Opfikon

Du hitig Tag heiwer mit Packu verbrungu. Eso en Reis ine chalt Nordu bediitut vor allum eis: sehr vill warmi, dicki Chleider und dementsprächund en grossi Goffra 😂 wier hei nisch wirkli vorgnu, möglichst wenig mit ds näh, heis sus de aber schlussendli miessu üfgäh...

Fazit fam hitigu Packstress: d Cindy packt immer nu nid gäru (reisu aber scho), d Veronique hed irgendwie immer am meistu Gepäck und d Joanne hed halbe Goffer scho letscht Wucha packt (hed aber durch ihri Finnland-Reis vor 2 Jahr en klare Vorteil kä).

Mit dum uberfilltu Pendlerzug is ab uf Zürich ane Flughafu und da heiwer de afa Mal iischers Gepäck üfgigä. Fer das lengts moru emorgu sicher nimme.

Schlussendli sinds pro Person um di 17kg Gepäck gsi. Unner Abetracht, dass grobi Winterschüeh und en Skidress derbii sind, isch das sicher akzeptabel.

Jetz siiwer im Flughafuhotel und moru Morgu geits scho hert am 5i wieder ufs Tram 😴

Wier sii wahnsinnig gspannt, was iisch ds Norwegen alls erwartut und fröije iisch wahnsinnig uf vili tolli Erläbnis und Üsflig 😍 (di Reis isch schliessli öi scho lang büechti)

Grüessji fane GattliniBaca selengkapnya