Nulstil søgning
Europatour
  • Pföschtäontour
jun. – okt. 2021

Europatour

Eigentlich wäremer ez grad in Alaska oder Kanada… eigentlich… Aber d Situation machts leider nöd möglich. Mer möched aber glich sbeschtä druus!
Hallo Europa ✋🏽 Læs mere
+8
FølgOversigtKalenderDelDelTræskoliste
Nyeste først
  • PföschtäontourEuropatourRejsende

    Unterwägs nach Stockholm

    18. august 2021, Sverige ⋅ 🌧 14 °C

    Und da isch er, eusi nöchsti Footprint.
    Ja wieso isch das so lang gange?! Will schlichtwäg nöd viel gloffe isch. Sit mer in Levi abgfahre sind, ischs wätter immer schlächter worde und irggendeinisch hetts denn nur no gräggnet (innerhalb vo 24h so viel wie die lteschte 2 Mönet in Schwede). Drum hend mir eus denn au rächt schnäll entschiede so wiit abe zfahre wie möglich.
    So hemmer denn au schnäll a höchi verlore und sind scho glii in Stockholm glandet 😉

    Unterwegs hemmer aber glich no chli was gseh und gmacht.
    Mer hend zum bsp. no en chline abstächer nach Rovaniemi gmacht. Det wohnt offiziell de Santaclaus 🎅 und er het dete au sies Post Büro.
    Jaaa es isch en Witz gsi das Dorf im Summer go zbsueche und hett sich überhaupt nöd glohnt. Aber heiii mer sind dete gsi😂

    Aber ez würkli ab uf Schwede und natütlich hetts a de grenze grad no e Ikea gha - so das mer dete doch no go hotdog 🌭 hole sind 🤤

    Underwegs hemmer eus no Gammelstads ahgluegt. Früehner hetts noni so viel Chile gha und will für vieli d Ahfahrt rächt lang und umständlich gsi isch, hät mer um d chile chlini Hüsli baut so das mer sich het chöne vo de ahreis erhole. Die meiste Hüsli vo de Gammelstads sind hüt no im Familiebsitz. Drine durhaft wohne isch aber verbote.

    Gschlafe hemmer meistens irgendwo ussert einisch, da hemmer wiedermal en Hafestellplatz gfunde. Mer sind eigentlich immer no am meiste Fan vo denä (nebst de traumhafte Naturplätzli natürlich) 🤗

    Ah und in Uppsalla simmer au no churz gsi und hend feini Mezze gässe 🤤

    (Föteli: Santaclaus Village, Hotog, Es glesli Wii uf eusem Übernachtugsplatz, Gammelstads, Hafestellplatz, Znacht in Uppsalla & rääääggge)

    Memo a ois:
    - Wänns scho in Norwege nöd rägnet, dänn halt in Schwede    Læs mere

    Se oversættelse
  • PföschtäontourEuropatourRejsende
    1

    Stockholm

    21. august 2021, Sverige ⋅ ☀️ 17 °C

    Und da simmer, in Stockholm, dä Hauptstadt vo Schwede.

    Stockholm isch e mächtigi Stadt, sie umfasst 14 Insle und die sind mit meh als 50 Brugge mitenand verbunde, so das mer bi de Besichtigung vo de Stadt uf d ÖV ahgwiese isch.

    S ihdrücklichste für eus isch s Vasa Museum gsi (D Stadt sälber isch würkli au wunderschön, aber ebe fasch zu verzettled)

    Im Vasa Museum isch d Hauptattraktion d Vasa sälber😄. Es 400 jährigs Kriegsschiff, s gröschte zu sinere Ziit, wo bi sinere Jungferefsahrt nach bereits 1300 Meter gsunke und den über 330Jahr ufem Meeresgrund vor Stockholm gläge isch. Bevor mer sie usgloffe isch, hetmer na en Test gmacht und 30 Lüüt vo Backbord nach Steuerbord renne lah. De Versuech hetmer den abbroche, will s Schiff fast kenntert isch. Naja usgloffe isch mer den trotzdem, het ja viel Geld kostet das Schiff, und obwohls kei Wind gha het isches nach 1300m fahrt gsunke. Nachher isches über 330 Jahr ufem Meeresgrund gläge bevor mers 1956 entdeckt het und den im Jahr 1961 erfolgrich borge het. Nachdem mers wieder zämebastlet het isches 17 Jahr mit irgendeme chemische Zeugs ihspreit zum s Wasser usem holz löse und s Wasser quasi mit dem chemische Zeugs z ersetze.


    Au simmer no s Rathus vo Stockholm go bsueche. De einti Ruum isch komplett mit goldigem Mosaik bestückt. Die Frau wo d Füehrig mit eus gmacht het, het eus no verzellt das es sehr beliebt segi i dem Rathus z hürate. Jede Samstig findet da im 5-10Minute Tackt trauige statt und es segi sehr luschtig vor em Rathus das ahzluege - da mir am Samstig eh no bizli ziit gha hend bevor eusi Fähri abfahrt hemmer eus das Specktackel ahgluegt. Und ja es isch würkli luschtig gsi und doch isch es sehr ruhig zue und her gange.

    Am Fritig abig, hemmer eus no under d Partybevölkerig g mischt und eus wiedermal ein zwei Drinks gönnt 😄🍻

    Jetzt heissts aber für eus Tschüss Norde, es isch sehr schön gsi! Mer chömed wieder mal 🤗 und Hallo Oste. Ab uf d Fähri nach Estland.

    (Fotis: Stockholm, Vasa, Rathus, Usgang, tschüss Norde, ändlich Bruchemer mal euses liecht am Abig im Büssli😅)

    Memo a ois:
    - en MC oder da ebe MAX muss au da in Stockholm nach em Usgang sii    Læs mere

    Se oversættelse
  • PföschtäontourEuropatourRejsende

    Tallinn Estonia

    22. august 2021, Estland ⋅ ⛅ 15 °C

    Byebye Skandinavie, hello Baltikum

    Mit de Baltic Queen gahts, inkl. Blöterliwii früehstück, i knapp 16 Stund vo Stockholm uf Tallinn (eusi erschti Chürzfahrt quasi).
    S erschtmal richtig gfreut in Estland het sich de Michi scho nach wenige Minute, Diesel 1.22 geilooo, grad mal volltanke de Chlapf. Nachdem mers trotz komische verkehrsfüehrige irgendwie doch na zu eusem Hotel gschafft hend, simmer au scho bald go d Stadt erkunde.
    Zerscht simmer inen Teil vo de Stadtmuure bzw. Stadtfäschtig vo Talliin. Dert chamer unter anderem i zum Teil über 300 Jahr alte Tunnelsystem umelaufe und gseht, wie das Tunnelsystem vom 17 Jahrhundert bis churz nachem zweite Weltkrieg verwendet worde isch. Mir hend döt au na en versteckte van Gogh gfunde, kei Ahnig eb de Vincent au mal i dene Gäng umegeisteret isch 🤷‍♂️

    Denn ab id Altstadt (Unesco Weltkulturerb) womer beide zimli gflasht gsii sind. Überall sind na reschtä vode Fäschtig ume, die werdet au hüt na gnutzt und sind dementsprechend sehr guet erhalte. Die ganz Altstad isch aber au sehr guet pflegt, irgendwie hesch überall chönne durelaufe und es isch eifach immer nur schön gsii. Fascht biz wie in Italie, es het gfühlt au genau soviel Souvenirshops gha.

    D Altstadt, d Neustadt und de „Hippster-Stadtteil“ (alles volle Grafiti und so 50% pflegt und 50% verfalle“) sind au relativ guet z fuess erreichbar.

    Es het au na es cools Maritimmuseumm. Vo Eissegleschiff (wo über 100km/h schnell werdet) über Uboot und Flugabwehr, het mer dert alles chönne ahluege.

    Erwähne mömer natürli au na euses romantische Znacht (s T-Shirt vo de Ines eifach ignoriere). Entli wieder mal richtig geils Fleisch 😍 und das fascht no gratis 😅.

