Blokhus☀️⛈️⛱️🌊

Hüt simer öppe am 9ni uf u heinis grad zwäg gmacht für usem Huus. Mir göh ines Café ds Rødhus, wo üs d Brita empfohle het. Ds si öppe 10Min. ds fahre gsi u ds Café isch oh fasch am Strand. Mir hei es Brötli mit Gonfi, Anke u Chäs bsteut, ig es Cappucino u Ami es Orangesäftli. Läck isch ds fein gsi, gar nid gwüsst das sones eifachs Zmorge so fein cha si. Üs hei aber no zwe Zimtschnägge ahglachet, so heimer die oh no müesse probiere. Ds si de di beste Zimtschnägge gsi womer jemaus gässä hei! Hammer! Ahschliessend simer när am Strand richtig Blokhus gfahre bismer es perfekts Plätzli hei gfunge zum plegere. Dert ahcho heimer gmerkt dasmer üser Strandtüechli hei vergässä. Guet, nomau zrügg zum Hüsli u wider a Strand. När hani wöue d Badhose ahlegä u gmerkt das die oh no im Hüsli si. So dumm! Mis Hirni isch äuä oh ide Ferie. Guuueeet, dasmau gahni aber aleini nomau i ds Hüsli u wider zrugg zu mim Schätzeli. So itz wird wider badet u plegeret. Dasmu heimernis ihcremelet wi no nie. U uf aus ueche heimer no d Ussehüue vom Zäut gsteut dasmer a Schatte chöi. Isch aber herrlech gsi. Zwüschiche heimer no chli Muschle gsammlet wos ahgschwemmt het. Ganz schöni heimer gfunge. So gniesstme dr letscht tag! Mir hei bis öppe am 5i nüt angers gmacht aus das u si ersch denn wider zrugg i ds Hüsli u heinis parat gmacht fürnes letschts mau fein skandinavisch gah ds ässä. Mir si i ds Restu "Futten" es Restu wos auergatigs git. Ami nimmt Dorsch u ig es Wienerschnitzel. Mir si fasch vergibelet wüumer öppe e Stung hei gwartet u mir hei Hunger gha. Drfür isches när umso feiner gsi. Im ahschluss simer no i ds "Iscafe by the sea" gah e belgische Waffle mit Softice u Schoggisauce gah näh. Drzue hets bi mir e Mojito u bir Ami e Milchshake gäh. Mitem treiche ir Hang simer när no chli am Strand desume cruiset. Ir Zwüschezit hets ahfah gwittere u mir hei no churz chli stiu gha u am Gwitter u em Meer chli zuegluegt. När simer hei u hei zimmlech schnäu pfuuset. Da chame ja nume guet pfuuse nach some schööne letschte Tag.Leer más