Zoeken resetten
Costa Rica
Satelliet

Costa Rica
Nicoya

Ontdek reisbestemming van reiziges die een reisjournaal bijhouden op FindPenguins.
Top 10 reisbestemmingen Nicoya
Alles weergeven
Reizigers in deze plaats
    • Costa Rica
      Dag 14

      Pazifik - Karibik

      2 november 2022, Costa Rica ⋅ ⛅ 26 °C

      Heute ist Reisetag von Sàmara - Aeruporto San Jose - Sarapiqui also vom Pazifik zur Karibik. Wir verabschieden Brigitte, Janine und Erik am Flughafen- Rückreise nach Deutschland, für uns geht die Reise weiter zur karibischen Seite von CR, um u.a. noch den NP Tortuguero zu besuchen, ein Schutzgebiet für Meerestiere und 🐢 ... zum Glück konnten wir die Eiablage beobachten- in der der Karibik ist diese Zeit bereits vorbei.
      Die Bevölkerung von CR hat sich seit 1980 verdoppelt, aktuell 5,1 Millionen, aber Familien haben mittlerweile nur noch 1,8 Kinder. Es gibt geduldete Emigranten aus Nicaragua - für die Kinder gilt dann auch Schulpflicht!
      Fotostopp River Tempisque an der Brücke der Freundschaft - erbaut 2003 mit Unterstützung von Taiwan- heute ruht die Beziehung - CR hatte sich aufgrund neuem Präsident Richtung China gewandt - Zukunft ?...
      Am Straßenrand verkauft man Vino de Coyol , dazu wird eine Palme gefällt und der Saft wird im Stamm fermentiert und danach abgefüllt- Färbung weißlich, schmeckt süßlich und man soll nach Genuss 3 Tage etwas davon haben 🥴 !
      Fotostopp Hafen von Puntarenas, Verschiffung Ananas, Zuckerrohr, Ankunft von asiatischen Waren Auto, Textilien... Kreuzfahrtschiffe legen auch an. Der Hafen ist mittlerweile viel zu klein. Am Wochende kommen die Einwohner von San Jose an den Strand und schlecken Churchill - mit frucht.. Churchill made up of Eiscreme, Sirup Kondensmilch, Früchten.
      Nach Ankunft am Flughafen geht es direkt nach Alajuela mit Denkmal für den Nationalheld Juan Santamaria - er einte im Bürgerkrieg 1856 die Soldaten gegen William Walker (Amerikaner) und so blieb CR unabhängig.
      Casa del Cafe kurzer Stopp an der Kaffeeplantage, kurze Zeit später frische Erdbeeren - wachsen ganzjährig.
      Unterwegs noch einen Wasserfall gesehen und am Hotel den ersten Tukan. Waren abends noch lecker essen in einem kleinen Imbiss.      Meer informatie

    • ReizigerCosta Rica
      Dag 59

      Eusi Töpfli send gli fertig!

      5 maart 2023, Costa Rica ⋅ ☁️ 33 °C

      Höt esch weder rechtig schöns Sonntigsprogramm agstande. Mer send nämli zrog uf Matambú. Das esch det wo mer letzt Woche töpfered hend. Eusi Töpfli hend ez e Woche chönne tröchne ond send parad gsi zom poliert ond dekoriert z werde. Es hed eus allne rechtig Spass gmacht ond mer freued eus wenn sie de entli brönnt send ond mer sie chönd metnäh. Wo mer alli fertig gsi send ond eusi Töpfli so guet wies god perfektioniert hend hed eus de Ezequiel no metgno zo es paar Naturpools wos ide Nöchi hed. Die send so ähnlech wie die wo au be eusere Onterkonft i de Nöchi send ond es esch rechtig schön gsi det dri z höpfe. Bevor mer eus de weder ufe Heiweg gmacht hend hed im Ezequiel sini Frau eus no erklärt wie mer Jícaras cha mache. Das send chlini Schäleli oder Becherli us so ronde 'Fröcht' wo am Baum hanged (mer aber för nüd soscht cha bruche). Es esch ned ganz eifach aber ech glaube mer kenned ez de Prozess ond vellecht probieremers dehei au mol. Gäge Obe beni no go Jogge. Das Mol hani mi för d Route de Berg doruf entschede. Es esch mega asträngend gsi aber hed guet do mol rechtig müedi Bei z ha. Ond för d Ussecht heds sech au glohnt.Meer informatie