    Memo a ois:
    - Ziitumstellit beachte (den het d Ines am Morge früeh uf de Fahre nöd scho en halbe Herzinfarkt 😄)

    Fotis
    - Uslaufe Stockholm / blöterli zmorge
    - Fäschtig
    - Altstadt (hetet na viel meh fotis)
    - Maritimmuseum
    - Znacht (Iberico Schwein und Filet)    Læs mere

    Se oversættelse
  • PföschtäontourEuropatourRejsende

    Underwägs in Estland

    24. august 2021, Estland ⋅ ☁️ 12 °C

    Nachdem mer eus ade Altstadt satt gluegt händ simmer ächt gspannt gsi wies im Estland susch no usgseht.

    Als erschts hemmer grad mal de höchsti Wasserfall (und gemäss de Este au eine vo de schönstä in Europa 🧐) wos git go besichtige. Mer sind au da wieder chli skeptisch gsi, will mer binere Touritour wo a eus verbii gloffe isch ufgschnappt händ, das mer soebe de höchsti Punkt vo Estland erreicht hegi (de ihgang vonere Burg i de Altstadt 😅)
    Jaaaa okey, so würkli höch isch er nöd gsi und viel Wasser het er au nöd gfüehrt. Aber mer hend eus doch chöne vorstelle, das er rächt imposant chönnt werdä wenns mal chli länger rägnet.
    Apropos Räge… was mer in Norwege nöd gha hend hemmer irgendwie susch überall.
    Es rägnet wieder mal in ströme und besserig isch noni in ussicht.

    Egal mer sind trotzdem wiiter zoge. Als nöchsts hemmer wellä e Wanderig dur eine vo de viele Nationalpärk mache. Moorwanderig seg ein MUSS und öbbe s einzige wo mer in Estland cha mache😅

    So hemmer eus denn für ein Nationalpark entschiede (eine wo mer chan Bade, de Michi het gmeint er welli nämmli no drii🤔) und sind am Abig au no lostrottlet. Bi sonete Moorwanderig lauft mer eigentlich eimal uf so Holzsteg ums ganze Gebiet und uf de hälfti vom wäg hetts denn au no en Ussichtsturm.
    Chuez nach dem mer lostrottlet sind isch au scho de erschti Badeteich ersichtlich gsi. D Ines het denn nur so gmeint, aso wennd da ine gasch chunsch 100.- über. Gesagt getan 🤦🏽‍♀️ langsam sött sie doch ihre Fründ känne und wüsse das er das ohni zögere macht. Jeglichi Film und Foti Material gits nöd dezue, mer hend ja au nüt zum Bade debii gha 🤪
    Ja und dänn no zum Ussichtsturm… Leider isch de vome Jugendverein bsetzt gsi, so das mer nöd ue händ chönä 😔
    Drum hend mir eus eifach bim nöchste Nationalpark es Übernachtigsplätzli gsuecht und sind am morge druf eifach nomal e chlini Wanderig go mache.

    Ja und susch isch Estland überhaupt nöd so wie mirs eus vorgstellt hend. Die wenige Wohnsiedlige wos hät sind ime „guete“ zuestand und d Strasse gönd langwilig immer gradus dur Waldgebiet. Irgendwie vermissemer langsam d Bärge chli 😅    Læs mere

    Se oversættelse
  • PföschtäontourEuropatourRejsende

    Riga

    26. august 2021, Letland ⋅ 🌧 12 °C

    Ja jetzt simmer ah cho… was für zwei unterschiedlichi läbensstiel zwüschet Estland & Lettland und zwüsched de Hauptstädt Tallin & Riga. Während Tallin no rächt en Finnische touch het, segs i de Sprach oder eifach im ganze ufträte isch mer in Riga definitiv im Baltikum ah cho.

    Begrüesst worde simmer uf de 80er Strecki gad mal dur en sturzbetrunkene Spaziergänger zmitzt uf de Strass.
    Es isch denn au leider so wiiter gange, immer wieder sind der in Riga Schnappsnase entgäge glofe… obwohl eigentlich uf öffentlichem Ruum Alkohol trinke verbote isch.

    Au da in Riga hämmer eus wäg em Wätter wieder es Hotelzimmer „gönnt“ ( S 4* Parkhotel isch günstiger als die einte Camping in Norwege gsii).
    So simmer z Fuess chli dur d Stadt gschlenderet. Viel z gseh hetts nöd geh, usserhalb de Altstadt hets entsprechend viel alti, halb zerfallendi Gebäude gha, i de Altstadt defür wieder guet erhaltni alti Gebäude. Aber gege Tallinn het Riga kei Chance. Am Schluss sind mer denn no ine typisch alti Markthalle wo mer alles het chöne poste.

    Das wärs aber au scho wieder gsi für eus in
    Lettland. Jetzt gahts wiiter uf Litaue 😄
    Mer sind gspannt…

    (Fotis: vieli farbigi Gebäude☺️, Markthalle)

    Memo a ois:
    - keis Wunder sind da alli schnappsliechene wenn de Alkohol günstiger isch als s Wasser
    - die schönste Gebäude sind immer d Bibliothekä    Læs mere

    Se oversættelse
  • PföschtäontourEuropatourRejsende

    Litauen

    27. august 2021, Litauen ⋅ ⛅ 15 °C

    Vo Riga isches in richtig Kurische Nehrung gange, vlt. henders scho errate, es UNESCO Weltkulturerb ;).
    Unterwegs hemmer na en en Abstecher zum Berg der Kreuze gmacht. Wer oder warum mer ahfgange het dert Chrüz ufstelle weiss mer nöd, hüt giltets uf jedefall als Wahlfartsort. Es stönd oder hanged aber über 100‘000 Chrüz dert irgendwie biz crazy das ganze. E Studentegruppe het mal alli welle zelle aber nachere Wuche hends ufgeh…
    Mir hend eus entschiede kei wiiteri Chrüz ufzstelle und sind den in richtig Kuhrische Nehrung wiiter. S Wetter isch so lala gsii aber am Abig isch den d Sunne na cho und es het en Sunneuntergang am Strand inkl. en Sprung is Meer geh 😍

    D Insle selber het unglaublich langi Sandstränd (macht au Sinn wenn die ganz Insle oberflächlich nur us Sand bestaht). Nach de Wanderig uf eini vo de höchste Sanddüne simmer no go s Städtli Nida bsueche. De ruusisch huuch isch au da bemerkbar und d Hüsli sind die meiste mega hübsch aber für es Feriedorf nöd ganz sooo pflegt.
    Dank de Russe bzw. em Oblast Kaliningrad derfed mer die nächste Täg ca. 9h statt 3.5h aufofahre. Obwohl vlt. simmer sogar schneller weder wemer dur die russische Grenzkontrolle müessted 🤷‍♂️

    Fotis
    - Chrüzhügel
    - Camping
    - Sunneuntergang mit Bade
    - Typischs Hüsli in Nida    Læs mere

    Se oversættelse
  • PföschtäontourEuropatourRejsende

    Masurische Seeplatten

    29. august 2021, Polen ⋅ ☁️ 16 °C

    Wie scho im letschte Bricht erwähnt isch für eusäs nöchste Ziel viel Autofahre ahgseit gsii.
    Obwohls ja eigentlich gar nöd wiit ewäg gsi wäri…🙈
    Da mir ja zuedem eh no viel langsamer mit em Karl am umetöterle sind und so grad nomal länger händ wie Google das immer vorus seit, hämmer eus es Zwüscheziel usegsuecht wo mer au wieder mal aktiv cha sie.
    So simmer uf die Masurische Seeplatte gstosse, e Seelandschaft in Polen.
    De Michi het eus no en Kajak verleih usegsuecht und google het eus denn quasi in Vorgarte vome private Hof gfüehrt. Churz simmer verunsicheret gsi öb mer da au würkli richtig sind, will kei Menscheseeli umegsi isch, doch plötzlich isch en junge Purscht vo irgendwo her cho und het eus ihgfüehrt. Sprich Kajak anegleit und gseit wo de ihstig isch. Er sälber isch denn gad wieder loszoge, will er Gescht het müsse am Ziel go hole.
    Die ganzi Tour gaht zwüsche 2-4 Stund Fluss abwerts und de Fluss isch meh es Bächli, also easy… hämmer gmeint…!
    Rächt schnäll hemmer tschägget das es doch nöd so eifach. Überall hetts immer wieder Bäumstämm im Wassergha wod häsch müesse umfahre und teilwiis doch au recht zug gha.
    Die erschte Baumstämm hemmer drum au mitgno und teils sogar schmärzhaft🙈
    Irgendwie hemmer eus denn aber meh oder weniger guet de Flussabwärts chöne manövriere und sind dunde denn vom Vater wieder abgholt worde.
    Es isch würkli e kuuli abwechslig gsi und mer hend sogar Glück gha und chlini trocheperiode verwütscht💪🏽

