8h Wanderung🥾

Höt am Morge semer am halbi 7ni uf, em verglich zode letzte Täg esch da scho Usschlofe😄. Vorem Zmorge heimer de scho alles parat gmacht, Sandwich gstriche ond gnue Wasser abgföllt för eusi langi Wanderig. Nacheme feine Zmorge, es de am 8ti losgange, zerst esches sanft abwärtsgange ond mer hei e wonderschöni Ussicht id Witi gha. Zu fescht abglenkt vode Natur, heimer de de Abzweiger vode Route verpasst, send glofe ond glofe, es chlis Tal hindere, öber Bach ond jf desere Site witer. Uf deserr Site heimer eigentli ke Weg meh gseh aber mer hei denkt ja, da esch typisch do😄. Also semer witer besmer zomne riese Plateau cho send ond det esches nor ringsherum steil abe. Also heimer mal afo en Karte ufmache ond luege ond gmerkt, dasmer 1h i die falschi Rechtig glofe send🫣. Ech ha chöne lache dröbe, mini Begelitig de Stefan ned eso🤪. Tja also semer weder alles zrög glofe, bis zo dere besagte Krüzig, wos sogar agschrebe gsi wär aber eus eifach vorher ned ufgfalle esch😄. Abwärts döre Wald es witergange ond alles s grosse Tal abwärts. Es esch e wonderschöni Wanderig ond mitlerwile, es de Ärger vom Stefan au weder verfloge gsi😉😄. Nache öpe 5h heimer de mal emne Wäldli Zmettag gnoh, mittlerwile esches scho 30° worde ond de küehli Wald hed guet do😍. Nachem Zmettag semer nomol biz gradus ond de hed Stigig agfange, wel wer abe lauft muess ja au weder ufe laufe😉. Steil esches ue ond Wärmi het eus rächt is Schwitze brocht. Ergendeinisch send Stufe so onregelmässig worde, dasmer hei mösse rechtig eus usezieh. Ond de, de send Klettersetig cho😄. Zerst heimer aber no e korzi Trinkepause gmacht ond e Banane gässe. Ond de esches losgange, Tret för Tret, zmitts dinne hets de no nor Ketti gha,wome secher hed mösse usezieh. Trotz dene bereits öpe 6h Weg, hets aber mega spass gmacht det ue. Belohnig dobe, es mega Ussicht. Nachere Pause det obe, semer begleitet womne agnehme Wind witer. Rond 2h heimer no vor eus, aber da nor no met liechter Stigig oder grad. Nach ca 2h heimer de endli eusi Onterkonft gseh. Nachem Händ ond Gsecht waäsche, semer de metem Apero usegsässe ond hei eus Usgrueht,bevors de die langersehnti Duschi geh hed. Mer send beidi so dreckig gsi, mer hei rechtig mösse schrube zom de Dreck abbecho😄. Nachere Duschi ond emne Powernap, semer de go Znachtesse, mer hei so Honger gha😃.
Nacheme gmüetleche Obe, hets de aber am halbi 10ni gheisse ab is Bett🌟😄ond gueti Regeneration.Read more