Sentinel Peak

Höt Morge semer am 06:15 Uhr uf, nachem alege ond Sandwich striche semer de uf die 10 vor 7ni go Zmörgele, höt heimer nähmli mösse pönktli am halbi 8ti parat si. Mer send de meteme 4×4 Auto a euse Startponkt vo eusere hörige Wanderig brocht worde. Ond de 4×4 hets defintiv brucht be dene "Strosse"😄.
Am Startponkt acho es de ab o d deruf gange, ue ue ond nomol ue. Mer hei denkt höt gits e gmüetlechi Wanderig, da heimer denkt bis, ja bis euse Weg de links zwische zwei Berge uezeigt hed, aso ja nacheme Weg hets ned usgseh, es esch meh eifach no Gröll det gläge😄. Also heimer eus dem agnoh ond send det uekletteret. Nach öpe 30 Min. semer dobe gsi ond d Ussicht esch so toll gsi. 3100m, so wit obe semer gsi😍. Euses Ziel heimer de bald vo obe au scho gseh ond es Wegli hed eus de abegfüehrt, zo dem Wasserfall oder ämu Ringsal😄, vell Wasser esch do nömme omegsi. D Ussicht esch aber deför omso schöner gsi😃. Det obe hets de korz mal epis z trinke geh, bevormer nochli witer ueglofe send. Det obe hets de Zmettag geh ond es chlises Nickerli. Gstärkt semer de metere chline Schlaufe, de langsam ufe Röckweg. Da mer de glich Weg hei det mösse zrögneh, semer alles weder abekletteret, was erstundli guet gange esch. De Weg nacher esch eus de sehr agnehm vorcho ond so semer au schnell donde gsi. 1h zfrüeh, semer de i Schatte gsässe ond hei Tschau Sepp gspelt. Womer de weder abgholt worde send ond bem Hüsli gsi send. Semer zerst mal weder usegsässe ond hei g Aperölet😍☀️. Nachere warme Duschi ond ehre guete Portion After Sun semer de go Znachtesse. Da mer beidi, gester aber au höt äwua, chli vell Sonneabecho hei, heimer da sehr gmerkt. Am 9ni semer beidi k.o em Bett gläge😄🌟Läs mer