    Nachdem eus de Polnisch Vater äntlich gah lah het (er het eus bombadiert mit frage und immer gseit nur no ei frag 😅) simmer wiiter gfahre zum d Marienburg no go besichtige. D Marieburg gilt als s gröschte Werk vo de Backsteingotik… es isch und blibt mit Abstand die schnällsti Besichtigung wo mer uf dere Reis gmacht händ😂 es het wiedermal in ströme grägnet und isch chalt gsi und mer hend überhaupt kei luscht gha. Au das muss mer sich chöne zuegestah. Aber immerhin hetts no für es Selfie glanget 😄

    Zrugg im Büssli hemmer eus es Polnischs Restaurant gseucht und sind dete die mit Abstand besti Zurek Supper go ässe!!

    Gschlafe hemmer wieder mal irgendwo Mueterseeleallri bimene usrangierte Hafe :)

    (Fotis: Kajake, Marienburg, Zurek, Stellplatz)

    Memo a ois:
    - öb mer im Kajake au so es dreamteam sind wie susch… da drüber laht sich stritä
    - niemeh Zurek ässe, es wird nöd bessär!    Læs mere

    Se oversættelse
  • PföschtäontourEuropatourRejsende

    Danzig

    30. august 2021, Polen ⋅ 🌧 17 °C

    No am morge uf em Stellplatz hemmer eus churz d Frag gstellt werum mir eigentlich de Umweg gfahre sind und wär eigentlich vo eus uf Danzig cho isch und öb sichs bi dem Räge au würkli lohnt no die letscht Stund in Ahgriff z näh.
    Aber mer hend eus rächt schnäll defür entschiede. Was sind scho 2Stund umwäg 😅
    De schuldig hemmer au recht schnäll gfunde (keine vo beid, falls de Schuldig das gad liest, Danke 😉)
    Defür ischs au würkli nur e churzi Stadtbesichtigung worde. Aber sie het sich glohnt! U schöni gmüetlichi Gässli mit ganz viele Restaurant. Ja und wänn mer no weiss, dass Danzig eigentlich au no wunderschöni Sandstränd hät, denn ischs e Reis da ane definitiv wärt.
    Damit mer vor eusärä lange wiiterfahrt doch no chli Sport gmacht händ simmer no uf en Chileturm ue gloffe. E wändelträppe mit ca. 450 Stufene, es isch eus nur es bizli trümmlig worde 😅

    (Fotis: Danzig)    Læs mere

    Se oversættelse
  • PföschtäontourEuropatourRejsende
    1

    Krakau

    31. august 2021, Polen ⋅ 🌧 14 °C

    Vo Danzig isches direkt fascht bis uf Krakau gange. Während dene 6h Fahrziit hets glaub nöd einisch ufghört regne und für Krakau und umgäbig hends extremi Niederschlagswarnige usegehh. Janu sind eus de Räge ja gwönnt… hend den aber spontan doch es Appartmenet , natürli wieder mit Whirlpool wanne 🤪, bueched. Tag 1 hemmer dem meh oder weniger untertage verbracht. Mir sinds s Salzbergwerk Wieliczka go besichtige. Seeeehr idrücklich gsii! De Michi isch sich zum Teil biz wie in Herr der Ringe vor cho. Mer gaht über div. Stäge bis zu 130 Meter id Tüüfi. S Ganze Bergwerk erstreckt sich über 250km Gäng und gaht über 350m id tüfi und stammt zum Teil usem 15te Jahrhundert. Die ältiste Teil womer cha besichtige stammt usem 16te Jahrhundert und au en Teil vo de Stützene sind guet 400 Jahr alt. DKunst womer gseht isch bis uf ei usnahm usschliesslich vo Bergmanne gmacht worde. Au s Salzwasser hetmer na derfe probiere, mit 320gram pro Liter isches aso nöd sehr schmackhaft gsii.
    Ad Oberflächi het eus denn en 4 stöckige Gruebelift beförderet. Selbstverständlich alles Coronakonform…. Hetis e Stäge geh, mir hetet fix d Stäge gnoh. Sooo vertrauenserweckend het de Lift nämli nöd usgseh 😅
    Am abig simmer den trotz Räge na go d Altstadt go erkunde. So viel Prachtbaute und Chilene dasmer amigs gar nöd so recht weiss wo aneluege und fast biz erschlage isch. Für en Städtetrip chömer Krakau aso nur empfehle.
    Tag 2 hemmer Wöschtag unter anderem gha entli mal imene Wöschsalon wäsche xD wiiter simmer na chli ide Stadt umegwatschlet und ah ungefähr 1000 Bruutmode gschäfter verbii cho. Da isch am Michi ufgfalle daser fürd Hochziit vo Dieters next Jahr, ja no en Ahzug bruucht. Zack inen Lade eine Ahgleit, au vode Ines für guet befunde worde und de Michi het jetzt en Ahzug us Pole 😂

    Ufem Weg in Richtig Slowkaei hets na en Abstecher uf Auschwitz geh. Eifach nur unvorstellbar wemer bedenkt, dass elei in Auschwitz über 1.1 Millione Mensche, gröschteteils vergast worde sind.
    75% vo de ahkommende Persone sind nöd mal erfasst worde, sondern direkt vom Bahnhof id Gaschammere gschickt worde. Fotis hemer nöd würkli gmacht wills doch recht es bedrückends Gfühl gsi isch.

    Jetzt simmer ide Slowakei ahcho und s Wetter set die nächste Tage entli besser werde 🥳

    Fotis:
    - Prag
    - Salzbergwerk
    - Wöschsalon

    Memo a ois:
    - de Schwiizer (Ines) und sies Sackmässer. Het natürli promt ahgeh bi de Kontrolle in Auschwiz 🙈    Læs mere

    Se oversættelse
  • PföschtäontourEuropatourRejsende
    11

    Tatra Gebirge

    3. september 2021, Slovakiet ⋅ ⛅ 12 °C

    Yes, äntlich schöns Wätter und äntlich wieder Berge!
    Über d Nacht hemmer d Landesgränze id Solwakei passiert und Pole hinder eus lah. Zumindest so bizli. Eusäs Ziel sind d Tatra Gebierge gsi, welli halb zu Polen ghöred und halb zur Slowakei und da mir eus für en Gipfel entschiede hend wo d Wanderig i de Slowakei startet hämmer eus au gad dete es Schlafplätzli, gsuecht.

