slums and wealth, manila.

Au wenn Manila nöd unbedingt freiwillig als Destination uf üsere Reis staht, hemmer die 1.5 Täg i de Hauptstadt müesse in Chauf neh willmer morn vo da heiwärts flüget. Die 20 Millione Mensche Stadt wird praktisch vo keine Tourischte als sehenswert empfohle und drum hend mir si eigentlich au welle umgah.🤷🏻‍♀️ Manila isch im Verglich zu de vietnamesische Städt wie bischpilswis Hanoi oder Ho Chi Minh aber harmlos.🤭 Zum eine herrscht viel weniger Chaos uf de Strasse womits viel ruhiger und weniger hektisch isch, usserdem fahrets da au Autos & nöd nur Töff. Zudem here hupet si au nöd ständig wied Vietnamese. Als öffentlichi Verkehrsmittel fahret alti, fabigi, amerikanischi Büs wo no für es ganz es cools Bild uf de Strasse sorget. 🚌 Während en grosse Teil vo dere Stadt chum über dRundi chunt, in Slums und i purer Armuet lebt, stönd nur wenigi km entfernt 50 stöckigi höchi Wulchechratzer und sgröschte Ihkaufszenter vo de Philippine oder anderscht gseit, s’5t gröschte Ihchaufszenter vo de Welt. Es Ihkaufszenter ufme 20 Hektar grossem Gländ wo über 500 verschiedeni Ihchaufsmöglichkeite und zuesätzlich no Arztpraxene, Kinos, e Isbahn & Mueseen ahbütet.
Die Gegesetz vo arm und rich sind eifach gewaltig.😣Read more