      Zie vertaling
    • ReizigerCosta Rica
      Dag 52

      Träum wärded wohr im indigene Dorf

      26 februari 2023, Costa Rica

      Höt Morge hani nomol früeh uf müesse. Vom 5i bis am 9i hani es Meeting online met Lüt us Europa gha. För es vierstöndigs Meeting esch das scho chli früeh am Morge gsi, deför hanis am 9i de au scho döre gha ond de Tag hed chönne starte. De ursprönglech Plan höt a Strand z goh hed leider ned klapped. Mer hend keis Auto gfonde womer im ne verhältnismässige Pris hätted chönne e Tag miete. Drom hemmer chorzfrestig e Planänderig gmacht ond send stattdesse uf Matambu. Das esch s einzige Dorf vo de indigene Bevölkerig i dere Region. Sie send Teil vo de Chortega, wo ursprönglech vom Norde (Nicaragua) chömed. Mer send am 10i be eus dehei abgholt worde ond rechtig Hojancha ond de uf desi Siite usem Dorf rechtig Matambu gfahre. Det acho semmer vom Ezequiel i Empfang gno worde. Er hed eus höt zeigt wie mer die traditionelle Vase vo ehne töpfered. Ech ha mi onglaublech uf das gfreut wel töpfere hani scho lang einisch welle. Bevors aber los gange esch semmer alli zäme a Tesch ghocked ond hend eus e chli kenne glehrt. Dezue hemmer es traditionnells Getränk tronke: Gmahlne Mais wo met Kakao, Zimt, Zucker ond Milch gchoched werde. Es esch sehr deckflössig, sehr mastig aber au sehr guet gsi. Ond tronke hemmers us chline Holzschäleli wo us de 'Fröcht' vom ne Baum gmacht send wos au be eus i de Unterkonft vell hed. Wo mer ustronke hend eschs au scho los gange. Eine nochem andere hemmer döffe ad Töpferschibe hocke ond (met meh oder weniger Hilf vom Ezequiel) eusi eiget Vase töpfere. Ech ha mi zemli müesse konzentriere aber es hed mega vell Spass gmacht ond ech ha s Gfühl es esch ned s letzt Mol gsi woni öpis töpfered ha. Im Aschloss hemmer no recht vell gredt. Er hed eus sogar e chli vo de Konflikt verzellt wos ged zwösche de indigene Bevolkerig ond em Rest. Aber ergendwenn hani de doch gmerkt dasi scho recht lang wach bi ond langsam nömme mag uf spanisch zuelose... Vorem Heigoh hed er eus no sis chline Gasthüsli zeigt woner baut hed. Es esch es chlises Holzhüsli metere einzigartige Sicht id Natur ond es wörd sech secher guet lo schlofe det! Weder dehei acho hemmer eus direkt öpis Zmittag gmacht, mer send nämli de doch relativ lang onterwegs gsi. De Rest vom Tag esch relativ ruhig vergange ond jetzt beni au müed för is Bett.Meer informatie