    Eusäs Ziel isch de Sivy vrch gsi uf 1805 Höhi.
    Dä Start wär ca. uf 1000 Meter gsi, wär… wänn mer nöd am morge entdeckt hettät das mir ime chline Skigebiet glandet sind und de Sässellift sogar im Summer fahrt.
    So hämmer eus dänn rächt gfreut das mer eus die erschte paar 100 Höhenmeter hend chönä spare!
    Schlussändlich ischs au bitter nötig gsi, ersch underwägs hämmer gmerkt, das mer bis zu eusem Ziel no 2 anderi Gipfel hend müsse passiere. Es isch es ufe und abe gsi, aber wunderschön! Ganz e spezielli vegetation, mängisch hesch dich im Regewald gefühlt, dänn wieder im Hochgebierge, nachher inere Wüeschti und und und…
    Leider hämmer uf em letschte Gipfel rächt schnäll wieder müesse de Rückweg in Ahgriff näh und de Michi het sich scho wieder müsse vo sim neue Kolleg verabschiede (siehe Video;-))
    Irgendwo hemmer ebe gläse, das s letschte Bähnli am 5i fahrt und da mir wieder alles hend müesse zrugg wandere, simmer es bizli in Stress cho.
    Mer sind aber so tifig gsi, das mer bereits am viertelab 4i bim Bähnli ahcho sind. Chum ahcho, het eus denn aber de Bahnmitarbeiter gfröget öb mir no abe welled, sie seged am zue mache… so hemmer doch no riese Glück gha!
    Mer sind eus bis hüt nöd sicher wielang de Sässel het söllä laufe, Google Rezessione säged, es chöngis scho mal gäh, das sie d Öffnigsziite nöd ihhaltet…. Danke für dä 😉

    (Fotis: Wanderig😍)

    Memo a ois:
    - Wanderprofis simmer immer noni und hend wieder mal s Ersatz Shirt vergässe
    - defür Hauptsach immer zviel Jaggene debii
    - de Michi het sogar Blüemli & Pilz ahgfange Fötele (das spricht für d Wanderig)    Læs mere

    Se oversættelse
  • PföschtäontourEuropatourRejsende

    Bratislava und Wien

    6. september 2021, Østrig ⋅ ⛅ 19 °C

    Jaa soo cheibe viel gits da nöd oder nüme z verzellä 😝

    Zwei mal super schöns Wetter, zwei mal guet gesse und zweil mal wunderschöni Altstädt.
    In Bratislava simmer nur es paar Stündli gsii und biz dur d Altstadt gloffe.

    In Wien simmmer ja scho mal für zwei Nächt gsii und dementsprechend hemmer des ganze Touri zeugs, unter anderem Sache womer nöd stolz sind druf, scho erledigt und hend eifach biz d Altstadt und d Donau gnosse :)
    Es freut eus aber riiiiieesig dasmer eifach wieder mal chönd ines Restaurant hocke und verstönd was um eus ume so gredet wird 😂 het eus mega gfehlt.

    Fotis:
    - kischtig im Ubahnhof Wien ( und neue Outfit vo de Ines)
    - Domchile
    - Wienerschnitzel (d Ines wo sich über ihri 3 Chnoblischnitzel freut)
    - Bratislava
    - Kunst in Bratislava 😄

    Tmorrow oder so ca inere Stund set den na Salzburg folge 😂    Læs mere

    Se oversættelse
  • PföschtäontourEuropatourRejsende

    Salzburg und d Eisriesenwelt in Werfen

    8. september 2021, Østrig ⋅ ☀️ 22 °C

    Sooo wiiiter gahts mit Brichtli schriibe, hocked übrigens gad mit Jägertee in Sölde ufem Camping Tag 1 Bike hemer au guet überstande aber ich schwiife ab.

    De erst abig ufem Camping hemer scho en wunderbare Sunneuntergang gha, dezue es gläsli Rotwii was will mer meh 😍. Am nächste Tag simmer go d Eisriesenwelt in Werfen go ahluege. Die grössti Eishöhli vo de Welt. Eigentlich isch nur scho de Weg zu de Höhli es Erlebniss gsii. D Gäng vode ahöhli sind 42km lang aber nur de ersti Kilometer isch veriist und nur de Teil isch für Touris begehbar. Mer hend eus aso mit ere Karbidlampe, eusem Guide em Roman und na paar anderne uf de Weg i die Höhli gmacht. Nachdem mer eus dur de Ihgang kämpft, dert herrschet Wind vo bis zu 140km/kämpft hend, hemmer au scho bald die erste vo insgesamt 700 Stufe berguf derfe in Ahgriff neh. Amigs sind die Stäge cheibe steil gsii und da nur jede 4ti e lampe gha hät ( d Ines isch ganz stolz gsii uf ihri) unds sust keinerlei Licht gha het isches au recht dunkel gsi.

    Nach erfolgriicher Erforschig und bizli meh wüsse hemer eus uf de Abeweg gmacht, dert hets dej natürli no de obligati Kaiserschmarre geh.

    Am Abig simmer den na uf d Festig Hohensalzburg, hend dert de Sunnuntergang gnosse und euse Wii, womer uf de Fähre Stockholm - Tallinn kauft hend, drunke. Uf de spati Znacht isches den na id Pauli Stubn gange. Wenn ihr mal uf Salzburg gönd, unbedingt dert go esse und de ofenfrische Schweinsbrat‘l im Dunkelbiersafterl (wieso chönd eusi Gricht nôd so geili näme ga) bstelle😍

    Jaa das wärs glaubs au scho gsii für Salzburg und irgendwenn schriibed mer den vlt na biz öpis über Sölde 😄

    Leider chömer nur no 6 Fotis und 1 Video uelade… Findpenguins wend eus zu Premium zwinge.

    Fotis
    - Camping
    - Salzburg
    - Eisriesenwelt

    Memo a Ois
    - d Ôstericher sind eifach super    Læs mere

    Se oversættelse
  • PföschtäontourEuropatourRejsende

    Sölden

    12. september 2021, Østrig ⋅ ⛅ 14 °C

    Pleite Pech und Pannen… so hät öbbe eusä erschti Bike-Tag in Sölde ahgfange.
    Nach em Zmörgele hemmer eus ready für de Bikepark gmacht. Bikehose, Chnüschönär, Ellbogeschonär, Helm und Händsche ahzoge no schnell de Luftdruck a de Pneu kontrolliert… oder ebe versuecht zkontrolliere.
    Bi de Ines ihrem Pneu het sich immer s Ventil mitdreiht, au mit umewürge isch zersch müt gange… irgendwie hämmer dänn d Luft aber glich inebracht jedoch isch die ganz grad wieder use und de Platte isch dah gsi. Da mir beid ohni Schluch fahred, hemmer eus churzerhand entschiede mir eini ineztue und so hemmer s Problem einigermasse schnäll chöne behebe und sind mit es biz verspötig doch no los.

    Nach de erste zwei Rundene (es sind ENDLOS Trails vo bis zu 10 Km lang) het d Ines dänn plötzlich gmeint sie chöngi nümä brämse. De Michi het das natürlich nöd glaubt und isch ufs Bike vo de Ines ghocked und hät dänn aber rächt schnäll festgestellt - jap du hesch kei brämschlötz meh. Toll, simmer doch gad ersch wieder mit de Gondle ue gfahre.
    Ja nu irgendwie het d Ines ja doch ihrgendwie wieder abe müesse, so isch sie uf die naheliegendi Gletscherstrass (die isch ca. 15km lang wo mer an Rettebachgletscher chunnt und au im Summer Skifahre chasch) und mit öbe 10h/km de berg durab drössled. Alles natürlich nur mit de Vorderbräms brämst🙈) de Michi het natürlich de Trail gno 😜
    Uf em Camping ahcho, het d Ines defür Pizza zum Zmittag organisiert und de Michi neui Brämschlötz montiert.

    Am Tag zwei hetts doch eifach grägnet, so das mer churzerhand in AquaDome go bädele sind.

    Tag drüü isch defür wieder d Sunne füre cho und mer hend ois wieder ufs Bike gschwunge.
    Dasmal fasch ohni Panne nur mit eme chline usrutscher vom Michi 😄 isch aber nüt meh passiert.

