Banana

Mein Volunteering neigt sich dem Ende zu. Hier ein paar Eindrücke frisch von der Leber weg.

Also mir hetts sehr guet gfalle. D Arbeit isch halt eifach, Usemiste, füettere, Fuetter parat mache und putze und abwäsche und s Grundstück rund ume suber halte so guets gaht. De Kängurus ihri Chegeli ufneh, zB Glück sind das veganer und frässed nur Grass und grasähnliches Fuetter. Mit de Zit isch es denn drum au gnueg und ich freue mich uf de Fritig wo ich nach Melbourne flüge und den zerscht mal in Ayers Rock gange und den wieder zrugg nach Melbourne.  Es lachends und es weinends Aug halt. Im Outback hätts viel Wind und mir händ ja immer wieder chli müse luege wäge de Für. Das isch jetzt wieder top unter Kontrolle, dank de sexy Fürwehrmänner und Fraue.🤪🤪🤪.  Wills viel winded und troche isch hetts viel Staub, denn putz isch es weg und wieder hesch Staub,  das isch chli sisfus Arbeit halt, aber was wotsch, glaub dass hämer alli i jedem Job. Ich han glaub i dem Monet so viel putzt wie ide letschte 12 Mönet nöd. Denn was ich voll krass finde, emal da im  Outback,  wird fascht nöd receyclet, alles landet im fucking Chübel, ussert die Dose und Büchse und Behälter mit 10 Cent Depot. D Tina seit, dass werde im  Landdumping WTF  quasi verstreut. Denn chömer 2 mal ide  Wuche pick up über, also mir bechömed  nöd verkaufts Zügs zB vo Woolworth, Reste vo Äasse, alles Mögliche, Gmües, Fleisch, name it...und mir sind nur ei Station,  anderi bechömed au sonigi Donations, huge amount of Foodwaste!!! Mir verfüettereds de Tier oder ässeds sogar no sälber s Meischte chamer ja igfrüre. Tina seit, vieles wo mir gar nöd gsehnd, wird gschredered und is Meer gworfe. 😖😖😖 ich säge jetzt nöd schowieder s F -Wort. Denn mit de Tier, die Wombats wo mir da hend gältet jetzt den als ustgstorbe, sobald de Tina ihri  ufgrund vom alter sterbe werdet, wirds vo dere Sorte de Northern Hairy Wombats keini meh da ha und es wird keini me geh. Also in fact, eis Tier meh, wo de Mensch usgrottet hett. Uswildere chamer nöd irgendöpis verbüttet das, wämer es Wombat mehr als 72h in Care hett, dörf mers nüm uswildere. Es würd au kei Sinn mache, d Farmers erschüssets sowieso, sie störed oder mached zu viel kaputt. Dämlich.

Denn mit de Dingos, gliche Theater, hämer en Chline inebecho und de wird überläbe, d Muetter wahrschinli erschosse worde oder agfahre. De Dingo, chamer nüm uswildere, sie sind wämer sie hett nachher sehr menschebezoge und muss sie schnell weg geh, es sind mega cooli Tier, für mich eh wie en Hund, aber nei, sie werdet gjagd für was? D Farmer hend die nöd gern. Wie bi eus das Affetheater mit de Wölf. Debi händ de Bure e zvill rächt, wämer überall die Überproduktion gseht, hani gar kei erbarme. Ich frög mich amigs, was mir da mached, wie viel das usmacht im Grosse Ganze, aber öper muss ja öpis mache und ich wird au wieder so öpis mache, sogar wahrschinli bi de Tina, ich blibe direkt mit ihre in Kontakt,  denn gaht de Chole, wenigstens det ane wo es Sinn macht. Mis Bild vo de Mensche, isch ja scho sit längerem schitter, aber jetzt isch es nö schitterer und ich sprichs jetzt nöd us, was ich de Menscheit wünsche....😵‍💫😵‍💫😵‍💫. Aber isch chan mich nur beruhige, dass ich mir säge es isch wies isch und ich eleige chans nöd ändere, aber ich chan min Teil dezue biträge. Alles in allem isch es e mega cooli Erfahrig gsi und sicher nöd s letscht Mal, wo ich so öpis mache.Meer informatie