Gorges du Dadès

Vo Genf sind mir nach Casablanca gfloge und vo döte mitne chline Propellerflugzüg über s‘Atlasgebirge nach Ouarzazate. Eh chlini Stadt ih de Usläufer vo de Sahara Wüesti umgeh vom Altas-& em Antik Gebirge.

Nachere sehr erholsame Nacht imne wunderschöne Riad simmer am nögschte Tag goh d’Stadt aluege. Ais Hus schöner als s’andere, in Stiil vo 1001 Nacht 😍 Supper troche, sandig & staubig ishes xi und mit de Sunne schön warm worde. Mir sind es Ksar, so wärded alti Sultan Paläst gnennt, go aluege. Vo döt us hemmer eh wunderschööni Ussicht bis is hohe verschneite Gebirge vom Atlas gha. Wiiter ishes richtig Rosental gange wommer es alts Kasba sind go aluege. Eh alts Huus us Lehm. Im undere Stock hend döt amel Tier gwohnt, ih de. mitti hets es Bad gha zum Biespiel nur fürd Fraue, zoberst Vorrotskammer und Kuchi. Ihde Kuchi hets viel alti Grät und Utensilie gha zum Couscous, Butter oder Thajin zueberaite.

Wiiter ish d‘Fahrt nach Rosental gange, viel Mandel, Pfirsich und Olivebäum hemmer xeh. Im Früehlig blüet do 1000igi vo Rose. Und die schönsti Frau vo Marokko wird do gwählt, währendeme Rosefestival.

Übernachtet hemmer wieder imne wunderschöne Riad. Gastfründschaft do ish de wahnsinn, nöd verglichbar mit Südamerika. d‘Lüt sind seehr fründlich & lieb und d‘Unterkünft bis ezd wunderschön & suber. 😍

Am Abig hend nacheme wunderbare Znacht ihaimische Musik gmacht & alli vo eusere Gruppe hend dezue mehr oder weniger talentier tanzed, de Brahim euse Reiseleiter het eus zeigt wie mer do tanzed, sehr amüsant xi 😊

Die maischte us eusere Gruppe sind nochli verkelted oder hend de Hueste. So ish de Reto uf die gloorrichi Idee cho en Whisky kaufe wo den ih eusem Reisebus als Medizin umegange ish. So sind die Bakterie und Vire alli shön ustüschled worde 😂En savoir plus