    ….spoiler….
    D Brämschlötz wärder bald wieder Thema… 🙈

    Fotis/Video: (3Täg Sölde)

    Memo a ois:
    - jetzt wüssemer defür au, das d Ines nöd die gliche Brämschlötz het wie de Michi und ihri dur de chauf in Sölde ez vergoldet sind.
    - kei Dumplings chömed a oisi sälbergmachte ane!
    - wänn de Camping sogar e gschirrspüelmaschine het, denn weisch er isch tüür 😅    Læs mere

    Se oversættelse
  • PföschtäontourEuropatourRejsende

    Über s Timmelsjoch is Südtirol

    14. september 2021, Italien ⋅ ⛅ 19 °C

    Pleiten Pech und Pannen 2.0? Mir hoffeds nöd aber wer weiss…
    D Schlechtwetterfront isch leider au in Österrich ahcho und anstatt wie plant uf Serfaus z fahre hemmer eus fürs Südtirol, gnauer Meran entschiede. Über s Timmelsjoch, de Karl de arm Cheib het sich bis uf 2500m.ü.m möse ufekämpfe, wohi kämpfe übertribe isch er macht das wie die ganz Reis scho üssert souverän, mängisch chunt zwar biz viel schwarz zum Uspuff uus aber janu, öppe Euro 0 halt 🤷‍♂️
    Vo 2500m.ü.m isches denüber 2000hm durab is Dorf St. Martin im Passeier gange. Dert hemmer als Nachtlager en schöne Parkplatz mit WC und eme Spielplatz gfunde.

    Am nächste Tag isches na biz wiiter durab uf Meran, ca. 350m.ü.m gange. Dert simmer beid biz überrascht gsi vo dere Stadt. Einersiits simmer überrascht gsi wie viel alti lüüt dases da het, Kanare 2.0?, anderersiits het eus au d Stadt selber bzw. au die unmittelbar Natur sehr beiidruckt. Das in Meran nöd würkli e Übernachtigsmöglicht geh bzw. de Einzig Camping 65 Euro kostet het, hemmer eus en Stellplatz ca. 40min entfernt und ide Berge usgsuecht. Nach ungefähr 1km, wobi de Karl dir letschte 500m bim Bremse biz komischi Grüsch vo sich geh het, isch de Michi den ad Tankstell gfahre. Bremse vorne kontrolliert, tiptop, er het die ja irgendwo uf de Reis die Chlötz mal kontrolliert. Bremse hinde links ahglueget: ohhhh Metall uf Metall….. aber irgendwie isch da s Gfühl ume gsii, daser die doch au ahglueget het.

    Ja guet so chan d Reis nöd wiiter gah aso mal e Werkstatt gsuecht und den simmer zur Freud vo de Italiener mit 20-30km/h, de Warnblinkahlag und so guet wie ohni Bremse dert ane gschliiche. Wemer den doch mal hend möse Bremse, hets de Ines gad im Herze wehtah. Die Erscht Werkstatt het leider kei ziit gha, eus aber en guete Tip geh wer chönnti Ziit ha. Zur Sicherheit simmer mal dert ane gloffe und tatsächlich er chönnts nächste Tag mache. Jetzt isch nur na d Frag wo schlafe…. Aso zmitz ide City uf en grosse Parkplatz gfahre und dert Rdy fürd d Nacht gmacht. Den na go Znachtesse und bevor mer uselaufed ja no ufs WC, de Parkplatz het nämli keis…. Ufd d Details gömmer da jetzt da nöd druf ih xD

    Am Morge denn de Karl id Werkstatt bracht und ab id Therme Meran. Mir hend extra uf die 9i es Ticket inkl. Früehstück reserviert. S Früehstück z finde het sich als gar nöd sooo eifach usegstellt. Mir bereits ide Therme s Früehstück irgendwie usserhalb, hemmer na müesse über „Alarmgsichereti“ Drehchrüz gumpe aber irgendwie het das niemer interessiert 🤷‍♂️.
    S Zmorge und de Tag isch perfekt gsii und am 5i hemer den de Karl wieder chönne go hole.

    Usechoo isch:
    Brems hinde links Metall uf Metall.
    Hinde rechts d Bremschlötz na ca. 6mm.

    Memo ah Ois:
    - Immer all Bremschlötz ahluege
    - Planig isch alles, wenn scho e Panne den im Südtirol wos dütsch chönd unds 28Grad isch
    - Wemer 50i sind gömer wieder mal uf Meran und gebed eus uf jedefall das Zmorge namal
    - Es WC im Bus wär amigs scho ken Seich

    Fotis:
    - Timmelsjoch
    - Schlafplatz „Chinderspielplatz“
    - Meran
    - Therme inkl. Zmorge
    - de Bremschlotz…..    Læs mere

    Se oversættelse
  • PföschtäontourEuropatourRejsende
    1

    Uf em wäg id Schwiiz

    17. september 2021, Schweiz ⋅ ⛅ 16 °C

    Ja was gitts schöners we en Pass fahre… oder gad zwei oder drüü?

    Da mir eh scho länger plant gha hend (ja ab und zue planed au mir öbbis😆), das oisi Route über d Schwiiz nach Frankrich füehre wird hämmer dänkt, geil da chömmer dehei doch grad mal alläs eimal dure Wäsche. Da mir aber aktuell Homeless sind. Eusäs zweite dehei (Klosters) öbber anderem siis zweite dehei de Summer worde isch, eusäs dritte de hei (Winterthur) kei Tumbler het suechemer ois halt es 4ts dehei und ladet eus doch grad no zum znacht ih 😄
    So simmer dänn in Davos glandet. Aber zersch nomal zu dä Päss. Da ja de znacht würkli plant gsi isch und eusä usflug id Werkstatt nöd, hämmer no en vorige Tag gha. Ja und will mer doch gad i de nöchi sind und mer noni viel Alkohol uf eusärä Reis kauft hend 🙊 hämmer dänkt gömmer doch no ei Nacht uf Livingio.
    Für das hämmer aber zersch no möse übers Stilfserjoch fahre. Mit 2757m höchi die zweit höchsti asphaltierti Pass i de Alpe. Nach Livingio simmer no über de Bernina und dänn no über de Flüelä. (Jetzt wo mer ja wieder Brämschlötz händ müemmer die doch gad richtig ihfahre😉) D Ines het cheibe Spass gha säg ich euch. D Kaugummi packig isch läär gsi wo mer z Davos ahcho sind.

    Nachdem mer bi oisem lieblings Davoser oisi Wösch gwäsche hend (zum Tumbler gitts no es Memo…) simmer no fein zum Znacht ihglade worde. A dere stell: Danke nomal tuusig für d Gastfründschaft!

    Am nöchste Tag ischs denn heizue uf Winthi gange. De Karl hemmer vo de Souvenirs befreit und noi mit oisne (also am Michi sine) Surfsache packt. Am Abig simmer no mit zwei ganz liebe Mänsche eis go trinke. Mer hend sie sooo vermisst.
    Da mit mer nöd no meh Heiweh bechömed ischs am nöchste Tag au grad wieder wiiter gange. Ab uf Bern, s neuä Surfbrett vom Michi go hohle. (Bstellt hetts de Michi de Sparfuchs bereits scho i de Lofote in Österrich und die hends gratis id Schwiiz in Lade glieferet)

    Aber jetzt heissts definitv wieder, Tschüss Schwiiz und bis bald.

    (Fotis: Pässlifahre, Znachtässe in Livingio, Hallo Migros, Hallo Schwiiz, gib am Michi kei Konsole id Händ, hät ächt d Ines guet gschlafe i dem Göstezimmer?)

    Memo a ois:
    - mer sött vielicht nöd eifach druf vertraue ha das jede moderni Huushalt en Tumbler dehei hät und au das vorher abkläre 😅
    - Päss simmer die nöchste Wuchene definitiv gnueg gfahre
    - so lang hämmer d Paprika Chips vo Zweifel vermisst und jetzt wüssemer gar nöd öb mer sie no geil findet 🙈    Læs mere

    Se oversættelse
  • PföschtäontourEuropatourRejsende
    2

    Annecy

    19. september 2021, Frankrig ⋅ 🌧 12 °C

    Und Los gaht „Teil 2“. Ab jetzt suechemer nochli d Sunne, d wärmi & de Strand…drum ab nach Frankich 🥳

    Oise erschti zwüschestop hemmer in Annecy war gno. Es heisst Annecy segi s Venedig vo Frankrich. Was au würkli stimmt! Die schöne Gässli & en riesige Markt hend eus überzoge. Au de See und d Landschaft möched luscht uf meh… nur ebe s Wätter. Irgendwie hämmer eus das anders vorgestellt 🧐 so verrägnet wie da simmer aso uf de ganze Reis no nie.
    Drum hemmer eus au bereits nach einer Nacht bim Gilbert uf em Camping wieder uf de Wäg richtig Sunne gmacht.

