Guadalupe County

Am nächste morge simmer rächt spat abgfahre. De erich hed lang gschlafe ond ich ha verusse telefoniert.
Mer send de ganz tag gfahre ond so esches scho fast 6i gsi womer bi üsem etappeziel acho send. Dummerwiis hed de camping womer apeiled hend kei platz gha. All andere i de umgäbig hend entweder ned abgnoh, oder kei platz gha. Zu 2 simmer sogar no häre gfahre aber es esch niemert ume gsi ond bi de "after hour phone number" hed bi beidne niemert abgnoh 🤷‍♀️
Also simmer wohl oder übel wiitergfahre. Mittlerwiile esch dunkli nacht gsi. I üsem camping app hemmer gläse dass mer öpe 30 minute vo da uf me autobahn rastplatz dörf campe also simmer det häre. Währed dem esch e bluetrote vollmond ufgange, chli gruslig esches scho gsi 👻
De rastplatz esch aber sehr schön ond pflegt gsi, es hed es hüüsli gha wo die ganz nacht offe gsi esch met suubere, grosse, moderne wcs ond snackautomate. Zudem hend ganz vill lastwäge (ond ihri fahrer) au det öbernachtet. Es esch zwar chli luut gsi well die ergendwie alli ehri lastwäge die ganz nacht lönd la laufe aber mer händ de glich besser gschlafe als erwarted 😊Baca selengkapnya