Laniakea Beach

north shore isch dr nordä vu o'ahu. er isch bekannt für sini surfer, wunderschöni stränd und schildchrötli.
üseri mission heisst also all das au zgseh. bsunders wichtig sind natürli d schildchrötli😉
uf o'ahu, big island und moloka'i wird ananas abut. uf dr fahrt in nordä simmer a riesigä plantage vrbi gfahre, wahnsinn🍍
d surfer hemmer natürli schnell gfundä. isch aber au nöd schwierig surfä isch das ding da.
leider hemmer kei grossi wellä gseh. d north shore isch im winter bekannt für sini meterhohä wellä und surfcontest.
und wo surfer sind hets au meistens schöni stränd. zum bade isch aber nöd jede strand, das sehr wellig isch und überall stei und reef het.

ez fehlt nur nuch z schildkrötli (gruäni meeresschildchrot) . und sie findet mir de au tatsächli am laniakea beach. mir chend lang zuäluägä wes umäschwimmed und immer wieder z köpfli zum luft holä usästrecked🐢und de chunt tatsächli eis a land zum sich usruäbe.
es kämpft sich mit letschter kraft usem wasser und schlaft de au zimli schnell i.
zum glück hets a dem strand friwilligi helfer wo ufpassed as d lüt dr abstand vu drü meter ihaltet und d schildkrötli au schü i ruäh lünd. es wird es seil um si umä gleit. finded mir richtig super, da mir üs ganz sicher sind as das halt immernu brucht, will ja we mir ja wüssed sind d menschä nöd diä hellschtä😉
richtig schönä tag gsi, 🐢🍍🌈Weiterlesen