    Da mir uf de Strecki vo de Schwiiz nach Annecy ca. 20km ufere Mautstrass gfahre sind und für das frächi 10.- händ müsse zahle (mer gältet da in Frankrich als Camper 🤌🏽) hemmer eus entschiede d Mautstrasse zumfahre und defür d Landschaft chli meh z gnüsse. Mer hend ja Ziit 😁

    So simmer dänn ca. 3 Stund vo Bordeaux entfernt ines „all you can eat“ (and drink…) Restaurant und hend ois voll gfrässe 🤤 ächt kuuli idee gsi, hesch all dini Zuetate wod häsch wellä uf de Täller dah und denn am Choch übergäh, wos für dich dänn im Wok zuebereitet het.
    Chugelrund hemmer ois wieder in Karl gsetzt und sind no ca. 30min wiiter gschlafe und hend ois es Plätzli ame See gsuecht.

    Nach ere ruhige Nacht ischs denn am morge früeh wiiter gange… Motor starte rächts abbüge und häää?! Was um Himmelswille macht de Baum dah?! Offesichtlich doch nöd so e ruhigi Nacht gsi! Und heii, wo blibt entlich das schönä Wätter?!?
    … zum Glück isch d Strass au no nach links gange und mer hend oisi Tour wiiter chönä füehre… 🥳

    (Fotis: ab in Süde, Annecy, All you can eat, Übernachtigsplatz)

    Memo a ois:
    - verlah di nie uf de Wätterbricht
    - Ab jetzt heissts WC Papier nöd vergässe wännd ufs WC gasch… susch hesch denn id schissi glanget😂 mer sind ja schliesslich in Frankrich, da isch WC Papier nöd inkl. Uf em Camping, es isch ja schliesslich Gold wert (und sit em erste Lockdown no meh vergoldet worde 💩💰)    Læs mere

    Se oversættelse
  • PföschtäontourEuropatourRejsende
    1

    Südfrankrich bzw. Surfe 1.0

    23. september 2021, Frankrig ⋅ ☀️ 18 °C

    Nach dem de erschti Camping womer in Südfrankriich augfahre hend e reini Katastrophe gsi isch, mir sind den zum Glück au wiiter gfahre ohni dert z schlafe, hemer den euses Plätzli für die nächste paar Täg in Montalivet gfunde.
    En hübsche chliine Camping ca. 200m vom Strand entfernt und unmittelbar bimene Dorf, dert chamer ja den sicher au es Surfbrett für d Ines go miete. En Neopren für d Ines hemer i de Region Bordeaux, Decathlon sei Dank, scho kauft. Auf wenn d Frau Lämmli gjammeret het, de segi viel z eng und sie chöni sich chum bewege. Nachdem de Michi gschwore het, dass de im Wasser grösser wird, hemmer en den doch kauft. In Montalivet am Morge na es soft Surfbrett go uslehne, 1 Surfshop het zum Glück na offe gha (zwüsche 11:30 - 14:00 und 16:00-18:00) und den direkt is Wasser.
    De Michi de Surflehrer 😂 het den na churz Theorie mit de Ines gmacht aber wer sie kennt, weiss ja dass sie eich nur is Wasser het welle. So simmer den au scho bald is Weisswasser und d Ines isch ungefähr nachem 5te Mal bereits gstande 🎉🥇 vlt. het das au en Zämehang mit em super Surflehrer, wer weiss 🤷‍♂️. Nach Tag zwei und de Erkentniss, dass d Ines definitiv au spass drah het isch d überlegig wegeme Surfbrett ist Spiel cho. D Ines het den gseh, dass paar Mädels es violetts Surfbrett vom Decathlon hend und het natürli au so eis welle…. es segi soo schön 🙄. Zum Glück hets das Brett nur in 7 Fuess längi geh, und da d Ines au mit ihrem 7.6 doch paar mal en Nosediver gmacht het, het de Michi den nacheme Surfbrett gsuecht. D Occasionsbretter im Surfshop sind leider für de Priis seehr abgranzt gsi.
    Nachdems ah Tag zwei no gheisse het: Schatz ich glaub nöd öb ich die Ferie no zu de grüene Welle usechume, isch d Ines am Tag 3 bim Michi usse gsii. Dert isch klar gsi, es Brett muen ane. Uf irgendere französische Verkaufsplattform hemer den es Brett gfunde, am Verchäufer gad gschriibe und am nächste Abig simmer je 1h 20min hi und wieder retour gfahre zums go abhole. Natürli hets keis Softboard meh geh sondern gad es richtigs :). So simmer au nüme uf d Surfshops ahgwiese und chönd go Surfe womer gad wend. Nach ahfänglichd schwierigkeite mitem neue Brett, es isch doch paar cm schmöler als s Mietboard, het d Ines dass den doch in Griff becho und isch scho biz verliebt in „Gilbert“ so heisst ihres Brett. (De Campingplatzbsitzer in Annecy hets ihre glaubs biz ahtue 🧐)
    Ahja au de Michi isch z Friede mit sim Surfbrett und jetzt gsemer fascht scho uus wies Profipäärli, ade Skills schaffed mer aber nah 😄

    Fotis
    - Nr. 6 Freestyle Seadoo Fahrer trainiert für de Wettkampf am 02/03 Oktober, leider simmer den scho weg.
    - Nr. 8 mer holt s Brett vo de Ines

    Memo ah ois
    - Nebesaison isch Nebesaison, da isch über 90% zue….
    - Gnau luege wemer irgendwo wot go esse. Wenn staht Euronat, vlt überlegge was das Nat. chönnt heisse.
    - s Französisch isch sooooo wit weg, eus chömed amigs vorher die italienische Begriff in Sinn    Læs mere

    Se oversættelse
  • PföschtäontourEuropatourRejsende

    Atlantikküste

    30. september 2021, Frankrig ⋅ ☀️ 16 °C

    Die letschte Paar täg simmer chli a de Atlantikküschte umetümplet ☺️
    S Wätter isch wieder chli chüehler worde und drum hämmer dänkt mer lueget ois mal wieder e Grossstadt ah und gönd uf Bordeaux.
    So hämmer eus en Camping i de nöchi gsuecht wo mer mit em ÖV guet id Innestadt chunnt.
    Gsuecht, gfunde und am nöchste Morge ab uf de Zug. Dasmal gnueg früeh loslaufe, das mer no gnueg Zuit hend um Tickets am Bahnhof z chaufe. Gesagt getan und mer sind öbbe 20 min zfrüeh dete gsi. Natürlich hemmer au die wieder brucht will de Automat natürlich eusi EC charte ned het Welle akzeptiere und mer eh nöd sicher gsi sind öb mer die richtige billet hend. D Ines het nämli am Abig vorher sich no vorbereitet und s Ticket App ufs Handy glade, aber no kei Ticket kauft will sies für Extrem Tüür gfunde het. So hemmrr aber i letschter sekunde über das App doch no es Ticket kauft und de Zug verwütscht. Irgendwie werdemer uf dere Reis mit de ÖV Tickets nöd schlau 🙃
    Bordeaux sälber het eus eigentlich sehr guet gfalle. Es isch aber leider fasch usgstorbe gsi und hät nöd würlli es Kaffi a de Fuessgängerzone gha wo mer lüüt chan beobachte (was mir beidi unglaublich liebet 😅)

    Am Tag druf hemmer Messange ahgstüred. Det isch en Campingplatz wo d Ines als Chind mit ihrere Familie immer de Summer verbracht het. Es Muss also, de go ahluege und chli Erinnerige fürehole.

