Oslo🇧🇻🏢⛵️

Hüt am Morge simer meh u minger entspannt ufgwacht. Mir hei beidi nid grad wahnsinnig super gschlafe. Mir heinis gester derzue entschlosse no einisch uf Smögen füre gah Zmörgele o somit wird das oh so gmacht. Haubi 8i uf, Hüsli putze, Schlüssu u Ghüder abgäh u füre uf Smögen. Ds Zmorge isch super gsi, genau so wi mir üs das hei vorgsteut.
Mitere guete Stimmig simer nachere churze Bislipouse sofort überder Gränze gsi, u churz drufache scho ds Oslo. Ussert dr chli rüüchere Landschaft u em gäube Mittustreiffe ufder Outobahn, gsehtme nid e grosse Ungerschied zwüsche Schwede u Norwege, aber i ha ds gfüeu ds änderetsech de no...
Ds Oslo heimer grad e Parkplatz apeilet, vo däm us simer när dürne Art Park "Bygdøy" richtig Vikingerschiffmuseum. Leider isch ds vorübergehend gschlosse gsi... dasmer aber di 30min. nid für nüt si gloffe, simer grad näbädrann i ds Norsk Folkemuseum gange. Dert hei vorauem di aute Hüsli vo Burereie vode verschidenste Regione beidruckt u am meiste no e Stabchiuche vom 13. Jahrhundert.
Ufem Rückwäg no schnäu e glace u ab i ds Outo. Leider heimer da gmerkt ds ds parkiere ender chli tüür isch... u nid nume ds parkiere, im verlouf vom Tag heimer gmerkt das da aus eher tüür isch. Aber vo mir usgseh darf das di Stadt oh... es isch aus suber, es isch architektonisch schön, u d Amtmosphärä augemein isch toll.
Am 3 heimer när im Anker Hostel ihcheckt u widerum 38Fr. müesse abdrücke für ds parkiere.
Churzi verschnuufpouse u när stürzemernis iche id Stadt, gnauer gseit zur Operehuus Oslo. Ca. e 20min. Marsch isch ds gsi, da ds Hostel rächt mitts ir Stadt isch.
D Opere widerspieglet eigentlech ds Biud vor Stadt.
Dr Abe heimer när klassisch verbrunge. Es feins znacht u nächhär es feins Dessert u när es gmüetlechs Bier. Mit denä erinnerige heimernis churz drufache wider im Hotäuzimmer gfunge u löh itz dr Abe sehrwahrschiinlech wider mit chli EM luege lah usklinge u si gspannt was dr Morge bringt. Czytaj więcej