      Zie vertaling
    • ReizigerCosta Rica
      Dag 43

      Mer lehred Hojancha kenne

      17 februari 2023, Costa Rica ⋅ 🌬 32 °C

      Euse ersti rechtig Tag z Hojancha esch rechtig voll packt gsi. Am halbi 7i am Morge hemmer eus alli troffe för en Spaziergang dor d Waldweg vo El Toledo. Öpe 300 Meter d Stross dorab heds e chline Wald wo schön zwäg gmachti Weg hed ond das alles ghört au zo El Toledo (wie det wo mer schlofed). Was speziell spannend gsi esch esch das mer hend chönne gseh wie alte ond neue Rägewald usgsehd. Costa Rica hed Metti 20. Johrhondert e riiesigi Abforstig gha ond hend denn aber öber die letzte paar Johrzähnt rechtig vell weder ufgforstet. Uf dem Weg wo mer gloffe send hed mer links gseh wie de Wald usgsed wo nie abgholzt worde esch ond rechts wie dä usgsehd wo relativ chörzlech weder ufgforstet worde esch. Aber ned nor das sondern au d Natur im Allgemeine esch rechtig beidrockend gsi. Die riesige Bäum, die velle Vögel, Liane, ond ond ond. Am Waldrand heds au no e Garte wo au zo El Toledo dezue ghört. Det wachsed Tomätli, Salot, Basilikum, Aubergine, Chilis ond wahrschindli no vell meh woni scho weder vergesse ha. Nochem Waldspaziergang hemmer Zmorge gno. Die erste zwöi Täg werd för eus gchoched wel mer relativ vell Programm hend. Natürlech heds ganz vell Costa Ricanischs Esse gäh (Riis ond Bohne, Platanos, Eier, ...). Gstärcht semmer denn Rechtig Dorf gfahre. Det hemmer e Termin im 'Oficina de la Mujer' gha. Das esch es Büro vom Kanton wo sech met Fraue beschäftig ond sie onterstötzt be erne Projekt (selbständig z werde etc.). Es esch rechtig spannend gsi z ghöre was sie alles möched, vor allem au was sie alles möched met de wenige Mittel wo sie zor Verfüegig hend. Im Aschloss semmer wiiter zo de Kaffikooperative vo Hojancha, Coopepilangosta. Det hed eus de Pablo e Tour gäh, er schafft det nämli. D Tour esch ähnlech gsi wie de letzt wo mer scho gmacht hend, aber es hed trotzdem gholfe alles chli besser z verstoh. Ond am schloss hemmer no es Kaffi-Tasting gmacht. Mer hend 3 verschednigi Sorte chönne degustiere ond müesse errote wele wele esch. De eint esch e ganz e spezielle gsi wo nochere gheime Art fermentiert werd. Er heisst Matambú, wie s indigene Volk wo in Hojancha wohnt. Vo dem werdi denn secher au es Päckli hei näh! Denoch esch au scho Ziit förs Zmittag gsi. För eus esch weder gchoched worde ond mer hend nor müesse he hocke. Am Nomittag semmer de no e chlini Farm go aluege wo e Frau Bio-Gmües ond Pilz abaut. Vor allem Pilz send do öpis ganz speziells ond werded eigentli chum gässe. Alles in allem esches e sehr spannende Tag gsi, aber au e sehr länge ond mer send froh gsi wo mer de endli is Bett hend chönne.Meer informatie

      Zie vertaling
    • ReizigerCosta Rica
      Dag 64

      Happy Internationale Frauetag

      10 maart 2023, Costa Rica

      Vo gester geds ned so vell spannends z verzelle aber mer hend zom erste Mol es Video vo eusne Pull-ups gmacht. D Marie, d Isabel ond ech möched jede Tag Pull-ups metem Ziel dass mer ergendwenn e ganze chönd. Mer bruched definitiv emmer no das Band, aber mer schaffed scho vell meh als am Afang :).
      Au de hötig Tag esch zom Thema starchi Fraue gsi. Wel am Mittwoch de internationali Frauetag gsi esch heds höt im Dorf e spezielle Frauemärt gä. Eigentli esch do jede Fritig Märt, aber höt hend nor Fraue ehri Produkt verkauft ond zwöschedenne heds Vorläsige, Podiumsdiskussione, es Bingo ond am Obe e Tanz gäh. Mer send nor för die erst Hälfti det gsi, aber es esch rechtig inspirierend gsi wie sech die Fraue det gägesiitig onterstötzed. För es paar vo eus esches au e perfekti Glägeheit gsi zom Interview Kontakt z sammle. Zom Zmittag semmer ines chlises Restaurant ide Stadt wo ech no nie gsi be ond am Nomittag hemmer imne Kaffi chli gschaffed.      Meer informatie

