReplyTranslate
TravelerEigentlich es grosses Hot Tub. Eifach nume entspannend 🤗
6/7/24ReplyTranslate
TravelerDas tönt super!
6/7/24ReplyTranslate
2 more comments
4 likes
Japan
Miyajima Mount Misen
June 8, 2024 in Japan ⋅ ☁️ 25 °C
Hüt hämmer oises Hotel gruumed und de Koffer ade Shinkansen Station deponiert. Denn simmer mitem Zug zum Miyajima gfahre, deet isch ebefalls es berüehmts Gate vom Itsukushima Shrine.
Wow!
Zwar scho chli en touristische Empfang vo Reh und Hirsche, aber wie sich die edle Tier i einere Selbstverständlichkeit zwüsched de Mänsche beweged isch ussergwöhnlich. Mir sin denn am Ufer entlang zum iidrucksvolle Shrein und im Aaschluss no uf de Mount Misen. Was füre Uussicht 🤩
Ufem Gipfel obe hät mer e 360° Sicht uf d'Küschte vo Hiroshima.
De Dave hät sich entschiede, de Abstieg z'Fuess z'mache. Ich ha mich wäge miine doofe Blaatere dezue entschiede, de Ropeway au abwärts z'näh.Read more
See translation
5 likes
Japan
Himeji - es Castle us de Vergangeheit
June 9, 2024 in Japan ⋅ ☁️ 22 °C
Nacheme feine Znacht geschter (Okonomiyaki) simmer no uf de Shinkansen richtig Himeji, damit mir ois denn Zyt näh chönd das wunderschöne Schloss aazluege.
Hüt morge hämmer ois es Zmorge vom Buffet gönnt und sind denn richtig Himeji Castle gloffe. Das wunderschöne Schloss büütet d'Kulisse für villi berüehmti Film (z.B. Der letzte Samurai) und me fühlt sich regelrecht ide Zyt zruggversetzt. Was ich au sehr speziell empfunde han (miini wunde Füess jedoch dankbar aagnoo händ) isch, dass mer immer ide Gebäude inne hät müesse d'Schueh abzieh. Ganz vill Tourischte wandered ide Socke dur die gschichtsträchtige Rüüm.
S'Wätter hät nöd ganz mitgmacht, drum isches etz au ok, dass mir bereits am zwei uf de Schnällzug nach Tokyo iigstiege sind.
Ich dänke mal, dasses für miich morn en ruhige Tag git, villich no e Massage oder öppis i die Art...Read more
See translation
5 likes
Japan
Back in Tokyo
June 10, 2024 in Japan ⋅ ☁️ 21 °C
De Mäntig bini chli ruhiger aagange, han mich chli triibe lah. Am Mittag bini uf de Shibuya Sky, es Hochhuus vo 229 Meter Höchi mit gueter Uussicht uf d'Crossing.
Am Namittag bini chli go shoppe gsii (Chleider und Don Quichotte 🤪🙈🫣) und am spätere Namittag hani mi mitem Dave und em Guy troffe zum Dart spille und Karaoke singe 🙃😜
Am Zischtig hani am Morge no chli gschäffelet (Guggebüel und Dübedorf), han mich denn uf di zwölfi wieder mitem David troffe für en Bsuech im Tokyo Skytree, emene grooosse Turm mit super Uussicht (450m höch).
Am Namittag bini am Flussufer chli go spaziere und de Sensō-ji Tempel go bestuune. Das me rund um de Tempel Kimonis miete chan, hät mer ade schöön aagleite Mänsche gmerkt 🙃Read more
See translation
Nächste Versuech 🥵 zum schribe. Ich freue mich immer sehr, dini tolle Bricht z läse.. es freut mich so für dich das du so e tolli Reis chasch mache. Dihei isch sowit alles i.O so vill ich weiß. Na ganz schöni erläbniss richi Täg. Ganz e feschti Umarmig vo dine Eltere [Nelli]
6/11/24ReplyTranslate
4 likes
Japan
Mt. Takao... Vode falsche Siite choo
June 12, 2024 in Japan ⋅ ☀️ 27 °C
Vo Tokyo uus gahts öppe zwei Stund mit de U-Bahn, em Zug und em Bus. Ich han zum Glück bi Google di falschi Siite vom Mt. Takao iigäh. De Bus hät mich irgendwo im Nirgendwo imene Industriequartier am endi vode Zivilisation uusglade. Da Maps mich mit einere Überzüügig gfüehrt hät, bini de Aawiisige gfolgt. Wo denn de Weg meh nach Natur und weniger nach Strass uusgseh hät, isches interessant worde. Und wo denn iiheimischi Wanderer entgägechoo sind (und ja. Jede seit "Konichiwa", das chönd also nöd nume miir Schwiizer) hani scho gwüsst, dasses irgendwo annegaht.