    Uf em wäg det hii simmer aber no en zwüschehalt bi de grösste Sanddüne vo Europa go mache. Au dete isch d Ines in Erinnerige gschwelgt und hät e Szene vo damals nomal welle erläbe. Es wird gmunklet das sie vom Wetträne do und em ahschlüssende glichgwichts verluscht und de unendlich viele Saltos und pürzelbäum gmacht het, no hüt Sand i de Ohre hät.

    Zum Surfe: d Wälle sind mitlerwiile z gross und z unruhig worde. S Wätter isch au mässi und chalt gsi. So simmer leider nümä dezue cho zumnomal ufs Brätt stah :(

    (Fotis: Bordeaux, Dune du Pilat, Camping le vieux Port)
    (Video: super eleganti Ines)    Læs mere

    Se oversættelse
  • PföschtäontourEuropatourRejsende
    3

    S letschte und Land Nr 15 vo eusere Tour

    2. oktober 2021, Spanien ⋅ ⛅ 22 °C

    Da d Wettervorhersag ade Atlantikküste zimli mies worde isch und d Ines scho de Schlafsack het müese füreneh, hemmer eus denkt mir lueged mal wo dases na biz wärmer isch. Da d Temperature in Barcelona wiitus besser sind, hemmer eus entschiede über d Pyrenäe (sehr ihdrücklichi Landschaft!) uf Barcelona z fahre. De Michi wär a sim Geburi zwar lieber go Surfe aber janu mer cha nöd alles ha. In El Grado hemer welle go fein Znacht esse und mir sind natürli Pflichtbewusst am erschte Strasseschild in Richtig El Grado gfolgt. Dases dert es Fahrverbots schild gha het, irgendwas vo Vehiculo Touristico und es unter <2m breiti Schild gha het, het de Michi nöd so interessiert. Wenn da de Bus und co durechunnt, chömed mir da easy au dure. Es paar älteri Dame hend eus na schön platz gmacht und das het de Michi na bestätigt. Naja nach ca. 30 Meter het d Welt scho biz anderscht usgseh….. aber das wird ja nur die Stell (Foti) sie vo wo eng isch, das schaffed mer scho.
    Leider falsch gedacht, es isch na enger worde. De Michi isch den mal usgstiige und go luege wie schlimm dases würkli na wird, d Ines het während dem tüüfeenstpannt im Auto gwartet 😅.
    Nachdem de Michi d Lag abcheckt het, lächle mitem Dume gäge ufe zeigt het und die ältere Ladies na lachend irgendöpi zu ihm gseit hend, verstande heter natürli nix, isches den wiiter gange. Leider gits da kei Fotis meh aber irgendwie hemers mit ineklappte Ussespiegel und zwei Iheimische wo na biz gwunke hend doch dur das Gässli gschafft 😂.

    In El Grado ahcho, hets den na de Geburichueche usem Supermärt für de Michi geh und mir hend eus zerscht mal vo dem Nervechtzel müese erhole.

    Gässe hemmer den übrigens nöd dert und e normali Strass is Dorf hetis au geh 😄.

    Pfuused hämer irgendwo und am nächste Tag isches uf de Camping Barcelona, wo übrigens nöd in Barcelona sondern in Matarò isch, gange.

    Dert simmer am Abig mit de Velos na go zNachtesse und es het na en abentürliche Heiweg geh.

    Fotis
    - Pyrenäe
    - Gässli in El Grado
    - Geburi in El Grado
    - Heiweg in Matarò

    Memos a ois
    - vlt. nöd eifach Fahre wemer d Strasseschilder nöd verstaht
    - es isch amigs doch enger als dases usgseht
    - In Katalanie stinkts fast überall nach Chuehmischt 🙈    Læs mere

    Se oversættelse
  • PföschtäontourEuropatourRejsende

    Barcelona

    5. oktober 2021, Spanien ⋅ ⛅ 18 °C

    Wie bereits erwähnt, hemmer eus uf em Camping Barcelona niedergloh. Obwohl er nöd in Barcelona isch, bütet er täglich en Bring und Abholservice mit em Reisecar ah.
    Da mir ja chli im Krieg mit de ÖV Tickets sind hämmer eus dementsprechend rächt schnäll für de Reisecar entschiede ;-)

    Wie mer uf de Föteli erahne chan, au in Barcelona hetts nur gschiffäd, irgendwie Reist de Räge mit eus mit. So hämmer eus no im Bus entschiede Tickets für se Hopon Hopoff Bus zchaufe. Mer händ dänkt so chömmer eus Barcelona gmüetlich us em Bus ahluege und werdet nöd verrrägnet. Da aber de Bus uf Grund vom Räge s Dach zur gmacht het unds ja eigentlich nur uf dem obere Deck luschtig isch, isch das mit em Troche blibe au id Hose. Es het die ganz Ziit schräg inegrägned so das nur die mitlere Sitz troche bliebe sind und uf die het eigentlich gar niemmert wellä Sitze, will det gar nöd richtig usegseh hesch.

    Zum Glück hemmer aber doch au no paar Trochni Abschnitt gha, die hemmer denn gnosse zum chli dur Barcelona z schlendärä und gmüetlich Zmittag ässe und eus debii es rüüschli ahztrinke (bi 3.90 Euro en Mojito münd mir schnäpplijäger doch zueschlah oder nöd?!😉)

    Ja und wenn mer gad nöd in Barcelona gsi sind hemmers eus eifach a oisem Pool gmüetlich gmacht. De Vorteil vo de Näbesaison - Pool ganz allei für dich.

    (Föteli: Sagrada Familia, hoponhopoff Bus, Catalane wieder einisch meh am Demonstriere, Plaça d‘Espanya, Mittagässe, es Männli am 💩,de Michi am warte, während d Ines am Shoppä isch und de Pool für ois allei)

    Memo a ois:
    - Ohni de Gaudi gäbtis keis Barcelona
    - Ohni Mojito keis Rüschli
    - und ohni Schwümmbrülle ken noie Olympiastar alias Michi    Læs mere

    Se oversættelse
  • PföschtäontourEuropatourRejsende
    2
    1

    Last day in Spain

    7. oktober 2021, Spanien ⋅ ☀️ 19 °C

    Dank Google Maps hämmer use gfunde, das vo Barcelona ja e Fähre uf Sardinie fahrt und nach dem mer de Tipp au no Privat becho händ, isch eusi Entscheidig gfalle, am 8.10 d Fähre vo Barcelona uf Porte Torre Sarinie zneh. Die zwei Nächt bis dert ane hemmer aber na müesse überbrücke und so simmer na 2 Nächt uf Blanes, d Ines het eich uf Loret welle aber de Michi het sich z alt gfühlt für das 😄.

    Ohni grossi Erwartige simmer den dert uf en (Saisongäscht usgnoh) fast leere Campingplatz miteme super Pool 😍
    Da mer sit s Surfe verbii isch die sportliche Aktivitäte recht schliife lah hend, hemer wieder biz mit Jogge und Freeletics (vorallem d Ines 🥇) ahgfange.

    Vo Barcelona uf Porte Torres fahrt, zumindest im Moment, nur d Grimaldi Lines. Gemäss div. Bewertige sind sie nög ganz eso pünktlich und mir hend eus den au druf ihgstellt, dasmer nöd wie vorgseh am 23:00 abfahret. De Fährhafe isch aber „zmitzt“ in Barcelona und so simmer trotzdem scho früeh dert ane ide Hoffnig dases dert sicher Parkplätz git. Gits leider nöd aber mir hend den trotzdem en halboffizielle Parkplatz gfunde und sind namal uf Barcelona imegloffe. So het d Ines au na i ihres gliebte Hard Rock Cafe chöne go zmittag/znacht Ässe🤪.

