Giovannis Pizzeria. 🍕

In El Nido, da i de Philippine, bimne Franzos wo ursprünglich vo de Nöchi vo Marseille chunt, hemmer die bescht Pizza gesse wommer je gha hend.😍

Wommer bi de Kellnerin üsi Pizza Margherita mit zuesätzliche Olive & Knobli bstellt hend, isch ahschlüssend de Giovanni, de Bsitzer vom Reschti zu üs an Tisch cho go schwätze. Er het en Hufe verzellt und het üs denn auno gueti Tipps für üse nögschti Ort „Coron“ uf de Weg ghe. Dank dem sympatische und herzliche Franzos em Giovanni, wüssmer ez au wieso Pizza Margherita de Name het.

✨ Es war einmal.. en italienischer König wo mit sinere Frau de Königin drü verschiedeni Pizzen in Neapel bstellt het. Eini vo dene drü Pizzene het de Königin bsunders guet gschmökt und zwar die mit Tomate, Mozarella & Basilikum. Als Dank für die fein Pizza het Königin am Pizza Bäcker en Dankesbrief zuecho lah und so ischs dezue cho, dass de Pizza Bäcker die Pizza i de Nationalfarbe vo Italie (roti Tomate, wisse Mozarella & em grüene Basilikum) nach de Königin de Margherita benännt het. Obwohl Königin Margherita scho längscht gstorbe isch, essemer die Pizza hüt no.🍕🇮🇹Read more