Eis Highlight nachem andere

Höt Morge semer am halbi 5i uf, korz alege ond Zmörgele. Es esch bereits hell gsi ond so heimer no einisch die wonderschöni Ussicht vo eusem Bugalow us chöne gnüsse.
Am 05:10 Uhr esch s Auto glade gsi ond mer send losdüset. Ond es hätti ned schöner chöne sie, d Morgestemmig esch wonderschön gsi, Temperatur be agnehme 25° ond Tier heichsech höt sowieso vode beste Site zeigt. Am Morge heimer sogar es Nashorn gseh, nor öpe 10m vo eus weg. Det heimer scho denkt was för es Glöck aber es send no so vell schöni Moment cho. Nacheme 10ni Halt ond emne kalte Ksffi ehre Lodge semer de gwappnet gsi för die kommendi Hitz. Doch die Hitz esch schnell vergesse gsi, bemne Spontiabstecher zomne Wasserloch, heimer en Elefanteherde ond Zebras bem Bade chöne beobachte, sie send so herzig gsi ond die jonge Elefante hei rechtig zäme gspelt. Womer de witergfahre send heimer nomol e riese Elefanteherde gseh, wo d Stross öberquert hei. Mer hei denkt meh Glöck chame ned ha aber be eusem Zmettagspot womer ufne Floss abegseh hei, heimer no Nilpferd ond nome Elefante em Wasser gseh. Nacheme längere Halt, semer de witergfahre ond siehe da am Strossrand send grad no zwöi Löwine ondereme Baum glege😍, tja wie gseit besser hätte sech d Tier höt ned chöne zeige😊.
Zfrede ond met vellne schöne Idröck semer de am viertel vor 6i i eusem letzt Camp acho. Weder heimer e tolle Usblick ufe Floss gha ond s Camp esch sehr schön😊.
Bemne eifache Spaghettiesse heimer de Obe gnosse ond nach de langersehnte Duschi, semer nochli usegsesse ond hei de Obe gmüetli loh usklinge. Spot werds aber au höt ned, morn steumer nehmli weder so frpeh uf, mer hei en langi Fahrt vo 8h 30 vlr eus. Euses Ziel send Drakenbergen😃.
Also pfused guet🌟Meer informatie