Losapon River

Mini letschti Wuche uf dene paradiesische Insle han ich ih ehmene traumhafte Hostel am Strand verbrocht. Ersti Priorität hed d Heilig vo mim Chnüh gha drum bini ned is Wasser und bi au ned zu viel umegloffe. Mis Hostel hed es super Restaurant mit Meerblick und Hängematte im Schatte gha - vo dem här esch das gar ned so es grosses Problem gsii :)

Ich ha ih dene Täg probiert mini Kamera mit Hilf vo Youtubevideos und usprobiere chli besser känne z lehre, ha gläse und Tagebuech gschriibe. Wo mis Chnü besser gsii esch bini denn au is Dörfli gloffe und bi ah lokali Märt und id Bäckerei go Züg probiere. Am Donnstig bini denn no mit ehm Bus zu ehmene wunderschöne Wasserfall gfahre und gester bini uf de Osmenapeak go de Sunneuntergang luege. Czytaj więcej