snorkeling spot.🪼

Bim Corong Beach isch den üse Oberschnorchler as erschts is Wasser ihtaucht. Während 40 Minute hemmer dUnterwasserwelt erkundet. Vieli farbigi Fischli, Koralle, Krebs und Muschle hemmer gse und zu dem here hets en hufe chlini fascht durchsichtigi Qualle gha wo eim immer wieder brennt hend. Die „Verbrennige“ hend aber knappi 10 Sekunde hereghebt und den hetmer scho nüt meh gmerkt oder gse.🪼 Woni den de Nicole vo de Qualle verzellt han, isch üse Oberschnorchler schnell ufm Schiff verschwunde.😂 Au wenn de Schnorchelgang und dUnterwasserwelt jetzt nöd mega spektakulär gsi isch het üs das Schnorcheltürli i dem schöne & klare Wasser guet gfalle. Am seven Commandos Beach hets denn de zMittag ufm Boot ghe. Da mir üs fürs Vegimenü entschiede hend, hend mir es gfüllts Lunchpaket mit feinem Esse becho. Bootscrew het für alli andere Fisch, Fleisch, Gmües & Frücht frisch zuebereitet und ahschlüssend so ufm Mittagstisch serviert. Während die andere no am zMittag gsi sind, sind mir den nomal ih das schöne Wasser ihtaucht.🐠 De letschti Punkt uf dere Tour isch es secret Lagoon gsi. Während dem ich nochli ufm Dach vom Boot ligge bliebe bin, sind dManu & dNicole richtig Strand gschwumme und hend döte wie dure Höhli zum Lagoon müesse stige. Das chline Lagoon seg mit höche Felswänd und Pflanze umghe gsi.🌱 Wos den zrugg an Hafe gange isch hends sichs vieli Passagiere ufm Bootsdach gmüetlich gmacht und hend no die letschte Sunnestrahle gnosse.🌞Read more