      Zie vertaling
    • ReizigerCosta Rica
      1
      Dag 57

      Onufregend gmüetlech

      3 maart 2023, Costa Rica ⋅ ⛅ 32 °C

      Chorz ond knapp höt: De Tag dor hemmer alli gschaffed aber wo d Sonne langsam abe gange esch ben ech zom erste Mol met de Isabel go jogge. Ned emol z Schwede semmer einisch zäme gsi. Mer send zwor met füürrote Chöpf zrog cho, aber es hed Spass gmacht. Zom Znacht hemmer es Linse Daal nochem Rezept vom Saad sim Mami gchochet ond nocher hemmer eus id Schaukelstüel, beziehigswiis d Hängematte gsetzt ond hend e gmüetleche Film gluegt.Meer informatie

      Zie vertaling
    • ReizigerCosta Rica
      Dag 56

      E Tag voller Snacks

      2 maart 2023, Costa Rica ⋅ ☀️ 32 °C

      Höt esch mol weder vell los gsi in El Toledo. De Emel, ehm wos ghört hed e Klassezämekonft gha. Drom hemmer de Gmeinschaftsbereich ond d Chochi höt nor begränzt chönne bruche ond hend zom gröste Teil weder us eusem Zimmer gschaffed. Ech ha e Stuel as Fenster gstellt ond vo det us gschaffet. Debi hani au laufend chöne d Leguan ond anderi Echsli beobachte wo dosse uf de Stei omegspaziert send. Öbere Mittag hend es paar vo eus gnueg vo de Hitz gha ond mer send eus chorz i de natürleche Pools go abchüele. Bim ne Versuech zom go es Kaffi hole beni am Nomi i de Chochi stecke blobe ond ha de Ivania gholfe Chäs-Sticks z mache. Die hed sie för eus ganz am Afang scho einisch gmacht ond mer hend sie alli mega fein gfonde. Drom hani die Chance gnötzt ond glehrt wie mer sie macht. Eigentli ganz eifach, nor Chäs riibe, met Maismehl, Wasser ond Salz mesche, de rogele ond im Öl abrötle. Die wärded meistens zom Kaffi gässe. Chli speziell wel mer jo eher öpis Süesses wörded näh aber ech be trotzdem e Fan. Ond es hed sech au glohnt i de Chochi gholfe z ha. E chli spöter hed mer d Ivania nämli no es anders Dessert brocht wo sie gmacht hed: En Art e frittierti Tortilla met Sirup drof. Fein, aber noch Reste Pizza zom Zmittag, de Chäs-Sticks ond dem Dessert bruchi zom Znacht de glaubs es Rüebli ;).Meer informatie

      Zie vertaling
    • ReizigerCosta Rica
      Dag 67

      De Himmel lod Flöss lo rägne

      13 maart 2023, Costa Rica ⋅ 🌧 28 °C

      Das bezli Räge wo mer gester erläbt hend esch nüd im Verglich zo dem wo mer höt öbercho hend. De Morge esch relativ ruhig los gange. Ome Mittag ome heds de aber rechtig afo rägne. Ime riise Sprint hani mini Wösch woni am Morge gwäsche ha müesse ine näh, zom Glöck hani chli Hilf öbercho. Ech glaub ech ha no nie so vell räge gseh. Öber ne Stond heds so rechtig abe glärt. De Gmeinschaftsbereich heds komplett gflueted ond d Tesch hemmer ganz id Metti müesse schiebe dass d Laptops ned nass werded. Rede hemmer praktisch nömme chönne wells so luut gsi esch. Met de Ziit hemmer de au gmerkt, dass eusi Zimmer Deli ned decht esch. I de Metti vom Ruum heds afo abe tropfe. Zom Glöck esches aber ide Metti gsi, so send immerhin alli eusi Bett troche blobe. Ergendwie esch das e ganz e spezielle Tag gsi. E chli heds sech abentürlech agfühlt well das eigentli ned hät selle passiere, e chli beni au beidrockt gsi wie vell Wasser do usem Himmel cha cho ond e chli heds mi au truurig gmacht wels dä Räge ez nor wegem Klimawandel ged... Am Obe heds denn au no e Stromusfall gäh. För es paar Sekunde esch das scho es paar Mol vorcho aber dasmol eschs chli länger gange biser zrog cho esch. Mer send grad am choche gsi aber zom Glöck hemmer e Gasherd, de heds doch no öpis Znacht gäh.Meer informatie

