Day 2 in the Addo

Ons het die hoof Addo park van bo to onder deurgery vandag, dit was heerlik!

Ons stop by ‘n hide wat nie na veel lyk nie en stap in tot waar mens na ‘n watergat kyk net om die meeste olifante te sien wat ek al by mekaar gesien het. Daar was 3 troppe olifante op een stadium by die watergat. Van groot tot piepklein olifantjies probeer hulle self vol modder spuit. Dit was ongewoon om so naby hulle te kom, sonder dat hulle weet ons is daar, mens voel baie veilig in die hide, maar ek besef as al daai Olifante besluit hulle kom vir die hide, staan ons geen kans nie.

Ons het ook een noue ontkoming gehad met ‘n Olifant wat in die pad bly loop het en ons moes omtrent ‘n km terug stoot voor hy van die pad af wou klim om ons verby te laat gaan. Isabel was oor dramaties en het vas geglo die olifant gaan ons storm en syt ‘n lindt balletjie geëet wat kamstig haar laaste een van haar lewe sou wees.

Addo is rerig ‘n oulike park!

{Roedolf}Читать далее