Beecroft Park

Hüt isch Wöschtag gsi 😆 alles id Machine rüehre und 40 oder 60 Grad wäsche kenneds nöd, sondern es git eifach eis Programm 😂 es isch mer nüt ihgange also alles bestens. Den hani mini Wösch s'ersti Mal so ufghänkt. Wenn mer en Tömbler diheime het gat das ebe viel schneller. Defür weissi jetzt was es Chlübbli uf Englisch heisst zum'd Wösch ahmache 😁

Da ich immerno kei Mehl gfunde han hani fast gezwungenermasse sone Fertigpackig Brownies möse chaufe, aber die sind na fein gsi, so richtig schoggi schoggi halt 😍😊 sie gsehnt nöd so schön us willi keis Blech gha han und eh Gratinform han müesse meh 😂

Die Wassermelone het na eh Gschicht dehinter 😅 han die scho länger her postet und möse heiträge willi keis Auto han und han nachher 2 Täg Muskelkater gha willi soviel postet han 😂 und woni dir hüt ufgschnitte han het sie eifach so plumpig usgseh 🙈 fein isch si na gsi abr han also meh en Wassermeloneshake gha 😂

Hüt hani es Auto dörfe uslehne und gfunde ich gan mal go luegge ob ih dem Outlet doch en Lade offe het 😊 aber neeiiii...😮😒 sonen richtige trurige Hundeblick, chan eifach nöd go shoppe het abr au was guets und zwar chani kei Geld usgseh, aber han halt doch id Läde inegluegget und het scho paar cooli Sache gha 😅😄

As Autofahre hani mi uf de andere Site gwöhnt, passiert mer abr immerno dasi zerst de Schiebewüscher ihstelle anstelle vom Blinker 😁
Achhh..aber vermisse de Bobbi scho (mis Auto) 😂 d'Ramona het mer es Föteli gschickt, sie isch grad am lerne Autofahre und füehrt de Bobbi us. Guet ahgschnallt isch er au also chan nüt passiere😂😂😂Read more