      Zie vertaling
    • ReizigerCosta Rica
      Dag 60

      Gfühlt wie z Schwede

      6 maart 2023, Costa Rica ⋅ ☁️ 32 °C

      S Highlight vom hötige Tag esch definitiv gsi das d Isabel ond ech e grossi Portion Zimtschnägge bached hend. Vorbereitet hemmer sie scho gester Obe, aber es esch de z spot worde zom sie alli no bache (vorallem wel euse Bachofe seeehr schlecht esch ond emmer nor eis Bläch ine mag). Ech ha sie höt Morge i Ofe do ond zom Vormittagskaffi hemmer alli die erst chönne probiere. E chli hemmer eus weder wie z Schwede gfühlt. Mer send eus alli einig, sehr lang wärdeds die Zimtschnägge ned öberläbe ;). Vo höt hani au mol Föteli vo de Hönd wo eus emmer chömed go bueche. Mer gsänd sie eigentli fast jede Tag ond sie verlanged sehr klar, dass sie chli gstreichled mönd werde. Höt sends aber au chli fräch onterwegs gsi ond hend im Philip sine Socke gklaut (dä esch aber au scho lang omegläge). Das chond devo wenn mer sini Sache ned wegrumt...Meer informatie

      Zie vertaling
    • ReizigerCosta Rica
      Dag 51

      El Toledo erwacht zom Läbe

      25 februari 2023, Costa Rica ⋅ ☀️ 33 °C

      Die letzte zwöi Täg esch grad e chli vell Läbe ufcho in El Toledo. Es esch nämli en Imkerkonferenz do. Gester gäge Obe send die erste acho. De Tag dor hemmer alli vo do us gschaffed ond hend eus drom gfreut wos gheisse hed dass mer met ehne chönd zom Ussechtsponkt fahre. Es esch de glich Ussechtsponkt gsi wo mer au am erste Tag do scho gsi send ond mer send weder före Sonnenontergang gange. Ond natürlech esches au das Mol weder so schön gsi. Nochem Sonnenontergang semmer de sogar vo ehne no zom Znacht iiglade worde. Mer send alli zäme is Dorf gfahre ond det, noch de Meinig vom Pablo, is einzige rechtig guete Restaurant gange. S Esse esch super gsi (traditionnell Costa Ricanisch) ond es esch spannend gsi met dene Imker öber ere Bruef ond öber Costa Rica z rede. Tronke hemmer öbrigens e Drachefruchtsaft. Ech bi ned ganz secher öbi scho mol Drachefrocht gha ha aber de Gschmack esch secher fein gsi. D Konsistenz hingege hani ned soo de Hit gfonde. Es esch rechtig deckflössig ond so chli gomig schleimig gsi.. Naja ;). Aber es hed sech secher gloht das einisch z probiere.
      Höt Morge hani am 5i müesse ufstoh weli es Meeting gha ha. Ech mache am ne Nochhaltigkeitsprogram met met Lüt vo de ganze Welt, drom esches mängisch chli schwer e Termin z gfende ond i Zuekonft werds wahrschindli no es Paar mol vorcho dasi so gli mues uufstoh.. Währedem Meeting esch de au de eigentlech Teil vo de Konferenz vo de Imker los gange. Uf die eint Art esches schön gsi dass e chli Läbe ufcho esch do, wel es esch scho langsam chli sehr ruhig gsi, aber uf die ander Art esches au chli doof gsi wel mer de ganz Gmeinschaftsbereich ned hend chönne bruche. Mer hend versuecht usem Bett e chli produktiv z sii, aber so vell esch höt de au ned passiert.. Aber ab ond zue e so e Tag esch jo au ned schlemm.      Meer informatie

      Zie vertaling

    U kunt deze plaats misschien wel onder de volgende namen::

    Nicoya

    Doe mee met ons:

    FindPenguins voor iOSFindPenguins voor Android

    • 2024© FindPenguins
    • Home
    • Over ons
    • Blog
    • Groepstracking
    • Pers
    • Voorwaarden
    • Privacy & Cookies
    • Ondersteuning
    • Afdruk
    • Nederlands