    Scho relariv früeh hemer den au d Meldig becho, dass d Fähre erst am 01:00 abfahrt, wenig spöter isch den d Nachricht cho dases wohl 02:00 wird werde. Wo mir, bzw. de Michi d Ines hets im Büssli chillt am Belade zueglueget hend, heter fascht schüüb becho. Eigentlich es Wunder dass d Fähre nur 3h verspötig gha het. Falls er mal mit Grimaldi fahred, am Beste sinder bim Ihlade Betrunke so wie wahrschineli en Teil vo de LKW Fahrer…
    Bim usefahre isches genau gliich chaotisch gsii, en Teil scho losgfahre obwohl d Fähre nani mal ahgleit gha het und den isch eus bim Rangiere au na eine, wos sehr pressant gha het, is Büssli gfahre (aber nüt passiert :)
    Ahcho simmer übrigens nöd mit 3h verspötig sondern mit über 4.5h 🙈

    Fotis:
    - 1-3 Blanes, inkl. Privaten Whirlpool 😛
    - Fähre Barcelona Mallorca im Hafe vo Barcelona am dreiä (ja de chan öpis nöd wie de Schettino)
    - Am ufd Fähre warte

    Memo ah ois:
    - D Spanier fahret gliich schlimm Auto wied Italiener
    - Nach de 3te Übernachtig ufere Fähre werdet mer bezüglich Chrüzfahrte immer skeptischet    Læs mere

    Se oversættelse
  • PföschtäontourEuropatourRejsende

    Sardinien

    16. oktober 2021, Italien ⋅ ⛅ 20 °C

    Chum uf em erschte Campingplatz ahcho lauft ois es Mami mit Chind und Surfbrett entgäge… Mir sind a ihre verbii gloffe, hend eus schräg ahgluegt, umgkehrt und sie ahgsproche. „Ääähm tschuldigung, aber sind ihr am Surfe gsi?!?“
    „Nei mer sind nur am Paddle gsi, aber Mittwuch/Dunstig sötts Wälle gäh…“
    Mer hend glächlet und sind wiiter gloffe. Wälle uf Sardinie. Währs glaubt!
    Trotzdem hetts eus kei Rueh geh und mer sind go Nahforsche.
    Tatsächlich hämmer Surfersports gfunde und au biz Wälle sind ahgseit gsi. So hämmer eusäs Währli packt und sind an nöchste Spot gfahre.

    Zum Glück hemmer e wunderschöni „Sunneuntergangspaddel“ Session dofe erläbe, will Surfe hesch denn schlussendlich glich nöd richtig chöne (ussert Profis, die nämmet jedi Wälle mit).
    Trotzdem hemmer de Strand, d Sunne und S Meer richtig gnossä.
    Nach paar fuulänzer Täg hets eus dänn aber wieder underem Füdli kützlet und mer sind ab id Bergä für 1 Nacht. Und zwar hämmer eus mit 1000MüM de höchstglägnigst Stellplatz in Sardinie usgsuecht, will de grad näbet eusärä plantä Tageswanderig gläge isch.
    Ja und ebe wie gseit, mer sind bereits zoberst gsi, so sinmer eusi Wanderig mit Bergab laufe gstartet. Ganzi 650 Höhenmeter hämmer verlore. As wieder uelaufe hämmer zu dem Ziitpunkt noni dänkt… d unde ahcho het eus defür e wunderschöni Schlucht empfange. Bis zume gwüsse Punkt, hettmer allei chöne hindere laufe, wiiter wärs dänn numä no mit eme Guide gange.
    Leuder isch eus nah de Besichtigung denn rächt schnäll Bewusst worde was mir eigentlich no für en lange ufstieg wieder vor eus händ. Alles jammere hät aber nüt gnützt die Höhemeter händ wieder müsse bewälltigt werde. Natürlich hemmers irgendwie wieder uegschaft (eusi Fitness lässt grüssen😅) planed aber eusi nöchst Wanderig wieder bergduruf. Macht meh Spass! 😉

    Die letschti Nacht in Sardinie hemmer bime Österrichische Ustigerpärli uf em Hof zwüsched Säu, Geisse und Hünd verbracht. En super gmüetliche Abschluss gsi.

    (Fotis: sSunneuntergang 1.Camping, Sunneuntergangspaddle 2.Camping, warte uf Wälle, Wanderig, Stellplatz uf em Hof)

    Memo a ois:
    -du weisch du bisch en Tourischt wenn du i Shorts und Tanktop umelaufsch und die Ihheimische i Windjagge und Schal ihpackt sind
    -Wanderige Startet Berguf, s Bergbier macht susch kei Sinn
    -Schomal Wösch vergoldet? Nöd? Denn gang uf Sardinie! Ca. 2Kg wösch 7Euro 🤪 tschüss Gäld 💸    Læs mere

    Se oversættelse
  • PföschtäontourEuropatourRejsende

    Florenz, letschti Stop vo dere Reis

    18. oktober 2021, Italien ⋅ ☁️ 16 °C

    Da mir bim buechzämestelle gmerkt hend, dasmer de letscht Footprint gar nöd gmacht hend chunnt de no nachträglich 😄

    Ide Hoffnig, dass d Ines den es biz besser schlaft hemmer eus ufde Fähre vo Sardinie nach Livorno e Kabine mit Feischter gönnt. Womer den d Kabine gseh hend, hets eus gad putzt vor Lache. Ussert s Rettigsboot hemmer dur euses Feischter nämli gar nüt gseh…
    In Florenz hemer inere wunderschöne Villa, wo zumene Bed und Breakfast umfunktioniert worde isch, übernachtet. D Ifahrt zum Parkplatz isch natürli Italie style wieder extrem eng gsii aber mit ihklappte Spiegel isches den gange.
    In Florenz simmer div. Touri sache go ahkuege unter anderem de Dom, de isch wo Usse übrigens viel imposanter als vo inne, d Ponte Vecchio und de Piazzale Michelangelo wo zu eusem Lieblingsplätzli worde isch. Am Tag 1 hemer dert no Drinks vomene Stand trunke und ah Tag 2 simmer den wie die andere „erfahrene“ Touris mit Wiiswii und Sprite dert ghocked und hend d Lüüt sowie d Stadt beobachtet.
    Gesse hemmer au super, s Highlight isch irgend en lustige Eintopf gsii wos ide Markthalle geh het 😍.
    Go indisch esse simmer au na und nachdem mer zahlt und ca. 500meter gloffe sind isch plötzli de Restaurantmanager chüchend nebed eus gstande. De Michi het nämli sis Cap im Restaurant liege lah und de gueti Maa isch eus nahgrennt.

    Im Grosse und Ganze seeehr e schöni Stadt au wenns ide Hauptgasse unglaublich viel Lüüt gha het, umso schöner sind die chliine Gässli gsi und dert chost au de Espresso 1.20 anstatt geh 😅

    Ahja falls mal öper Bisteca ala Fiorentina ist, dert gits den kei Biilage dezue, so hets den halt 1.1kg Fleisch zum Znacht geh 😄

    Bilder:
    - s letschte Mal im Karl schlafe
    - Florenz

    Memo a ois:
    - schön isch es gsiii 😍    Læs mere

  • PföschtäontourEuropatourRejsende
    1

    🇨🇭home sweet home🇨🇭

    21. oktober 2021, Schweiz ⋅ ⛅ 13 °C

    * 114 Täg simmer unterwägs gsi
    * 16800 Kilometer gfahre
    * 2 noi Brämschlötz brucht
    * 15 Länder bereist
    * 71 underschiedlichi Übernachtigsplätzli gsuecht
    * 48 Footprints gschriebe

    Mit eme lächelnde und eme brüellende Aug beendet mer die Reis. Sind überglücklich das mir das Abentür hend gmeinsam döfe erläbe und freued eus bereits jetzt uf ganz vieli wiiteri!

    Jetzt bereitemer eus aber zersch mal ganz langsam wieder uf d Arbetswält vor und chönd chum warte bis mer am 1. November äntlich Schlüsselübergab vo eusäm noiä dehei hend und s Zigünerläbe definitiv verbii isch.

    MICHAEL & INES    Læs mere

    Se oversættelse
    Slut på rejsen
    21. oktober 2021
  • 2025© FindPenguins
  • Hjem
  • Om os
  • Gruppesporing
  • Presse
  • Betingelser
  • Privatliv & Cookies
  • Hjælpecenter
  • Aftryk