Ganz ab vode Touris hani mich ufemw Umwäg zum Mt. Takao ufegschaffed. Immer wieder händ mir d'Uusblick de Atem graubt (naja, villicht au chli d'Stiigig 🤪). Nach mehrere Stund bini ufem Gipfel aachoo. Die Kombi vo Natur pur mit Grosstadt im Hindergrund isch glaubs öppis nois für miich gsii.
Jetzt gangi no mitem Dave go Ramen i siim Lieblingsresti ässe und hüt gangi sicher früeh ist Bett. Morn machi e ganz e spezielli Tour, bin gspannt, was das wird!Read more
See translation
4 likes
Japan
En abentüürliche Tag!
June 13, 2024 in Japan ⋅ ☁️ 27 °C
Ich han ja scho ghofft, dass di hütigi Tour woni buecht han, cool wird. Aber miini Erwartige sind meh als übertroffe worde. 🤩😎
Abandoned Places heisst die Tour. Und me muess körperlich fit sii und über churzi Strecke chönne ränne 🙈
Ich weiss jetzt warum 🤪
Es isch e Tour wo sich chli am Rand vode Legalität befindet. Me gaht verlasseni Plätz und Hüüser go aaluege. Und das nöd mit de Bewilligung vom Bsitzer, fallses überhaupt no Bsitzer git.
Ich han de Peter am Bahnhof Utsunomyia (öppe 2,5 Stund usserhalb vo Tokyo) troffe und deet festgstellt, dass ich di einzige bin, wo die Tour hüt buecht hät. Drum wett de Peter d'Hardcore-Tour mache. 🙈🙉🫣
Zerscht simmer imene ehemalige Spital gsii, wo sind de 80er Jahre zue isch. Aber es git no Zytzüüge (und e alti Frau wo kei Froid a ois ghaa hetti, wenn sie ois verwütscht hetti!).
Als zweits simmer imene alte Schuelhuus gsii. Au das isch verlaah, hät aber no ganz vill Uusrüschtig und Schuelbüecher und sogar no e Turnhalle mit Sportgrät drin.
... und das isch erscht de Aafang gsii 🙈Read more
See translation
4 likes
Japan
Verlassnigs Hotel und anderi Kuriositäte
June 13, 2024 in Japan ⋅ ☁️ 27 °C
Denn simmer ines riesigs Hotel gange, wo bis ide 80er Jahr e beliebts Hochzytshotel gsii isch. No immer gseht mer ganz vill Bewiis. Mir sind über Stäge und Leitere ganz z'oberscht ufs Dach klätteret, deet häts en atemberaubende Uusblick uf d'Umgebig...
Unglaublich, was alles no daa isch. Gschirr, Stüehl, Möbel... Unvorstellbar!
Als letschti Station simmer zumene creepy Huus gange, wo wahrschinlich en Sektefüehrer mit siinere Komune gläbt hät. Es isch eim vorchoo wie es Filmset imene Horrorfilm (ja, ich weiss jetzt au warum Hardcore: nöd wäge de körperliche Fitness!).
Als krönende Abschluss simmer no inen buddhistische Tempel gange. Kei Menscheseel wiit und breit. Ussert de Mönch wo deet läbt. Er hät ois zum Gloggeturm ufe grüeft und ich han därfe d'Glogge lüüte ✨
Han als Abschluss vo dere Tour en ganz en tüüfe und ehrwürdige Moment i dem Tempel därfe gspüre, wahnsinn!Read more
See translation
Wou, was für en Tag.... [Nelli]
6/13/24ReplyTranslate
4 likes
Japan
En ehrwürdige Abschluss
June 13, 2024 in Japan ⋅ ☁️ 25 °C
Mini Tour vom Dunnschtig hät nach all dene creepy Erfahrige denn en richtig schöne Abschluss ghaa.
De Peter hät mir en buddhistische Tempel zeiged, wo chli abglöge (nöd verlaah!) und wunderschön isch.
Da drüber hani scho brichted, aber no kei Fotis ufeglade. Drum jetzt no es paar Iidrück vom Tempel...Read more
See translation
4 likes
Japan
1
Bye bye Japan 🇯🇵
Jun 14–19, 2024 in Japan ⋅ ☀️ 28 °C
Hüt hani am Morge no chli "umeblääterlet" und han no de Imperial Palace welle go aaluege. Leider isch de ganzi Park rund um de Palace zue gsii. Drum bini eifach chli umespaziert und han mich denn nachem Mittag mitem Dave troffe, zum Akihabara go erkunde. Das isch en Stadtteil wos um di ganzi Animeszene gaht. Gaming, Figure, Kostüm.
Nachher simmer go feini Teppanyaki go ässe gsii. Es letschts Mal im Donki go poschte und denn hämmer müesse Abschied näh.
De Dave macht das so grossartig in Japan, ich bin sehr stolz uf ihn 🥰😍Read more
See translation
Traveler DAS Bier gits au i de Schwiiz, original in Japan braut. Nid wie anderi Japanischi Bier, wo in Europa braut sind
6/15/24ReplyTranslate
4 likes

Trip end
June 15, 2024